1 Samuel 12:3 - Chol: I T’an Dios

³ Wʌ'ix añon wʌle. Yomix mi la' sub ti' tojlel lac Yum, yic'ot ti' tojlel jini yajcʌbil bʌ rey, mi an chuqui leco tsac melbeyetla. Subula mi an juntiquil tsa' bʌ c tic'la, mi tsac ch'ʌmʌ la' wacax, mi la' burro, mi mach tojic tsac meleyetla, mi tsac ch'ʌmʌ c majtan cha'an mij coltan jini am bʌ i mul. Subuxla wʌle. Che' tsi' yʌlʌ Samuel.

Chol de Tumbalá Bible

³ Wʌ'ix añon wʌle. Yomix mi la' sub ti' tojlel lac Yum, yic'ot ti' tojlel jini yajcʌbil bʌ rey, mi an chuqui leco tsac melbeyetla. Subula mi an juntiquil tsa' bʌ c tic'la, mi tsac ch'ʌmʌ la' wacax, mi la' burro, mi mach tojic tsac meleyetla, mi tsac ch'ʌmʌ c majtan cha'an mij coltan jini am bʌ i mul. Subuxla wʌle. Che' tsi' yʌlʌ Samuel.

1 Samuel 12:3 Iomraidhean Croise

2 Samuel 22:22

Come tsa'ix c tsajcʌbe majlel i bijlel lac Yum. Ma'anic tsac cha'le mulil, ma'anic tsaj cʌyʌ Dios.

Nehemias 5:11

Cha' aq'ueñobix i lum la' pi'ʌlob ti jini jach bʌ q'uin. Cha' aq'ueñobix i ts'usubil yic'ot olivajil yic'ot i yotot tac ti jujuntiquil yic'ot i jol pejtel i ganar taq'uin yic'ot i jol i bʌl i ñʌc' yic'ot i jol vino yic'ot i jol aceite tsa' bʌ la' chilbeyob, cho'on.

Salmos 15:5

Ma'anic mi' ch'ʌm i jol taq'uin che' mi' yʌc' ti majan. Ma'anic mi' ch'ʌm taq'uin cha'an mi' tic'lan jini mach bʌ anic i mul. Jini toj bʌ mu' bʌ i mel pejtel iliyi, chʌn xuc'ul mi' caj ti ajñel.

Exodo 20:17

Mach a mulʌben i yotot a pi'ʌl, mi i yijñam mi i winic, mi i criada, mi i wacax, mi i burro, mi yambʌ chuqui tac an i cha'an. Che' tsi' yʌlʌ Dios.

Exodo 22:4

Mi tsa' tajle yic'ot i xujch' mi cuxul to jini wacax, mi burro, mi tiñʌme', cha'yajl mi caj i tojben i yum.

Exodo 23:8

Mach ma' mucul ch'ʌm a majtan, come che' mi' ch'ʌm i majtan jini am bʌ i ña'tʌbal, mi' jac' i lotintel. Che' jini, mi' yubin wocol jini toj bʌ winic ti' tojlel xmeloñel.

Proverbios 15:27

Jini wo'atax bʌ ti taq'uin mi' yotsan ti pobre i pi'ʌlob año' bʌ ti' yotot. Jini mu' bʌ i ts'a'len i majtan taq'uin mu' bʌ i pʌsben xjontolil tijicña mi' yajñel.

Levitico 6:4

Wersa mi' cha' sutq'uiben i yum chuqui tac jach tsi' ch'ʌmbe, mi i xujch', mi tic'laya, o mi prenda, o mi chuqui tsa' sajti i cha'an bʌ i pi'ʌl, o mi yan tac bʌ tsa' bʌ i mucu che' bʌ tsi' yʌc'ʌ i t'an.

Levitico 6:5

Ts'ʌcʌl yom mi' toj yic'ot cha'p'ejl i diezmojlel jini chubʌ'añʌl. La' i cha' sutq'uiben i yum ti jini jach bʌ q'uin che' mi' yʌq'ueñon tsʌnsʌbil bʌ c majtan ya' ti Tabernáculo cha'an i mul.

Numeros 16:15

Che' jini Moisés tsa' wen mich'a. Tsi' sube lac Yum Dios: Mach a q'uelbeñob ti uts'at i majtan tac mu' bʌ i yʌq'ueñetob. Mi juncojtic burro tsac ch'ʌmbeyob. Ma'anic chuqui tsac tumbeyob mi juntiquilic, che'en Moisés.

Mateo 22:21

Tsi' jac'beyob: I cha'an César, che'ob. Jesús tsi' subeyob: Jini cha'an aq'uenla César i cha'an bʌ César. Aq'uenla Dios i cha'an bʌ Dios, che'en Jesús.

Lucas 19:8

Che' wa'al Zaqueo ba'an lac Yum, tsi' sube: Awilan, c Yum, mi caj cʌq'ueñob ojlil c chubʌ'an jini mach bʌ añobic i chubʌ'an. Mi tsac chilbe i chubʌ'an winic mi caj c cha' sutq'uiben uxyajl i ñumel, che'en Zaqueo.

