1 Samuel 16:3 - Chol: I T’an Dios

³ Pʌyʌ majlel Isaí ya' ba' ma' tsʌnsʌbeñon c majtan. Ya'i mi caj c pʌsbeñet chuqui mi caj a mel. Mux caj a mul ti aceite jini yajcʌbil bʌ c cha'an mu' bʌ caj c pʌsbeñet, che'en lac Yum.

Chol de Tumbalá Bible

³ Pʌyʌ majlel Isaí ya' ba' ma' tsʌnsʌbeñon c majtan. Ya'i mi caj c pʌsbeñet chuqui mi caj a mel. Mux caj a mul ti aceite jini yajcʌbil bʌ c cha'an mu' bʌ caj c pʌsbeñet, che'en lac Yum.

1 Samuel 16:3 Iomraidhean Croise

2 Samuel 15:11

Tsi' pʌyʌ majlel lujunc'al winicob ch'oyolo' bʌ ti Jerusalén. Mach ña'tʌbilic i cha'an jini winicob chuqui woli' ña'tan Absalón, come ma'anic tsi' tsictesʌbeyob.

1 Reyob 1:34

Come ya' añob jini motomaj Sadoc yic'ot jini x'alt'an Natán. Mi caj i wa'chocoñob Salomón cha'an mi' yochel ti rey ti' tojlel pejtelel israelob. Wusula jini trompeta. Cha'lenla c'am bʌ t'an cha'an cuxul mi' yajñel ti pejtelel ora jini rey Salomón. Che'ʌch yom mi la' mel.

1 Cronicas 11:3

Jini cha'an David tsi' laja i t'an yic'otob ti' tojlel lac Yum. Tsi' boñoyob ti aceite cha'an mi' wa'chocontel ti' rey Israel che' bajche' lac Yum tsi' sube Samuel.

Exodo 4:15

Mi caj a pejcan Aarón. Mi caj a wʌq'uen c t'an cha'an mi' sub. Mi caj cajñel quic'otetla ti la' cha'ticlel. Mi caj j coltañetla ti t'an. Mi caj cʌntesañetla chuqui yom mi la' mel.

Hechos 9:6

Saulo, tsiltsilña ti bʌq'uen, tsi' sube: C Yum, ¿chuqui a wom mic cha'len? che'en. Lac Yum tsi' sube: Ch'ojyen. Ochen ti tejclum. Mi caj a subentel chuqui yom ma' cha'len, che'en.

1 Samuel 9:16

Ijc'ʌl che' bajche' ili ora mi caj c choc tilel winic ch'oyol bʌ ti Benjamín. Jiñʌch yom bʌ ma' bon ti aceite cha'an ma' wa'chocon ti yumʌl ti' tojlel c tejclum Israel. Mi caj i coltan c tejclumob cha'an mi' loq'uelob ti' c'ʌb filisteojob, come tsa'ix c wen q'uelbeyob i wocol c cha'año' bʌ. Tsa'ix c'oti tic chiquin jini c'am bʌ i t'añob, che'en.