1 Juan 1:8 - Chol: I T’an Dios

⁸ Mi woli la cʌl ma'anic lac mul, woli lac lotin lac bʌ ti lac pusic'al. Che' jini ma'anic i sujmlel ti lac pusic'al.

Jiñi Tsiji' bʌ Wen T'añ cha'añ Estudio

⁸ Mi woli la cʌl ma'añic lac mul, woli lac bajñel lotin lac bʌ ti lac pusic'al, che' jiñi ma'añic isujmlel ti lac pusic'al.

Chol de Tumbalá Bible

⁸ Mi woli la cʌl ma'anic lac mul, woli lac lotin lac bʌ ti lac pusic'al. Che' jini ma'anic i sujmlel ti lac pusic'al.

Jiñi Tsiji' bʌ Wen T'añ cha'añ Estudio

⁸ Mi woli la cʌl ma'añic lac mul, woli lac bajñel lotin lac bʌ ti lac pusic'al, che' jiñi ma'añic isujmlel ti lac pusic'al.

Chol Tila

⁸ Mi ti la cʌlʌ ma'an lac mul chʌncol jach c bajñel lotin lac bʌ. Mach melel jini lac t'an che' jini.

1 Juan 1:8 Iomraidhean Croise

1 Reyob 8:46

Mi tsi' cha'leyob mulil ti a tojlel, come an lojon c mul tic pejtelel lojon, mach ma' cʌyob che' mich'et che' ma' wʌc'ob ti' c'ʌb i contrajob cha'an mi' cʌjchelob majlel ti yambʌ lum, mi ti ñajt mi ti lʌc'ʌl.

2 Reyob 20:15

Isaías tsi' c'ajtibe: ¿Chuqui tsi' q'ueleyob ti a wotot? che'en. Ezequías tsi' jac'ʌ: Tsi' q'ueleyob pejtel chuqui an c cha'an. Tsac pʌsbeyob pejtelel c chubʌ'an, che'en.

2 Cronicas 6:36

Mi tsi' cha'leyob mulil ti a contra, come a wujil ma'anic mi juntiquilic winic mach bʌ anic mi' cha'len mulil, mi tsa' caji a mich'leñob, mi tsa' wʌc'ʌyob ti' c'ʌb i contra cha'an mi' cʌchob majlel ti yambʌ lum mi ñajt mi lʌc'ʌl,

Job 14:4

Uts'at anic juntiquil toj bʌ, pero ma'anic. ¿Ch'oyol ba jini sʌc bʌ ti jini mach bʌ sʌquic?

Job 15:14

Winicon jachla. Mi lac lon ña'tan sʌconla. X'ixicob jach lac ña'. Mi lac lon ña'tan tojonla.

Job 25:4

¿Tojo' ba ti' wut Dios winicob tilemo' bʌ ti x'ixicob? ¿Mach ba lu' anic i mul tsa' bʌ i yilayob pañimil?

Salmos 143:2

A winicon, mach a melon. Come awujil ma'anic toj bʌ winic.

Proverbios 20:9

¿Am ba juntiquil isujm bʌ mu' bʌ i yʌl: Tsa'ix c poco c pusic'al. Sʌconix. Ma'anix c mul, che'en?

Eclesiastes 7:20

Ma'anic ti pañimil mi juntiquilic mu' bʌ i mel chuqui uts'at ti pejtelel ora. Ma'anic toj bʌ mach bʌ anic mi' wis cha'len mulil.

Isaias 53:6

Ti pejtelonla tsa' sajtiyonla che' bajche' tiñʌme'. Tsa' lac bajñel yajca lac bijlel ti jujuntiquilonla. Lac Yum tsi' yotsa ti' wenta cha'an mi' toj lac mul.

Isaias 64:6

Tic pejtelel lojon bibi'on lojon ti a wut cha'an lojon c mul. Ma'anic ma' q'uel ti uts'at wen bʌ c melbal lojon. Che' yilalob ti a wut bajche' tuwix bʌ pisil. Lajal mi' jilel laj c'ʌjñibal che' bajche' mi' tiquin i yopol te'. Cha'an c mul lojon mic pʌjyel lojon majlel.

Jeremias 2:35

Pero wola' chʌn al: “Uts'at añon. Mach talic i mich'ajel Dios tic tojlel”, lon che'et. Awilan mi caj c pʌyet ti meloñel cha'an tsa' wʌlʌ ma'anic a mul.

