1 Samuel 13:2 - Chol: I T’an Dios

² tsa' caji i yajcan uxp'ejl mil winicob. Cha'p'ejl mil tsa' ajni yic'ot Saúl ya' ti Micmas ya' ti wits i c'aba' Betel. Jump'ejl mil ya' añob yic'ot Jonatán ya' ti Gabaa ti' lumal benjamiñob. Jini i colobal winicob tsa' cha' chojquiyob sujtel ti tejclum, jujuntiquil ti' yotot.

Chol de Tumbalá Bible

² tsa' caji i yajcan uxp'ejl mil winicob. Cha'p'ejl mil tsa' ajni yic'ot Saúl ya' ti Micmas ya' ti wits i c'aba' Betel. Jump'ejl mil ya' añob yic'ot Jonatán ya' ti Gabaa ti' lumal benjamiñob. Jini i colobal winicob tsa' cha' chojquiyob sujtel ti tejclum, jujuntiquil ti' yotot.

1 Samuel 13:2 Iomraidhean Croise

2 Samuel 20:1

Ti jim bʌ ora ya'an juntiquil ch'aplon bʌ winic i c'aba' Seba (i yalobil Bicri). Jiñʌch benjamín. Tsi' wusu trompeta. Tsi' subeyob israelob: Ma'anic chuqui mi caj la cʌq'uentel ti' tojlel David (i yalobil Isaí). Jini cha'an conla ti sujtel ti la cotot, che'en Seba.

2 Samuel 23:29

Heleb (i yalobil Baana) ch'oyol bʌ ti Netofat, yic'ot Itai (i yalobil Ribai) ch'oyol bʌ ti Gabaa am bʌ ti Benjamín,

Nehemias 11:31

I p'olbal Benjamín tsa' pujquiyob majlel ja'el ti Geba, ti Micmas, ti Aía, ti Betel yic'ot ti jini xchumtʌl tac ti' joytilel. ti Anatot, Nob, Ananías, Hazor, Ramá, Gitaim, Hadid, Seboim, Nebalet, Lod, yic'ot Ono, jini joctʌl ba' añob jini wen yujilo' bʌ e'tel ti chajp ti chajp.

Josue 22:6

Josué tsi' yʌq'ueyob i yutslel i t'an. Tsi' cʌyʌyob ti' bij. Tsa' sujtiyob majlel ti' chumlib tac.

Juezob 19:12

Awilan i yum tsi' jac'be: Mach yomic mi lac jijlel ti' tejclum yaño' bʌ winicob mach bʌ israelobic. Yom mi lac ñumel majlel ti Gabaa.

1 Samuel 10:26

Che' jini Samuel tsi' chocoyob sujtel ti' yototob. Saúl ja'el tsa' sujti ti' yotot ya' ti Gabaa. Tsi' pi'leyob majlel jini winicob uts'at bʌ i pusic'al nijcʌbilo' bʌ i cha'an lac Yum.

1 Samuel 10:5

Ti wi'il mi caj a majlel ya' ti bujtʌl i cha'an bʌ Dios ya' ba'an i yotot tac jini soldadojob filisteojob. Che' ma' wochel ti tejclum mi caj a taj junmojt x'alt'añob woli bʌ i jubelob ti pulʌntib am bʌ ti bujtʌl. Añob i cha'an salterio yic'ot pandero yic'ot flauta, yic'ot arpa tac. Woli' subob i t'an Dios.

1 Samuel 13:1

Ñumenix jump'ejl jab i yumʌntel Saúl. Ti' cha'p'ejlel jab che' woli ti yumʌntel,

1 Samuel 13:11

Pero Samuel tsi' c'ajtibe: ¿Chuqui tsa' cha'le? che'en. Saúl tsi' jac'ʌ: Tsaj q'uele wolix i laj sujtelob c winicob, cha'an ma'anic tsa' juliyet che' bajche' tsa' wʌlʌ. Awilan ya'ix tempʌbilob ti Micmas jini filisteojob.

1 Samuel 13:15

Che' jini Samuel tsa' loq'ui ti Gilgal cha'an mi' majlel ti Gabaa ba'an benjamiñob. Jixcu Saúl tsa' caji i cha' tempan tilel jini winicob ya'to bʌ añob yic'ot. Añob jax lujunc'al i chabajc' (600) che' ti' pejtelelob.

1 Samuel 13:16

Jonatán, i yalobil Saúl, yic'ot jini winicob ya'to bʌ añob, tsa' cʌleyob ya' ti Gabaa ti' lumal Benjamín. Jixcu jini filisteojob ya'ix tempʌbilob ti Micmas.

1 Samuel 13:23

Awilan ya' añob ti' bijlel Micmas junmojt filisteojob. Tsa' c'ʌlʌl c'otiyob ti wits ti' tojel Micmas.

1 Samuel 13:5

Jini filisteojob ja'el tsa' caji i tempañob i bʌ cha'an mi' cha'leñob guerra ti' contra Israel. An i cha'añob lujump'ejl i cha'c'al mil (30,000) carreta, yic'ot wʌcp'ejl mil (6,000) winicob c'ʌchʌlo' bʌ ti caballo, yic'ot cabʌl winicob lajal bʌ i yonlel bajche' i ji'il colem ja'. Tsa' caji' ñochtañob tilel jini israelob año' bʌ ti Micmas ti' tojel Betavén ba' mi' pasel q'uin.

1 Samuel 14:31

Anquese anto yom i p'ʌtʌlel jini soldadojob israelo' bʌ ti jim bʌ q'uin, pero wersa tsa' mejli i jisañob filisteojob ti Micmas c'ʌlʌl ti Ajalón.

1 Samuel 14:5

Ya' wa'al jump'ejl xajlel ti norte ti' tojel Micmas. Yambʌ an ti sur ti' tojel Gabaa.

1 Samuel 14:52

Ti pejtelel i jabilel Saúl, tsi' chʌn cha'le guerra ti' tojlel filisteojob. Baqui jach tsa' tajle p'ʌtʌl bʌ winic ch'ejl bʌ i pusic'al, Saúl tsi' pʌyʌ cha'an mi' yochel ti soldado.

1 Samuel 15:34

Tsa' sujti Samuel ya' ti Ramá. Saúl tsa' majli ti Gabaa.

1 Samuel 24:3

Che' woli ti xʌmbal majlel, Saúl tsa' c'oti ba' an corral cha'an tiñʌme'. Ya'an tam bʌ ch'en ba' tsa' ochi cha'an mi' majlel ti wutstʌl. Ya' mucul David ti' mal jini ch'en yic'ot i winicob.

1 Samuel 26:2

Che' jini Saúl tsa' jubi majlel ya' ti' tiquiñal pañimil i c'aba' Zif. Tsi' pʌyʌ majlel uxp'ejl mil winicob yajcʌbilo' bʌ ti Israel cha'an mi' sʌclañob David ya' ti' tiquiñal pañimil.

1 Samuel 8:11

Tsi' yʌlʌ: Che'ʌch mi caj i melbeñetla jini rey mu' bʌ caj la' yuman. Mi caj i pʌy majlel la' walobilob cha'an mi' cʌntʌbeñob i carreta tac tujc'ʌbil bʌ majlel ti caballo. C'ʌchʌlob ti caballo mi caj i majlelob ti guerra. Yaño' bʌ ajñel mi caj i majlelob ti' tojel i carreta i yum.