1 Samuel 2:2 - Chol: I T’an Dios

² Ma'anic yambʌ ch'ujul bʌ che' bajche' lac Yum. Come ma'anic yambʌ lajal bʌ bajche' Dios. Ma'anic yambʌ Xajlel, jini jach Dios.

Chol de Tumbalá Bible

² Ma'anic yambʌ ch'ujul bʌ che' bajche' lac Yum. Come ma'anic yambʌ lajal bʌ bajche' Dios. Ma'anic yambʌ Xajlel, jini jach Dios.

1 Samuel 2:2 Iomraidhean Croise

2 Samuel 22:3

Lajal Dios bajche' wen xuc'ul bʌ xajlel baqui mic majlel ti puts'el. Jiñʌch c mʌctʌjib, jini p'ʌtʌl bʌ mu' bʌ i coltañon. Lajalʌch lac Yum bajche' chan bʌ ts'ajc ba' mi cochel. Jiñʌch xcoltaya c cha'an mu' bʌ i coltañon loq'uel ti' p'ʌtʌlel jini jontolo' bʌ.

2 Samuel 22:32

¿Majqui Dios? ¿Mach ba jinic lac Yum? Jincuyi. ¿Am ba yambʌ xuc'ul bʌ bajche' Dios? Ma'anic.

2 Samuel 7:22

Come wen ñuquet, c Yum Dios. Ma'anic yambʌ Dios che' bajche' jatet. Jatet jach Dioset.

Salmos 111:9

Lac Yum tsi' mʌñʌ i cha'año' bʌ. Tsi' yʌc'ʌ xuc'ul bʌ i t'an mu' bʌ i yajñel ti pejtelel ora. Ch'ujul i c'aba', bʌc'ñʌbil ja'el.

Salmos 18:2

Lajalʌch lac Yum bajche' ch'entun ba' mi lac puts'el. Jiñʌch ts'ajcʌbil bʌ cotot. Jiñʌch caj Coltaya. C Diosʌch. Lajalʌch bajche' wen xuc'ul bʌ xajlel. Jiñʌch c mʌctʌjib, jini p'ʌtʌl bʌ mu' bʌ i coltañon. Lajalʌch lac Yum bajche' chan bʌ ts'ajc ba' mi cochel.

Salmos 18:31

¿Majqui Dios? ¿Mach ba jinic lac Yum? ¿Am ba yambʌ xuc'ul bʌ bajche' Dios?

Salmos 71:19

C'ʌlʌl ti' chañelal panchan tsa'ix a pʌsʌ a bʌ ti toj. Tsa'ix a pʌsʌ ñuc tac bʌ a melbal, Dios. ¿Majqui to lajal bajche' jatet?

Salmos 71:3

La' c ñochtañet che' bajche' ch'entun ba' mi mejlel c chumtʌl ti pejtelel ora. Tsa' wʌc'ʌ a t'an. Mi caj a coltañon, Come p'ʌtʌl bʌ xajlelet c cha'an.

Salmos 73:25

Cʌxti anic yambʌ mu' bʌ c ñop ti panchan. Com jach jatet ti pañimil, mach comic yambʌ.

Salmos 86:8

C Yum, ma'anic yambʌ Dios che' bajche'et. Ma'anic yambʌ lajal bʌ i melbal.

Salmos 89:6

¿Am ba juntiquil ti panchan lajal bʌ bajche' lac Yum? ¿Am ba ángel ñuc bʌ bajche' lac Yum?

Salmos 89:8

C Yum Dios, i Yumet bʌ Panchan yic'ot Pañimil, ¿Am ba yambʌ lajal bʌ i p'ʌtʌlel? Baqui jach mi' q'ueletob mi' ña'tañob xuc'ulet.

Salmos 99:3

La' i subob i ñuclel a c'aba', Come bʌbʌq'uen jax, ch'ujulʌch ja'el.

Salmos 99:5

Subula i ñuclel lac Yum Dios. Pʌcchocon la' bʌ ba'an i yoc. Ch'ujul jax lac Yum.

Salmos 99:9

C'uxbinla lac Yum Dios. Pʌcchocon la' bʌ ya' ba'an ch'ujul bʌ wits i cha'an, Come ch'ujulʌch lac Yum Dios.

Exodo 15:11

C Yum, ¿am ba Dios lajal bʌ bajche'et? ¿Majqui ñuc che' bajche' jini Ch'ujul bʌ Dios? Ma' ch'ujutesʌntel ti c'ay cha'an bʌbʌq'uen bʌ a melbal.

