1 Juan 2:5 - Chol: I T’an Dios

⁵ Jini mu' bʌ i ch'ujbiben i t'an Jesús, woli' wen c'uxbin Dios. Che' jini la cujil añonla ti Jesús.

Jiñi Tsiji' bʌ Wen T'añ cha'añ Estudio

⁵ Jiñi mu' bʌ i jac'ben i t'añ Jesús, woli' wen c'uxbin Dios; che' jiñi la cujil añonla ti Jesús.

Chol de Tumbalá Bible

⁵ Jini mu' bʌ i ch'ujbiben i t'an Jesús, woli' wen c'uxbin Dios. Che' jini la cujil añonla ti Jesús.

Jiñi Tsiji' bʌ Wen T'añ cha'añ Estudio

⁵ Jiñi mu' bʌ i jac'ben i t'añ Jesús, woli' wen c'uxbin Dios; che' jiñi la cujil añonla ti Jesús.

Chol Tila

⁵ Pero mi chʌncox lac ch'ujbiben i t'an chʌncox lac wen p'untyan Dios. Che' jini mux lac ña'tyan añonixla ti' tyojlel.

1 Juan 2:5 Iomraidhean Croise

Salmos 105:45

Cha'an mi' jac'beñob i mandar Dios yic'ot i cʌntesa ti pejtelel i pusic'al. ¡Aleluya!

Salmos 106:3

Tijicñayob mu' bʌ i jac'ob chuqui toj, mu' bʌ i melob chuqui toj ti pejtelel ora.

Salmos 119:146

C'am mic pejcañet. Coltañon come mic jac'beñet a t'an.

Salmos 119:2

Tijicñayob jini mu' bʌ i jac'ob a t'an, mu' bʌ i sʌclañet c Yum, ti pejtelel i pusic'al.

Salmos 119:4

Tsa'ix a wʌc'ʌ a ley cha'an mic wen jac' lojon.

Proverbios 28:7

Jini ch'iton mu' bʌ i jac' i cʌntesʌntel uts'at mi' q'uejlel ti' tat. Jini mu' bʌ i pi'len majlel jini wo'ob jax bʌ mu' bʌ i jisañob i chubʌ'an mi' yʌc' ti quisin i tat.

Proverbios 8:32

Jini cha'an wʌle, calobilob, ñich'tʌben i t'an Dios am bʌ wen bʌ i ña'tʌbal. Come an i coltʌntel jini mu' bʌ i tajob wen bʌ i ña'tʌbal.

Eclesiastes 8:5

Jini mu' bʌ i jac'ob mi' q'uejlelob ti uts'at. Ma'anic i mul. Jini am bʌ i pusic'al mi caj i wen ña'tan bajche' yom melol jini e'tel. Mi caj i tajben i yorajlel.

Ezequiel 36:27

Mi caj cotsan ti la' tojlel jini quEspíritu cha'an mi la' jac' c subal yic'ot c t'an.

Lucas 11:28

Jesús tsi' sube: Ñumen tijicñayob mu' bʌ i yubibeñob i t'an Dios mu' bʌ i jac'ob, che'en.

Juan 14:21

Jini mu' bʌ i cʌn c mandar, mu' bʌ i jac', jiñʌch mu' bʌ i c'uxbiñon. Jini mu' bʌ i c'uxbiñon, mi caj i c'uxbintel cha'an c Tat. Joñon mi caj j c'uxbin ja'el. Mi caj cʌq'ueñetla la' wen cʌñon. Che' tsi' yʌlʌ Jesús.

Juan 14:23

Jesús tsi' sube: Jini mu' bʌ i c'uxbiñon mi caj i jac'beñon c t'an. Mi caj i c'uxbintel cha'an c Tat. Mi caj c tilel lojon ba'an. Mi caj c cha'len lojon chumtʌl quic'ot.

