1 Samuel 2:1 - Chol: I T’an Dios

¹ Ana tsi' subu i ñuclel lac Yum. Tsi' yʌlʌ: Wen tijicña c pusic'al ti lac Yum. Tsi' yʌq'ueyon bendición lac Yum. Tijicña c pusic'al come ma'anix mi cubin quisin ti' tojlel j contrajob. Tsi' ñuq'uesʌbeyon c pusic'al che' bʌ tsi' coltayon.

Chol de Tumbalá Bible

¹ Ana tsi' subu i ñuclel lac Yum. Tsi' yʌlʌ: Wen tijicña c pusic'al ti lac Yum. Tsi' yʌq'ueyon bendición lac Yum. Tijicña c pusic'al come ma'anix mi cubin quisin ti' tojlel j contrajob. Tsi' ñuq'uesʌbeyon c pusic'al che' bʌ tsi' coltayon.

1 Samuel 2:1 Iomraidhean Croise

2 Cronicas 20:27

Tijicñayob i pusic'al tsa' cha' sujtiyob pejtelel jini ch'oyolo' bʌ ti Jerusalén yic'ot ti Judá yic'ot Josafat. Come lac Yum tsi' yʌq'ueyob i tijicñʌyel i pusic'al ti' tojlel i contrajob.

Nehemias 11:17

Yic'ot Matanías i yalobil Micaía, i yalobil bʌ Zabdi, i yalobil bʌ Asaf, jini tsa' bʌ i teche i yʌq'uen wocolix i yʌlʌ Dios ti oración, yic'ot Bacbuquías i cha'ticlel bʌ ti' tojlel i pi'ʌlob, yic'ot Abda i yalobil Samúa, i yalobil bʌ Galal, i yalobil bʌ Jedutún.

Job 16:15

Lʌpʌl c cha'an coxtal i wenta c bujc. Tsaj cʌyʌ c pijtan j coltʌntel.

Salmos 118:14

Lac Yum c p'ʌtʌlelʌch. Jiñʌch mu' bʌ j c'ʌyin. Jiñʌch xcoltaya c cha'an.

Salmos 13:5

Tsac xuc'choco c bʌ ti' yutslel a pusic'al. Mux c taj i tijicñʌyel c pusic'al cha'an wola' coltañon.

Salmos 148:14

Tsi' yʌc'ʌ ti c'uxbintel i cha'año' bʌ. Tsi' cʌntesayob ti c'ay jini israelob cʌntʌbilo' bʌ i cha'an, Cha'an mi' c'ʌyiñob i ñuclel. Subula i ñuclel Dios. ¡Aleluya!

Salmos 18:2

Lajalʌch lac Yum bajche' ch'entun ba' mi lac puts'el. Jiñʌch ts'ajcʌbil bʌ cotot. Jiñʌch caj Coltaya. C Diosʌch. Lajalʌch bajche' wen xuc'ul bʌ xajlel. Jiñʌch c mʌctʌjib, jini p'ʌtʌl bʌ mu' bʌ i coltañon. Lajalʌch lac Yum bajche' chan bʌ ts'ajc ba' mi cochel.

Salmos 20:5

La' la cubin tijicña cha'an tsa'ix mʌjli a cha'an. La' tsictiyic lac bandera ti pañimil. Tsictesan cha'an i ñuclel Dios. La' i jac'beñet lac Yum ti pejtelel chuqui ma' c'ajtiben.

Salmos 21:2

Tsa'ix a wʌq'ue chuqui yom i pusic'al, Ma'anic tsa' ñusʌbe chuqui tsi' c'ajtibeyet.

Salmos 35:9

Mi caj cubin i tijicñʌyel c pusic'al ti lac Yum. Tijicña mi caj cubin che' mi' coltañon.

Salmos 51:15

C Yum, jambeñon quej Cha'an mic sub a ñuclel.

Salmos 71:8

Cabʌl mi caj c sub a ñuclel. C'ux mi cubiñet ti pejtelel q'uin.

Salmos 75:10

Mi caj c jisʌben i p'ʌtʌlel jini jontolo' bʌ. Mi caj c p'ojlesʌbeñob i p'ʌtʌlel jini tojo' bʌ.

Salmos 89:17

I ñuclelʌch i p'ʌtʌlel mu' bʌ a wʌq'ueñob. Cha'an ti a wutslel mi caj c p'ʌtan lojon.