Isaias 40:18

Ma'anic majch lajal bajche' Dios. ¿Mejl ba lac mel i yejtal tac?

Isaias 44:6

Che'ʌch woli' yʌl lac Yum, jini i Rey israelob, jini Xcoltaya i cha'añob, i Yum Panchan yic'ot Pañimil: Joñon jini ñaxan bʌ, joñon jini wi'il bʌ. Ma'anic yambʌ Dios.

Isaias 44:8

Mach la' cha'len bʌq'uen. Mach yomic mi' toj sajtel la' pusic'al. ¿Mach ba anic tsac tsictesʌbeyet chuqui mi' caj ti ujtel c'ʌlʌl ti oñiyi? C testigojetla, ma'anic yambʌ Dios. Joñon jach Dioson, a Xajlelon. Ma'anic yambʌ, che'en lac Yum.

Isaias 57:15

Jini cuxul bʌ ti pejtelel ora, Ch'ujul Bʌ i c'aba', woli i yʌl: Joñon chumulon ti chan ti Ch'ujul bʌ Cajñib, pero wʌ' chumulon ja'el yic'ot jini mu' bʌ i mel i bʌ ti pec', yic'ot jini am bʌ i wocol. Mic ñuq'uesʌben i pusic'al jini uts bʌ. Mi cʌq'uen i tijicñʌyel jini am bʌ ti c'oj'ol.

Isaias 6:3

Mi' jac'ob i bʌ ti c'ay: Ch'ujulet, wen Ch'ujulet Dios, i Yumet Panchan yic'ot Pañimil. But'ul pejtel pañimil ti a ñuclel, che'ob.

Jeremias 10:6

Ma'anic yambʌ ñuc bʌ Dios lajal bʌ bajche' jatet, c Yum. Wen ñuc a c'aba'. Cabʌl a p'ʌtʌlel.

Levitico 11:44

Come joñon la' Yumon, la' Dioson. Jini cha'an cʌntan la' bʌ cha'an mi la' wajñel ti ch'ujul, come ch'ujulon. Yom tsajiletla cha'an ma'anic mi la' pʌc' la' bʌ ti' chʌñil tac pañimil jexecña bʌ yic'ot tip'tip'ña bʌ mi' majlel tac ti lum.

Levitico 11:45

Come Yumʌlon. Tsac pʌyʌyetla loq'uel ti Egipto cha'an mi la' Diosiñon. Jini cha'an yom ch'ujuletla, come joñon ch'ujulon. Che' tsi' yʌlʌ lac Yum.

Romanos 15:4

Jini ts'ijbubil bʌ ti wajali tsa' ts'ijbunti cha'an mi laj cʌntesʌntel. I Ts'ijbujel Dios mi yʌq'ueñonla i xuc'tilel yic'ot i ñuq'uesʌntel lac pusic'al cha'an mi lac pijtan jini tal to bʌ.

Romanos 4:8

Tijicña jini winic mach bʌ anic mi' ña'tibentel i mul ti lac Yum”. Che'tsi' yʌlʌ David.

Deuteronomio 32:20

Lac Yum tsi' yʌlʌ: Mi caj j cʌyob. Ya'to tsiquil bajche' mi caj i jilelob, Come wen tsʌtsob jax i pusic'al, mach xuc'ulobic.

Deuteronomio 32:39

Q'uelela. Joñon la' Dioson. Joñon jach, ma'anic yambʌ. Joñon mi cʌq'uetla ti chʌmel. Joñon mi cʌq'ueñetla la' cuxtʌlel. Mic lowetla, mic cha' lajmesañetla. Ma'anic majqui mi mejlel i loc'sañetla tic p'ʌtʌlel.

Deuteronomio 32:4

Jiñʌch xajlel. Ts'ʌcʌl i ye'tel. Tojʌch pejtelel mu' bʌ i mel. Xuc'ulʌch, ma'anic i mul.

Deuteronomio 4:35

Tsa'ix pʌsbentiyetla pejtelel iliyi cha'an mi la' ña'tan ma'anic yambʌ dios, jini jach lac Yum, jini cojach bʌ Dios.

Deuteronomio 4:39

Jini cha'an yom mi la' wen ña'tan ti jump'ejl la' pusic'al. Lac Yum jiñʌch Dios ya' ti panchan yic'ot ila ti pañimil. Ma'anic yambʌ.

1 Pedro 1:16

Come ts'ijbubil: “Ajñenla ti ch'ujul, come ch'ujulon”, che'en lac Yum.