1 Samuel 18:3 - Chol: I T’an Dios

³ Jonatán tsi' wa'choco i t'an ti' tojlel David cha'an c'ux tsi' yubi.

Chol de Tumbalá Bible

³ Jonatán tsi' wa'choco i t'an ti' tojlel David cha'an c'ux tsi' yubi.

1 Samuel 18:3 Iomraidhean Croise

2 Samuel 21:7

David ma'anic tsi' choco majlel Mefiboset (i yalobil Jonatán i yalobil bʌ Saúl), cha'an jini t'an tsa' bʌ i yʌq'ue Jonatán ti' tojlel lac Yum.

Proverbios 18:24

An mu' bʌ i lon c'uxbiñonla che' an chuqui yomob i taj ti lac tojlel, pero an mu' bʌ i c'uxbiñonla ti isujm ñumen bajche' lac pi'ʌlob.

1 Samuel 19:1

Saúl tsi' sube Jonatán i yalobil yic'ot pejtelel x'e'telob i cha'an, cha'an mi' tsʌnsañob David. Pero ma'anic tsi' jac'ʌ Jonatán come c'uxatax tsi' yubi David.

1 Samuel 20:41

Che' majlemix jini ch'iton, tsa' loq'ui David ya' ba' mucul ti' pat jini much'ul bʌ xajlel. Tsi' pʌcchoco i bʌ uxyajl ti' tojlel Jonatán. Tsi' ts'ujts'uyob i bʌ. Tsi' cha'leyob uq'uel. Jal tsa' mejli i tic' i bʌ ti uq'uel David.

1 Samuel 20:42

Jonatán tsi' sube: Cucu ti' ñʌch'tʌlel a pusic'al. Come ti lac cha'ticlel tsa'ix la cʌc'ʌ lac t'an ti' c'aba' lac Yum. Lac Yum mi caj i yajñel ti lac tojlel yic'ot ti' tojlel lac p'olbal, che'en. Che' jini tsa' majli David. Tsa' sujti ti tejclum Jonatán.

1 Samuel 22:8

Ti pejteletla an chuqui leco woli la' ña'tan. Woli la' contrajiñon. Ma'anic majch tsi' subeyon che' bʌ tsi' temeyob i t'an calobil yic'ot i yalobil Isaí. Ma'anic majch mi' p'untañon come ma'anic majch mi' subeñon chuqui woli' mel calobil. Cujil tsi' xiq'ui c winic tij contra cha'an mi' chijtañon che' bajche' wʌle, che'en Saúl.

1 Samuel 23:18

Comol tsi' yʌc'ʌyob i t'an ti' tojlel lac Yum. Jonatán tsa' majli ti' yotot. David tsa' cʌle ya' ti Hores.