1 Samuel 11:4 - Chol: I T’an Dios

⁴ Che' bʌ tsa' c'otiyob jini suboñelob ti Gabaa ba' chumul Saúl, tsa' caji i subeñob jini t'an pejtelel tejclumob. Che' bʌ tsi' yubiyob, tsa' cajiyob ti uq'uel. Wen c'amob i yuq'uel.

Chol de Tumbalá Bible

⁴ Che' bʌ tsa' c'otiyob jini suboñelob ti Gabaa ba' chumul Saúl, tsa' caji i subeñob jini t'an pejtelel tejclumob. Che' bʌ tsi' yubiyob, tsa' cajiyob ti uq'uel. Wen c'amob i yuq'uel.

1 Samuel 11:4 Iomraidhean Croise

Genesis 27:38

Esaú tsi' sube i tat: ¿Anto ba jump'ejl jach i yutslel a t'an, c tat? Aq'ueñon i yutslel a t'an ja'el, c tat, che'en. C'am tsi' cha'le uq'uel Esaú.

1 Cronicas 12:3

I yum jiñʌch Ahiezer, i yalobil Semaa, ch'oyol bʌ ti Gabaat. Jini yaño' bʌ winicob jiñobʌch iliyi: I yeran Ahiezer i c'aba' Joás, Jeziel yic'ot Pelet (i yalobilob Azmavet), Beraca, Jehú ch'oyol bʌ ti Anatot, Ismaías ch'oyol bʌ ti Gabaón (jiñʌch ch'ejl bʌ soldado ñumen bajche' jini Lujuntiquil i cha'c'al), Jeremías, Jahaziel, Johanán, Jozabad ch'oyol bʌ ti Gedera, Eluzai, Jerimot, Bealías, Semarías, Sefatías ch'oyol bʌ ti Haruf, Elcana, Isías, Azareel, Joezer yic'ot Jasobeam (jiñobʌch corejob); Joela yic'ot Zebadías (i yalobilob Jeroham) ch'oyolo' bʌ ti Gedor.

Romanos 12:15

Yom tijicñayetla yic'ot jini tijicñayo' bʌ. Cha'lenla uq'uel yic'ot jini mu' bʌ i cha'leñob uq'uel.

1 Corintios 12:26

Mi tsi' taja wocol jump'ejl chucul bʌ ti lac bʌc'tal, mi la cubin ti pejtelel lac bʌc'tal. Mi tsi' taja i ñuclel, tijicña mi la cubin ti pejtelel lac bʌc'tal.

Gálatas 6:2

Coltan la' bʌ ti' cuchol wocol. Che' jini mi la' jac'ben i mandar Cristo.

Hebreos 13:3

Coltanla jini xmʌjquelob. P'untañob che' bajche' la' wom p'untʌntel ya'ic añetla ti mʌjquibʌl. Ña'tanla jini woliyo' bʌ ti wocol che' bajche' jatetʌchla woli bʌ la' wubin wocol.

Juezob 2:4

Che' bʌ tsi' yʌlʌ ili t'an i yAngel lac Yum ti' tojlel i yalobilob israel, c'am tsi' cha'le t'an jini tejclum. Tsa' uq'uiyob.

Juezob 20:23

Jini israelob ñaxan tsa' letsiyob majlel ba'an lac Yum. C'am tsi' cha'leyob uq'uel c'ʌlʌl ti ic'ajel. Tsi' c'ajtibeyob lac Yum: ¿Yom to ba mic chʌn cha'len lojon guerra ti' tojlel jini benjamiñob, jini c pi'ʌlob lojon? che'ob. Lac Yum tsi' subeyob: Cha' letsenla ti guerra ti' contrajob, che'en.

Juezob 20:26

Jini cha'an pejtelel jini israelob tsa' majliyob ti Betel. C'am tsi' cha'leyob uq'uel. Ya' tsa' buchleyob ti' tojlel lac Yum. Ma'anic chuqui tsi' c'uxuyob ti jini q'uin c'ʌlʌl ti ic'ajel. Tsi' yʌq'ueyob pulbil tac bʌ i majtan lac Yum yic'ot i majtan cha'an i ñʌch'tilel i pusic'al.

Juezob 21:2

Pero jini israelob tsa' cha' tiliyob ti Betel. Ya' añob c'ʌlʌl ti ic'ajel ti' tojlel lac Yum. C'am tsi' cha'leyob t'an ti oración. Tsi' cha'leyob uq'uel. Tsi' yʌlʌyob:

1 Samuel 10:26

Che' jini Samuel tsi' chocoyob sujtel ti' yototob. Saúl ja'el tsa' sujti ti' yotot ya' ti Gabaa. Tsi' pi'leyob majlel jini winicob uts'at bʌ i pusic'al nijcʌbilo' bʌ i cha'an lac Yum.

1 Samuel 14:2

Ya' tsa' cʌle Saúl ti yebal granado te' am bʌ ti Migrón ti' junwejlel Gabaa, yic'ot lujunc'al i chabajc' (600) winicob.

1 Samuel 15:34

Tsa' sujti Samuel ya' ti Ramá. Saúl tsa' majli ti Gabaa.

1 Samuel 30:4

C'am tsi' cha'leyob uq'uel David yic'ot i winicob. Tsi' cha'leyob uq'uel jinto che' ma'añobix i p'ʌtʌlel.