1 Juan 5:3 - Chol: I T’an Dios

³ Come i c'uxbintel Dios jiñʌch i ch'ujbibentel i mandar. Mach wocolic i mandar.

Jiñi Tsiji' bʌ Wen T'añ cha'añ Estudio

³ Come i c'uxbintel Dios jiñʌch i jac'ol i mandar, mach wocolic i mandar.

Chol de Tumbalá Bible

³ Come i c'uxbintel Dios jiñʌch i ch'ujbibentel i mandar. Mach wocolic i mandar.

Jiñi Tsiji' bʌ Wen T'añ cha'añ Estudio

³ Come i c'uxbintel Dios jiñʌch i jac'ol i mandar, mach wocolic i mandar.

Chol Tila

³ Mi chʌncol lac p'untyan Dios mux lac ch'ujbin lac xic'ol ti Dios che' jini. La cujil mach'an wocol ti ch'ujbintyel.

1 Juan 5:3 Iomraidhean Croise

2 Reyob 18:6

Tsi' chʌn tsajca lac Yum. Ma'anic tsi' tʌts'ʌ i bʌ ti' tojlel. Tsi' wen jac'be i mandar lac Yum che' bajche' tsi' subu Moisés.

Salmos 119:140

Tsa' wʌc'ʌ ti tsictiyel i sʌclel a t'an. A winicon, mij c'uxbin a t'an.

Salmos 119:45

Tijicña mi caj cajñel ti a bijlel come librejonix, Come tsa'ix c wen ñopo a t'an.

Exodo 20:6

Mic pʌsbeñob i yutslel c pusic'al bajc'ʌlob mu' bʌ i c'uxbiñoñob mu' bʌ i jac'beñon c mandar.

Proverbios 3:17

Tijicña mu' bʌ i ñopben i cʌntesʌbal. Ñʌch'ʌl i pusic'al jini mu' bʌ i jac'.

Daniel 9:4

Tsac pejca ti oración lac Yum Dios. Tsac sube c mul yic'ot i mul c pi'ʌlob israelob. Tsac sube: C Yum, ñuc bʌ Dioset, wen bʌc'ñʌbilet. Ma' chʌn ña'tan a t'an cha'an ma' ts'ʌctesʌbeñob jini mu' bʌ i c'uxbiñetob yic'ot jini mu' bʌ i jac'ob a mandar.

Miqueas 6:8

Tsa'ix i pʌsbeyet chuqui uts'at ti' wut. Jini jach woli' c'ajtibeñet. Mele chuqui tac toj. Pʌsʌ i yutslel a pusic'al yic'ot c'uxbiya. Peq'uesan a bʌ ti' tojlel a Dios.

Mateo 23:4

Mi' p'ʌtob wen al bʌ cuchʌl wocol bʌ ti q'uechol. Mi' c'ʌcchocobeñob ti' quejlab yaño' bʌ winicob. Pero i bajñelob ma'anic mi' wis tʌlob jini cuchʌl mi ti junts'ijtic i yal i c'ʌb.

Juan 14:15

Mi c'ux mi la' wubiñon, mi caj la' jac'beñon c mandar.

Juan 15:10

Mi woli la' jac'beñon c mandar, mi caj c chʌn c'uxbiñetla. Che' ja'el tsac jac'be i mandar c Tat. Wolic chʌn c'uxbintel tic Tat.

Juan 15:14

Jatetla c pi'ʌletla che' mi la' cha'len chuqui mic subeñetla.

Romanos 7:12

Ch'ujul jini mandar, che' jini. Ch'ujul i subal Dios. Tojʌch. Uts'atʌch.

Romanos 7:22

Come tic pusic'al mic wen mulan i mandar Dios.

Deuteronomio 5:10

Mi cutsi p'ojlesʌbeñob i yutslel c pusic'al mu' bʌ i c'uxbiñoñob, mu' bʌ i jac'ob c mandar c'ʌlʌl ti jump'ejl mil i lajm la' p'olbal.

Deuteronomio 7:9

Ña'tanla che' jini Diosʌch lac Yum, jini jach bʌ Dios, xuc'ul bʌ ti pejtelel ora. Mi' chʌn ña'tan jini xuc'ul bʌ t'an tsa' tʌ i yʌc'ʌ ti lac tojlel. Mi' pʌsbeñob i yutslel i pusic'al jini mu' bʌ i jac'beñob i mandar c'ʌlʌl ti jump'ejl mil i lajm la' p'olbal.

Hebreos 8:10

Mi caj c mel yambʌ xuc'ul bʌ t'an yic'ot jini israelob che' ñumenix cabʌl q'uin. Jiñʌch iliyi: Mi caj cʌq'ueñob i ña'tan c mandar ti' pusic'al. Mi caj i c'uxbiñoñob come i Dioson. Mi caj c cha'aniñob.

1 Juan 2:3

Mi woli lac ch'ujbiben i mandar, la cujil cʌñʌlix lac cha'an Jesús.

2 Juan 1:6

Jiñʌch laj c'uxbiya che' mi lac cha'len xʌmbal che' bajche' mi' yʌl i mandar. Tsa' la' wubi jini mandar c'ʌlʌl ti' cajibal: Yom mi laj c'uxbin lac bʌ.