Salmos 89:18

Come lac mʌctʌjibʌch lac Yum. Jiñʌch lac Rey, jini Ch'ujul bʌ ti Israel.

Salmos 89:24

Mi caj c pʌsben i xuc'tilel c pusic'al yic'ot cutslel. Mi caj i yʌq'uentel i yumʌntel tij c'aba'.

Salmos 9:14

Cha'an mic pʌs pejtelel a ñuclel Ya' ti' ti' jini c'uxbibil bʌ Jerusalén Che' tijicña c pusic'al cha'an j coltʌntel.

Salmos 92:10

Tsa'ix a wʌq'ueyon c p'ʌtʌlel cha'an mi mʌjlel c cha'an. Mulbilonix yubil ti tsiji' bʌ aceite.

Exodo 15:1

Moisés yic'ot israelob tsi' c'ʌyiyob lac Yum ti ili c'ay: Mi caj j c'ʌyin lac Yum, come ti' ñuclel tsa'ix mʌjli i cha'an. Tsa'ix i choco ochel ti ñajb jini caballo tac yic'ot c'ʌchʌlo' bʌ.

Exodo 15:21

Miriam tsi' cʌntesayob ti c'ay: C'ʌyinla lac Yum, Come tsa' mʌjli i cha'an ti' ñuclel. Tsa'ix i choco ochel ti colem ñajb jini caballo tac yic'ot c'ʌchʌlo' bʌ, che'en.

Habacuc 3:1

Jiñʌch i yoración jini x'alt'an Habacuc:

Habacuc 3:18

pero tijicñayon cha'an lac Yum. Mi caj i ñuc'an c pusic'al ti Dios mu' bʌ i coltañon.

Lucas 1:69

Tsa'ix i yʌq'ueyonla p'ʌtʌl bʌ Xcoltaya loq'uem bʌ ti' p'olbal David, x'e'tel bʌ i cha'an.

Romanos 5:11

Mach cojic jach jini, pero tijicñayonla ti Dios cha'an lac Yum Jesucristo, come tsi' yuts'esa lac pusic'al yic'ot Dios.

Deuteronomio 33:17

Lajalʌch i p'ʌtʌlel bajche' alʌ wacax, i yʌx al bʌ Yic'ot i xulub jini mate' wacax. Mi caj i c'ʌn i p'ʌtʌlel cha'an mi' low jini tejclumob c'ʌlʌl ti' jilibal pañimil. Che' yilalob jini bajc'ʌlelob año' bʌ ti Efraín. Che'ʌch yilalob ti mil ti mil jini año' bʌ ti Manasés.

Filipenses 3:3

Tsepbil lac pʌchʌlel ti isujm, joñonla mu' bʌ lac ch'ujutesan Dios ti Espíritu. Mi' ñuc'an lac pusic'al ti Cristo Jesús. La cujil mach mejlic lac bajñel coltan lac bʌ.

Filipenses 4:4

Tijicñesan la' pusic'al ti lac Yum ti pejtelel ora. Mic cha' subeñetla: Tijicñesan la' pusic'al.

Filipenses 4:6

Mach mi la' cha'len tsic pusic'al pero ti pejtelel chuqui tac mi' yujtel subenla Dios chuqui tac yom ti oración. Chʌn c'ajtibenla. Subenla wocolix i yʌlʌ.

1 Pedro 1:8

Ma'anic tsa' la' q'uele Jesús, pero mi la' c'uxbin. Ma'anic woli la' q'uel wʌle, pero woli la' ñop. Jini cha'an ma'anic i p'isol i tijicñʌyel la' pusic'al tilem bʌ ti panchan,

Apocalipsis 18:20

La' ñuc'ac la' pusic'al, añet bʌ la ti panchan, yic'ot i cha'año' bʌ Dios, yic'ot apóstolob, yic'ot x'alt'añob, come Dios tsi' mele Babilonia ti la' tojlel, che'en.

1 Samuel 1:6

Penina tsi' chañ'esa i bʌ ti' tojlel Ana. Tsi' ts'a'le. Tsi' yotsʌbe i ch'ijiyemlel i pusic'al, come lac Yum ma'anic tsi' yʌq'ue i yalobil.

1 Samuel 1:7

Che'ʌch tsi' mele Penina ti jujump'ejl jab che' bʌ tsa' letsiyob majlel ti' yotot lac Yum. Cabʌl tsi' tic'la. Jini cha'an cabʌl tsi' cha'le uq'uel Ana. Tsi' cʌyʌ waj.