Hechos 20:33

Ma'anic tsac mulʌbeyetla chuqui an la' cha'an, mi plata, mi oro, mi pisil.

2 Corintios 12:14

La' wilan i yuxyajlelix tsac chajpa c bʌ cha'an mic tilel ba' añetla. Ma'anic chuqui mi caj j c'ajtibeñetla, come ma'anic wolic ña'tan c ch'ʌm chuqui an la' cha'an pero mic ña'tañetla. Come mach i wentajic la calobilob cha'an mi' tempʌbeñob i chubʌ'an i tat i ña'. I wentajʌch i tat i ña' cha'an mi' tempʌbeñob i chubʌ'an i yalobilob.

Deuteronomio 16:19

Mach yomic mi la' jem jini toj bʌ. Mach yomic jelchojc jach mi la' c'uxbin winicob. Mach yomic mi la' ch'ʌm la' majtan ti' tojlelob, come jini majtañʌl mi' mʌcben i wut jini am bʌ i ña'tʌbal. Mi' socben i t'an jini tojo' bʌ.

1 Tesalonicenses 2:10

Testigojetla bajche' tsac mele lojon. Testigojʌch Dios ja'el. Xuc'ul c melbal lojon, toj ja'el. Ma'anic c mul lojon ti la' tojlel mu' bʌ la' ñop.

1 Tesalonicenses 2:5

Come ña'tʌbil la' cha'an ma'anic tsac pejcayetla ti' t'ojol bʌ t'an cha'an mic taj lojon c wenlel ti la' tojlel. Ma'anic tsac wis tsʌjyu lojon chubʌ'añʌl. Testigojʌch Dios tsa' bʌ i q'uelbeyon c melbal lojon.

1 Pedro 5:2

Cʌntanla i tiñʌme' Dios año' bʌ ti la' wenta. Mach cha'anic xic'bebiletla, pero ti pejtelel la' pusic'al che' bajche' yom Dios. Mach cha'anic ganar, pero cha'an che' yom la' pusic'al.

1 Samuel 10:1

Samuel tsi' ch'ʌmʌ junwojl aceite. Tsi' mulbe ti' jol Saúl. Tsi' ts'ujts'u. Tsi' sube: Yajcʌbilet ti lac Yum cha'an ma' wochel ti' yum israelob.

1 Samuel 12:4

Jini israelob tsi' yʌlʌyob: Ma'anic tsa' wis tic'layon lojon. Ma'anic chuqui tsa' chilbeyon lojon. Ma'anic tsa' ch'ʌmʌ a majtan, che'ob.

1 Samuel 12:5

Samuel tsi' yʌlʌ: Lac Yum jiñʌch testigo c cha'an ti la' tojlel. Jini yajcʌbil bʌ rey i cha'an, jiñʌch testigo ja'el ti ili q'uin, come ma'anic chuqui leco tsa' la' taja tic tojlel, che'en. Tsi' jac'ʌyob: Melel bajche' ma' wʌl. Jiñʌch testigo Dios, che'ob.

1 Samuel 2:35

Joñon mi caj c yajcan juntiquil xuc'ul bʌ motomaj mu' bʌ caj i mel chuqui mic ña'tan tic pusic'al. Mi caj j coltan yic'ot i yalobilob ti pejtelel ora. Mi caj i melbeñon que'tel ti' tojlel jini rey tsa' bʌ c yajca.

1 Samuel 24:11

C tat, q'uele i xujt'il a bujc. Che' bʌ tsac tsepbe i xujt'il a bujc, ¿chucoch ma'anic tsac tsʌnsayet? Ña'tan che' jini, ma'anic c jontolil. Ma'anic tsac cha'le mulil ti a tojlel. ¿Chucoch woli a sʌclañon cha'an ma' chilbeñon j cuxtʌlel?

1 Samuel 24:6

Tsi' sube i winicob: Mach yomic Dios. Ma'anic chuqui mi caj c tumben c yum, come yajcʌbilʌch ti lac Yum. Mach yomic mic wis tic'lan come lac Yum tsi' wa'choco ti' ye'tel, che'en.

1 Samuel 24:7

Che' jini David tsi' mʌcta i winicob cha'an ma'anic mi' techob i bʌ ti' contra Saúl. Tsa' ch'ojyi Saúl. Tsa' loq'ui ti ch'en. Tsa' majli ti' bijlel.

1 Samuel 26:11

La' i tic'on lac Yum ame mic tic'lan jini yajcʌbil bʌ i cha'an. Pero ch'ʌmʌ jini lanza yic'ot jini ja' am bʌ ti' t'ejl. Conixla, che'en.

1 Samuel 26:9

David tsi' jac'be Abisai: Mach a tic'lan. Come jini mu' bʌ i tic'lan jini yajcʌbil bʌ i cha'an lac Yum mi caj i toj i mul, che'en.