1 Juan 1:9 - Chol: I T’an Dios

⁹ Mi woli lac suben lac mul Dios mu' bʌ i melonla ti toj, an i xuc'tʌlel i pusic'al che' mi' ñusʌbeñonla lac mul. Mi' pocbeñonla loq'uel pejtelel lac jontolil.

Jiñi Tsiji' bʌ Wen T'añ cha'añ Estudio

⁹ Mi woli lac su'ben lac mul Dios mu' bʌ i melonla ti toj, añ i xuc'tʌlel i pusic'al cha'añ mi' ñusʌbeñonla. Mi' pocbeñonla loq'uel pejtelel lac jontolil.

Chol de Tumbalá Bible

⁹ Mi woli lac suben lac mul Dios mu' bʌ i melonla ti toj, an i xuc'tʌlel i pusic'al che' mi' ñusʌbeñonla lac mul. Mi' pocbeñonla loq'uel pejtelel lac jontolil.

Jiñi Tsiji' bʌ Wen T'añ cha'añ Estudio

⁹ Mi woli lac su'ben lac mul Dios mu' bʌ i melonla ti toj, añ i xuc'tʌlel i pusic'al cha'añ mi' ñusʌbeñonla. Mi' pocbeñonla loq'uel pejtelel lac jontolil.

Chol Tila

⁹ Pero mi ti lac subu an lac mul, mi' ñusʌbeñon lac mul Dios como ch'ujbi lac ch'ujbin cha'an junyajlel tyoj bajche' mi' cha'len Dios. Mi' lu' choc loq'uel pejtyel mach'ʌ wen ti lac pusic'al.

1 Juan 1:9 Iomraidhean Croise

1 Reyob 8:30

A cha'añon. A cha'añob ja'el pejtelel israelob. Jini cha'an yom ma' wubibeñon lojon coración che' an chuqui mij c'ajtibeñet lojon ti' tojel a wotot. Ya' ba' chumulet ti panchan yom ma' ñich'tañon lojon. Che' ma' wubiñon lojon yom ma' ñusʌbeñon lojon c mul.

1 Reyob 8:47

Mi tsa' caji i cha' ña'tañetob ya' ti yambʌ lum baqui mi' majlelob, mi tsi' cha' sutq'uiyob i bʌ cha'an mi' pejcañetob ti oración, mi tsi' yʌlʌyob: “Tsac cha'le lojon mulil ti a contra. Tsac mele lojon chuqui jontol”, mi che'ob,

Nehemias 1:6

Awocolic ñich'tʌbeñon c t'an. Q'ueleyon ti uts'at. Ubibeñon coración. Come a winicon, wolic mel oración ti a tojlel ti q'uiñil yic'ot ti ac'ʌlel. Wolic tajob ti oración a cha'año' bʌ ti Israel come israelon ja'el. Wolic subeñet c mul lojon tsa' bʌ c mele lojon ti a contra. Isujm tsa'ix c cha'le lojon mulil joñon quic'ot c pi'ʌlob.

Salmos 19:12

¿Majqui mi mejlel i cʌn pejtel i sajtemal? Ñusʌbeñon c sajtemal mach bʌ cʌmbilic c cha'an.

Salmos 32:5

Tsac subeyet c mul, ma'anic tsac mucu c mul. Tsa cʌlʌ: Mi caj c subeñet c jontolil c Yum, cho'on. Jatet tsa' ñusʌbeyon c mul yic'ot c jontolil.

Exodo 34:7

Mic p'untan cabʌlob, mic ñusan mulil, yic'ot i ñusʌntel mandar, yic'ot jontolil, pero ma'anic mic ñusʌben i mul jini mu' bʌ i chʌn cha'len mulil cha'an i tsʌtslel i pusic'al. Mi cʌq'ueñob i tojob i mul tatʌlob, yic'ot i yalobilob, yic'ot i butsob, c'ʌlʌl ti' yuxlajmlel yic'ot i chʌnlajmlel i p'olbalob. Che' tsi' yʌlʌ lac Yum Dios.

Proverbios 28:13

Ma'anic mi' taj i wenlel jini mu' bʌ i muc i mul. Jini mu' bʌ i sub i mul, mu' bʌ i cʌy i mul, mi caj i p'untʌntel.

Isaias 45:21

Mi tsi' coltayetla dioste' subula. Teme la' t'an. Tsictesanla i sujmlel. ¿Majqui tsi' wʌn subu jini woli bʌ i yujtel? ¿Mach ba' anic tsac subu ti wajali? Ma'anic yambʌ Dios. Joñon jach Dioson. Tojon, Xcoltayajon. Ma'anic yambʌ. Joñon jach.

Jeremias 3:13

Jini jach yom ma' mel a bʌ quic'ot. Subu a mul cha'an tsa' ñusʌbe i t'an a Yum Dios. Tsa' cha'le ts'i'lel ti' tojel c wut. Tsa' ch'ujutesa dios tac ti' yʌxñʌlel pejtel te' cha'an mach a womic a jac'beñon c t'an.

Jeremias 33:8

Joñon mi caj c sʌq'uesañob cha'an pejtel i mul tsa' bʌ i cha'leyob che' bʌ tsi' contrajiyoñob.

Lamentaciones 3:23

Mi' pʌsbeñonla i yutslel ti jujump'ejl sʌc'an. Xuc'ul i pusic'al ti pejtelel ora.

Ezequiel 36:25

Mi caj c muletla yic'ot yʌx bʌ ja' cha'an mic sʌq'uesañetla ti pejtelel la' bibi'lel. Che' sʌquetla ma'anix mi caj la' chʌn ch'ujutesan dioste' tac.

