1 Juan 4:10 - Chol: I T’an Dios

¹⁰ Jiñʌch mero c'uxbiya. Mach joñonicla tsa' laj c'uxbi Dios pero jini tsi' c'uxbiyonla. Tsi' choco tilel i Yalobil cha'an mi' toj lac mul, cha'an mi' lajmel i mich'ajel ti lac tojlel.

Jiñi Tsiji' bʌ Wen T'añ cha'añ Estudio

¹⁰ Jiñʌch mero c'uxbiya. Mach joñoñicla tsa' laj c'uxbi Dios pero jiñi tsi' c'uxbiyonla, tsi' choco tilel i Yalobil cha'añ mi' toj lac mul, cha'añ mi' lajmel i mich'ajel ti lac tojlel.

Chol de Tumbalá Bible

¹⁰ Jiñʌch mero c'uxbiya. Mach joñonicla tsa' laj c'uxbi Dios pero jini tsi' c'uxbiyonla. Tsi' choco tilel i Yalobil cha'an mi' toj lac mul, cha'an mi' lajmel i mich'ajel ti lac tojlel.

Jiñi Tsiji' bʌ Wen T'añ cha'añ Estudio

¹⁰ Jiñʌch mero c'uxbiya. Mach joñoñicla tsa' laj c'uxbi Dios pero jiñi tsi' c'uxbiyonla, tsi' choco tilel i Yalobil cha'añ mi' toj lac mul, cha'añ mi' lajmel i mich'ajel ti lac tojlel.

Chol Tila

¹⁰ Jini yoque p'untyaya jiñʌch che' ñac Dios ti' p'untyʌyonla. Max tyo yoque p'untyayajic che' ñac ti lac p'untyʌ Dios joñonla. Dios ti' choco tyʌlel cojach bʌ i Yalobil cha'an i sajtyel cha'an i xot'beñonla lac mul.

1 Juan 4:10 Iomraidhean Croise

Daniel 9:24

Mu' to caj i ñusañob wocol a pi'ʌlob yic'ot i tejclum lujump'ejl i chʌnc'al (70) semana jinto mi' laj cʌyob i mul, jinto mi' cha' sʌq'uesʌntelob. Che' jini mi caj i tejchel i yumʌntel jini toj bʌ mu' bʌ caj i yajñel ti pejtelel ora che' bajche' tsi' wʌn subuyob jini x'alt'añob. Mi caj i cha' sʌq'uesʌntel jini C'ax Ch'ujul bʌ Ajñibʌl am bʌ ti Templo.

Juan 13:34

Mi cʌq'ueñetla tsijib mandar: C'uxbin la' bʌ. Che' bajche' tsaj c'uxbiyetla, che' yom mi' la' c'uxbin la' bʌ.

Juan 15:16

Jatetla ma'anic tsa' la yajcayon. Joñon tsac yajcayetla. Tsa cʌq'ueyetla la' we'tel cha'an mi la' majlel la' wʌc' la' wut mu' bʌ caj i jalijel, cha'an mi' yʌq'ueñetla c Tat pejtelel chuqui mi la' c'ajtiben tij c'aba'.

Juan 3:16

Come che'i tsi' wen c'uxbi jini año' bʌ ti pañimil Dios. Tsi' yʌc'ʌ cojach bʌ i Yalobil. Majqui jach mi' ñop i Yalobil, ma'anic mi' sajtel. Mi' taj i cuxtʌlel mach bʌ anic mi' jilel.

Juan 6:51

Joñon cuxul bʌ Wajon tsa' bʌ jubiyon tilel ti panchan. Mi an majqui mi' c'ux jini Waj, chʌn cuxul ti pejtelel ora. Jini Waj mu' bʌ cʌc' jiñʌch c bʌc'tal mu' bʌ cʌc' cha'an i cuxtʌlel jini año' bʌ ti pañimil. Che' tsi' yʌlʌ Jesús.

Hebreos 2:17

Jini cha'an wersa tsi' ch'ʌmʌ i bʌc'tal Jesús lajal bajche' i bʌc'tal i yermanojob cha'an mi' yochel ti c'ax ñuc bʌ motomaj yujil bʌ p'untaya. Xuc'ul i pusic'al ti' ye'tel Dios cha'an mi' tojbeñob i mul pejtelel winicob x'ixicob.

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'an mi' jilel i p'ʌtʌlel mulil ti lac tojlel. Cuxulonixla cha'an yom mi lac mel chuqui toj. Lajmesʌbiletla cha'an tsa' lojwi lac Yum.

1 Pedro 3:18

Come Cristo ja'el ti junyajlel tsi' yubi wocol cha'an mulil. Jini Toj bʌ tsi' yʌc'ʌ i bʌ ti chʌmel cha'an jini mach bʌ tojobic, cha'an mi' pʌyonla ti' tojlel Dios. Isujmʌch tsa' tsʌnsʌnti ti' bʌc'tal, pero tsa' cha' cuxtiyi ti jini espíritu.

1 Juan 2:2

Jiñʌch tsa' bʌ i yubi i mich'ajel Dios ti' caj lac mul, mach jinic jach lac mul pero i mul ja'el pejtelel año' bʌ ti pañimil.

1 Juan 3:1

Cabʌl tsi' c'uxbiyonla lac Tat. Jini cha'an mi lac pejcʌntel ti' yalobil Dios. Melel i yalobilonla. Jini cha'an ma'anic mi' cʌñonla i cha'año' bʌ pañimil, come mach i cʌñʌyobic Dios.

1 Juan 4:19

Jini cha'an mi laj c'uxbin Dios, come ñaxan tsi' c'uxbiyonla.

1 Juan 5:11

Jini t'an tsa' bʌ i yʌlʌ Dios jiñʌch iliyi: Dios tsi' yʌq'ueyonla laj cuxtʌlel mach bʌ anic mi' jilel. Ili laj cuxtʌlel an ti' Yalobil Dios.