1 Samuel 11:2 - Chol: I T’an Dios

² Pero jontol Nahas jini amón. Tsi' jac'ʌ: Uts'atʌch bajche' woli la' wʌl. Mux lac laj lac t'an. Wersa mi la' wʌc' la' bʌ cha'an mic loc'sʌbeñetla jini ñoj bʌ la' wut ti jujuntiquiletla. Che' jini mi caj i yubiñob quisin pejtelel israelob, che'en.

Chol de Tumbalá Bible

² Pero jontol Nahas jini amón. Tsi' jac'ʌ: Uts'atʌch bajche' woli la' wʌl. Mux lac laj lac t'an. Wersa mi la' wʌc' la' bʌ cha'an mic loc'sʌbeñetla jini ñoj bʌ la' wut ti jujuntiquiletla. Che' jini mi caj i yubiñob quisin pejtelel israelob, che'en.

1 Samuel 11:2 Iomraidhean Croise

Genesis 34:14

Tsi' subeyob: Mach mejlic c mel lojon iliyi. Mach mejlic c sijin lojon quijts'in lojon ba'an winic mach bʌ tsepbilic i pʌchʌlel, come mach uts'atic tic wut lojon.

2 Reyob 18:31

Mach la' jac'ben i t'an jini Ezequías. Ac'ʌ la' bʌ tic wenta. Che' jini ñʌch'ʌl mi caj la' chʌn ajñel ti la' lumal. Ti wi'il mi caj c pʌyetla majlel ti yambʌ lum uts'at bʌ che' bajche' iliyi ba'an wen bʌ c'ajbal, yic'ot trigo, yic'ot i ya'lel ts'usub, yic'ot olivote', yic'ot chab. Mi uts'at mi la' jac' c t'an, ma'anic mi caj la' chʌmel. Mach la' jac'ben i t'an Ezequías come woli' lotiñetla che' mi' subeñetla: Lac Yum mi caj i coltañonla, lon che'en.

Salmos 44:13

Tsa' wʌc'ʌyon lojon ti tse'tʌntel ti' tojlel jini mach bʌ c pi'ʌlobic lojon, Cha'an mi' ts'a'leñon lojon, cha'an mi' wajleñon lojon.

Exodo 3:6

Tsi' yʌlʌ: Joñon i Dioson a tat, i Dioson Abraham, i Dioson Isaac, i Dioson Jacob, che'en. Moisés tsi' mʌcʌ i wut come mach yomic i q'uel Dios cha'an bʌq'uen.

Proverbios 12:10

Jini tojo' bʌ mi' cʌntañob i yʌlac' mu' bʌ ti xʌmbal ti pam otot, pero mach yujilic p'untaya jini xjontolil. Jontol jax i pusic'al.

Jeremias 39:7

Tsi' pit t'ojbe loq'uel i wut Sedequías. Tsi' cʌchʌ ti cadena tac cha'an mi' pʌy majlel ti Babilonia.

Numeros 16:14

Ma'anic chuqui tsa' wʌq'ueyon lojon, mi lumic mi ts'usubilic. Ma'anic tsa' pʌyʌyon lojon tilel ba' mic jap lojon lech ba' mic mʌc' lojon chab. ¿Mu' ba cajel a lotiñon lojon? Jini cha'an mach letsicon lojon, che'ob.

Juezob 16:21

Jini filisteojob tsi' cʌchʌyob. Tsi' loc'sʌbeyob i bʌc' i wut. Tsi' pʌyʌyob majlel c'ʌlʌl ti Gaza. Ya' tsi' cʌchʌyob ti cadena cha'an mi' cha'len juch'bal ti mʌjquibʌl.

1 Samuel 11:10

Jini cha'an jini año' bʌ ti Jabes tsi' subeyob i contrajob: Ijc'ʌl mi caj cʌc' lojon c bʌ ti la' c'ʌb cha'an mi la' mel pejtelel chuqui la' wom tic tojlel lojon, che'ob.

1 Samuel 12:12

Che' bʌ tsa' la' bʌc'ña Nahas i rey jini amoñob che' woli' contrajiñetla, tsa' la' subeyon: “Wersa comix lojon c rey”, che'etla, anquese añʌch la' rey, jiñʌch lac Yum Dios.

1 Samuel 17:26

David tsa' caji' c'ajtiben jini ya' bʌ añob: ¿Chuqui mi caj i yʌq'uentel jini winic mu' bʌ i mʌjlel i cha'an ti' tojlel jini sajtem bʌ filisteo? ¿Yom ba mi lac bʌc'ñan ili winic woli bʌ i tic'lan Israel? ¿Chuqui i ye'tel ti' tojlel jini soldadojob i cha'an bʌ lac Yum? che'en.