Ezequiel 37:23

Ma'anix mi caj i chʌn ch'ujutesañob yambʌ diosob. Ma'anix mi caj i chʌn melob chuqui bibi'. Ma'anix mi caj i ñusañob c t'an. Joñon mi caj c sʌq'uesañob. Mi caj cotsañob tic tejclum. Mi caj i pejcañoñob ti' Dios.

Zacarias 9:9

Tijicñesan la' pusic'al c tejclumob añet bʌ la ti Sion. C'am yom mi la' cha'len c'ay, añet bʌ la ti Jerusalén, come tal la' Rey, jini Toj bʌ mu' bʌ caj i mʌjlel i cha'an. Pec' mi' mel i bʌ, c'ʌchʌl ti burro, juncojt i yal burro maxto bʌ c'ʌchtʌbilic.

Mateo 3:6

Juan tsi' yʌq'ueyob ch'ʌmja' ya' ti Jordán ja'. Jini winicob x'ixicob tsi' subuyob i mul.

Marcos 1:5

Tsa' loq'uiyob tilel ba'an Juan jini ch'oyolo' bʌ ti' lumal Judea, yic'ot ti Jerusalén. Tsi' ch'ʌmʌyob ja' ti' c'ʌb Juan ya' ti Jordán ja'. Tsi' subuyob i mul.

Lucas 22:57

Pedro tsi' yʌlʌ: Mach isujmic. X'ixic, mach j cʌñʌyic jini winic, che'en.

Juan 17:25

Toj bʌ c Tat, ma'anic tsi' cʌñʌyet año' bʌ ti pañimil. Joñon tsaj cʌñʌyet. Yujilob xñopt'añob ja'el tsa' chocoyon tilel.

Hechos 19:18

Cabʌl tsa' bʌ i ñopoyob tsa' tili i subob i mul. Tsi' bajñel tsictesayob i bʌ cha'an chuqui tac tsi' cha'leyob.

Romanos 3:26

La cujil tojʌch mi' mel xmulilob. Tojʌch Dios mu' bʌ i yotsañob ti' wenta che' mi' ñusʌbeñob i mul pejtel mu' bʌ i ñopob Jesús.

1 Corintios 1:9

Xuc'ul Dios tsa' bʌ i pʌyʌyetla cha'an mi la' tem ajñel yic'ot i Yalobil, jiñʌch Jesucristo lac Yum.

1 Corintios 6:11

Lamitaletla che'ʌch tsa' la' mele, pero wʌle pocbiletixla ti' c'aba' lac Yum Jesucristo cha'an ti' yEspíritu lac Dios. Tsa'ix ajq'uiyetla ti' wenta Dios. Wolix la' q'uejlel ti toj.

Efesios 5:26

cha'an mi' yotsañob ti ch'ujul, cha'an mi' sʌq'uesañob ti' t'an che' bajche' ti ja'.

Deuteronomio 7:9

Ña'tanla che' jini Diosʌch lac Yum, jini jach bʌ Dios, xuc'ul bʌ ti pejtelel ora. Mi' chʌn ña'tan jini xuc'ul bʌ t'an tsa' tʌ i yʌc'ʌ ti lac tojlel. Mi' pʌsbeñob i yutslel i pusic'al jini mu' bʌ i jac'beñob i mandar c'ʌlʌl ti jump'ejl mil i lajm la' p'olbal.

1 Timoteo 1:15

Cristo Jesús tsa' tili wʌ' ti pañimil cha'an mi' coltan xmulilob. Isujm ili t'an. Uts'at mi' ñojpel ti pejtelel pañimil. Joñon ñumen xmulilon bajche' yaño' bʌ.

Tito 2:14

Tsi' yʌc'ʌ i bʌ ti chʌmel cha'añonla cha'an mi' mʌñonla loq'uel ti pejtelel lac jontolil, cha'an mi' sʌq'uesañonla, cha'an mi' yotsañonla ti' cha'an, cha'an mi lac bʌx'an ti' melol pejtelel chuqui wen.

Hebreos 10:23

La' lac chʌn ac' ti lac pusic'al chuqui ñopol lac cha'an woli bʌ lac pijtan. Come xuc'ul jini tsa' bʌ i yʌc'ʌ i t'an.

Hebreos 11:11

Abraham tsi' ñopo Dios. Jini cha'an tsa' mejli i tech i yalobil, anquese cabʌlix i jabilel. Xñejep'ix Sara ja'el. Pero Abraham tsi' ñopo mi caj i ts'ʌctiyel i t'an Dios che' bajche' tsa' subenti.

Hebreos 6:10

Come mach jontolic Dios. Mach ñajʌyic i cha'an la' melbal yic'ot la' c'uxbiya, come ti' c'aba' Dios tsa' la' colta i cha'año' bʌ. Woli to la' coltañob.

1 Juan 1:7

Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jini mi lac wen cʌn lac bʌ. I ch'ich'el Jesús i Yalobil Dios woli' sʌq'uesañonla ti pejtelel mulil.

Apocalipsis 15:3

Tsi' c'ʌyiyob i c'ay Moisés, i winic Dios, yic'ot i c'ay jini Tiñʌme'. Tsi' yʌlʌyob: Wen ñuc, wen uts'at pejtelel a melbal c Yum Dios, jatet Mach bʌ Anic i P'isol a P'ʌtʌlel. Toj a bijlel, isujm ja'el. Jatet i Reyet pejtel i cha'año' bʌ Dios.