Levitico 13:12

Mi tsa' utsi caji ti p'ojlel ti pamol i bʌc'tal, mi tejchem c'ʌlʌl ti jol c'ʌlʌl ti' yoc baqui jach mi' q'uel jini motomaj,

Juan 8:44

Jatetla i cha'añetla xiba. Jiñʌch la' tat. La' wom la' mel chuqui yom la' tat. Stsʌnsayajʌch jini xiba c'ʌlʌl ti' cajibal. Ma'anic tsa' chʌn ajni ti' sujmlel Dios, come ma'anic chuqui isujm ti' pusic'al xiba. Che' mi' cha'len lot i tilelʌch come xlot. Ya' ch'oyol ti xiba pejtelel lot.

Romanos 3:10

Che' bajche' ts'ijbubil: “Ma'anic majqui toj, mi juntiquilic.

Romanos 3:23

Come ti pejtelelob tsa'ix i cha'leyob mulil. Mach i tajayobix i ñuclel Dios.

1 Corintios 3:18

Mach a jac' a lotintel. Mi an majch mi lon al ti' pusic'al an cabʌl i ña'tʌbal ti jini pañimil, la' i q'uel i bʌ ti tonto cha'an mi mejlel i taj wen bʌ i ña'tʌbal.

Gálatas 6:3

Come mi an majqui mi' lon ña'tan an i bajñel wenlel, woli jach i bajñel lotin i bʌ.

1 Timoteo 6:5

Mi' tech cabʌl a'leya ti' tojlel winicob año' bʌ i bibi'lel, tsa' bʌ i cʌyʌyob i sujmlel. Mi' lon ch'ujutesan Dios cha'an jach ganar. Mach ma' tsajcan mu' bʌ i melob bajche' jini.

2 Timoteo 3:13

Pero jini jontolo' bʌ yic'ot xlotiyajob, utsi utsijax mi' chʌn melob i jontolil. Mi caj i lotiñob yaño' bʌ. Mi caj i lotintelob ja'el.

Santiago 1:22

Chʌn melela chuqui mi' yʌl jini wen t'an. Mach yomic to'o che' jach mi la' wubin. Mach mi la' lon ña'tan woli la' ñop mi ma'anic woli la' jac'.

Santiago 1:26

Jini mu' bʌ i lon ña'tan uts'at woli' ch'ujutesan Dios che' ma'anic mi' tic' i yac', woli jach i ñop lot. Tontojʌch. Mi' lon sub i bʌ ti hermano.

Santiago 3:2

Ti lac pejtelel cabʌl mi lac taj lac sajtemal ti' tojlel lac pi'ʌlob. Majqui jach puro uts'at i t'an ti' tojlel yaño' bʌ, uts'atʌch i pusic'al jini winic. Yujil i tic' i bʌ ti pejtelel chuqui mi' mel.

2 Pedro 2:13

Mi caj i q'uextʌbentelob i jontolil. Tijicña mi' yubiñob che' woliyob ti leco bʌ q'uiñijel ti jujump'ejl q'uin. Bibi'ob jax. Añob i yoc'beñal. Wen tijicña mi' yubiñob cha'an i sajtemal che' mi' c'uxob waj la' wic'ot.

1 Juan 1:10

Mi woli la cʌl ma'anic tsa' lac cha'le mulil, woli laj cuy Dios ti xlot. Che' jini mach ochemic i t'an ti lac pusic'al.

1 Juan 1:6

Mi woli lac lon al tem ochemonla ti' ñopol Dios, lac lotʌch mi woliyonla ti xʌmbal ti ic'yoch'an bʌ pañimil, come che' jini ma'anic woli lac jac'ben i sujmlel.

1 Juan 2:4

Jini mu' bʌ i yʌl: J cʌñʌyʌch Jesús, che'en, woli ti lot mi ma'anic mi' ch'ujbiben i mandar. Ma'anic i sujmlel ti' pusic'al jini winic.

1 Juan 4:20

Che' an mu' bʌ i yʌl: Wolij c'uxbin Dios, che'en, mi woli' ts'a'len i yermano, xlotʌch. Come mi mach c'uxic mi' yubin i yermano tsa' bʌ i q'uele, ¿bajche' mi mejlel i c'uxbin Dios mach bʌ anic tsi' q'uele?

2 Juan 1:2

Mij c'uxbiñetla cha'an i sujmlel, mu' bʌ i yajñel ti joñonla, mu' bʌ i yajñel la quic'ot ti pejtelel ora.

3 Juan 1:3

Wen tijicña tsa cubi che' bʌ tsa' juliyob la quermanojob i subeñon cha'an xuc'ulet ti isujm. Woliyet ti xʌmbal ti' sujmlel Dios.