1 Juan 3:4 - Chol: I T’an Dios

⁴ Majqui jach mi' cha'len mulil, woli' ñusan mandar. Mulil jiñʌch i ñusʌntel mandar.

Jiñi Tsiji' bʌ Wen T'añ cha'añ Estudio

⁴ Pejtelel majqui jach mi' cha'len mulil, woli' ñusan mandar, come jiñi mulil jiñʌch i ñusʌntel mandar.

Chol de Tumbalá Bible

⁴ Majqui jach mi' cha'len mulil, woli' ñusan mandar. Mulil jiñʌch i ñusʌntel mandar.

Jiñi Tsiji' bʌ Wen T'añ cha'añ Estudio

⁴ Pejtelel majqui jach mi' cha'len mulil, woli' ñusan mandar, come jiñi mulil jiñʌch i ñusʌntel mandar.

Chol Tila

⁴ Pero jini i tyʌlelʌch bʌ am bʌ ti mulil chʌncol i ñusan i xic'ol ti Dios. Mulilʌch che' mi lac ñusʌben i xic'ojel Dios.

1 Juan 3:4 Iomraidhean Croise

1 Reyob 8:47

Mi tsa' caji i cha' ña'tañetob ya' ti yambʌ lum baqui mi' majlelob, mi tsi' cha' sutq'uiyob i bʌ cha'an mi' pejcañetob ti oración, mi tsi' yʌlʌyob: “Tsac cha'le lojon mulil ti a contra. Tsac mele lojon chuqui jontol”, mi che'ob,

1 Cronicas 10:13

Tsa' chʌmi Saúl cha'an tsi' ñusʌbe i t'an lac Yum, cha'an tsi' pejca jini x'ixic yujil bʌ wujt.

2 Cronicas 24:20

Jini Ch'ujul bʌ i Ch'ujlel lac Yum tsa' c'oti ti' tojlel Zacarías (i yalobil jini motomaj Joiada). Zacarías tsi' pʌyʌ tilel winicob x'ixicob. Tsa' wa'le ti t'uchlibʌl ti' tojlelob. Tsi' subeyob: ¿Chucoch tsa' la' ñusʌbe i t'an lac Yum? Che' jini ma'anic mi caj la' taj la' wenlel. Ti' caj la' mul cha'an tsa' la' cʌyʌ lac Yum mi caj i cʌyetla, che'en Zacarías.

Isaias 53:8

Tsa' tic'lʌnti, tsa' ñumi ti meloñel, tsa' pʌjyi majlel cha'an mi' yʌjq'uel ti chʌmel. ¿Majqui tsi' wis ña'ta mi woli' tsʌnsʌntel cha'an i mul c tejclumob? Tsa' ajq'ui ti wocol, tsa' jajts'i cha'an i mul winicob x'ixicob.

Daniel 9:11

Pejtelel israelob tsi' ñusayob a t'an. Ma'anic tsac jac'ʌ lojon a mandar. Ma'anic tsac ñich'ta lojon a t'an. Jini cha'an tsa' tili tic tojlel lojon a mich'ajel, yic'ot pejtel jini wocol ts'ijbubil bʌ ti' mandar Moisés jini a waj e'tel. Tsa' chocoyon lojon loq'uel ti a tojlel, come tsac cha'le lojon mulil ti a contra.

Numeros 15:31

Come ma'anic tsi' jac'ʌ c t'an. Tsa' jach i t'uchta c mandar. Jini cha'an wersa yom mi' chojquel loq'uel jini winic. Bajñel an ti' wenta cha'an mi' toj i mul. Che' tsi' yʌlʌ lac Yum.

Mateo 5:19

Jini cha'an mi an majch mi' ñusan jump'ejl ch'o'ch'oc bʌ mandar, mi tsi' cʌntesa winicob cha'an mi' ñusañob ja'el, ma'anic mi caj i taj i ñuclel ti' yumʌntel panchan. Pero jini mu' bʌ i jac' jini mandar, mu' bʌ i cʌntesañob cha'an mi' jac'ob, mi caj i taj i ñuclel ti' yumʌntel jini am bʌ ti panchan.

Hechos 23:3

Pablo tsi' sube: Mi caj i jats'et Dios. Pajq'uet bombil bʌ ti tan. Buchulet cha'an ma' c'ʌn jini mandar a melon, pero wola' ñusan mandar che' ma' wʌc'on ti jajts'el, che'en.

Romanos 3:20

Jini cha'an mach cha'anic i jac'ol mandar mi' ñusʌbeñonla lac mul Dios che' mi' yotsañonla ti' wenta. Come jini mandar mi' yʌq'ueñonla lac ña'tan lac mul.

Romanos 4:15

I ñusʌntel mandar mi' tech mich'ajel, pero che' ma'anic mandar ma'anic mi' ñusʌntel.

2 Corintios 12:21

Cabʌl mic cha'len bʌq'uen ame mi' yʌc'on ti quisin Dios ti la' tojlel che' mic cha' tilel ba' añetla, ame mi cuct'an jini tsa' bʌ i cha'leyob mulil mi ma'anic tsi' cʌyʌyob i bibi'lel yic'ot i ts'i'lel yic'ot i colosojlel.

Santiago 5:15

Mi woli lac ñop ti lac pusic'al che' mi lac pejcan Dios, mi caj i coltan jini xc'amʌjel. Lac Yum mi caj i lajmesan. Mi tsi' cha'le mulil, mux i ñusʌbentel.

1 Juan 5:17

Pejtelel lac melbal mach bʌ tojic, jiñʌch mulil. An mulil mach bʌ anic mi' yʌc'onla ti chʌmel.

1 Samuel 15:24

Saúl tsi' sube Samuel: Isujm tsac taja c mul. Tsac ñusʌbe i t'an lac Yum yic'ot a t'an cha'an mic tajben i yutslel i t'an winicob. Jini cha'an tsac jac'beyob i t'an.