Juan 15:5

Joñon jini Ac'on, jatetla j c'ʌbetla. Jini mu' bʌ i yajñel ti joñon che' woli cajñel ti jini winic, jiñʌch mu' bʌ i yʌc' cabʌl i wut. Ma'anic chuqui mi mejlel la' mel mi ma'anic mi la' wajñel ti joñon.

Juan 6:56

Jini mu' bʌ i c'ux c bʌc'tal, mu' bʌ i jap c ch'ich'el, mi' yajñel ti joñon. Joñon ja'el mi cajñel ti' pusic'al.

Romanos 8:1

Jini cha'an ma'anix mi' yʌjq'uelob ti tojmulil jini año' bʌ ti Cristo Jesús.

1 Corintios 1:30

Come Dios tsi' yʌq'ueyetla la' wajñel ti Cristo Jesús. Dios tsi' yʌq'ueyonla Cristo. Jiñʌch lac ña'tʌbal tilem bʌ ti Dios. Jiñʌch tsa' bʌ i yʌc'ʌyonla ti' wenta Dios, tsa' bʌ i q'ueleyonla ti toj. Jiñʌch tsa' bʌ i yʌc'onla ti libre.

2 Corintios 5:17

Jini cha'an majqui jach an ti Cristo tsijib melbilix. Tsa'ix jili jini tsucul tac bʌ. Awilan tsijib melbil ti pejtelel.

2 Corintios 5:21

Come Cristo ma'anic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'an mi' yʌq'ueñonla toj bʌ lac pusic'al ti Cristo.

Santiago 2:22

Ña'tan che' jini, mach cojic jach tsi' ñopo Dios pero tsi' mele chuqui wen. Tsiquil uts'at tsi' ñopo Dios come tsi' pʌsʌ i ñopbal yic'ot wen bʌ i melbal.

1 Juan 3:24

Jini mu' bʌ i ch'ujbiben i mandar mi' yajñel ti Dios. Dios mi' yajñel ti jini winic ja'el. Cʌntesʌbilonla cha'an jini Espíritu tsa' bʌ i yʌq'ueyonla, la cujil woli' yajñel Dios ti joñonla.

1 Juan 4:17

Wen la cujilix c'uxbiya che' ma'anic mi lac bʌc'ñʌben i q'uiñilel toj mulil, come wʌ' ti pañimil lajalonla bajche' Jesús.

1 Juan 4:18

Ma'anic bʌq'uen che' an c'uxbiya. Che' ts'ʌcʌl laj c'uxbiya mi' laj loq'uel lac bʌq'uen. An cabʌl i wocol jini mu' bʌ i bʌc'ñan toj mulil. Jini mu' bʌ ti bʌq'uen, maxto wen yujilic c'uxbiya.

1 Juan 5:2

La cujil woli laj c'uxbin i yalobilob che' mi laj c'uxbin Dios, che' mi lac ch'ujbiben i mandar ja'el.

1 Juan 5:20

La cujil tsa'ix tili i Yalobil Dios. Tsa'ix i yʌq'ueyonla lac ña'tʌbal cha'an mi laj cʌn jini mero isujm bʌ. Añonla ti jini mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ anic mi' jilel.

2 Juan 1:6

Jiñʌch laj c'uxbiya che' mi lac cha'len xʌmbal che' bajche' mi' yʌl i mandar. Tsa' la' wubi jini mandar c'ʌlʌl ti' cajibal: Yom mi laj c'uxbin lac bʌ.

Apocalipsis 12:17

Jini ajin cabʌl tsi' mich'le jini x'ixic. Tsa' majli i cha'len guerra ti' contra pejtel i p'olbal x'ixic mu' bʌ i jac'beñob i mandar Dios, mu' bʌ i ñopbeñob i t'an Jesucristo.

Apocalipsis 14:12

Jini cha'an la' i cuchob wocol ti' xuc'tʌlel i pusic'al i cha'año' bʌ Dios mu' bʌ i jac'beñob i mandar Dios yic'ot i cʌntesʌbal Jesús.