1 Juan 1:7 - Chol: I T’an Dios

⁷ Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jini mi lac wen cʌn lac bʌ. I ch'ich'el Jesús i Yalobil Dios woli' sʌq'uesañonla ti pejtelel mulil.

Jiñi Tsiji' bʌ Wen T'añ cha'añ Estudio

⁷ Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jiñi mi lac wen cʌn lac bʌ, i ch'ich'el Jesucristo i Yalobil Dios woli' sʌc-esañonla ti pejtelel mulil.

Chol de Tumbalá Bible

⁷ Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jini mi lac wen cʌn lac bʌ. I ch'ich'el Jesús i Yalobil Dios woli' sʌq'uesañonla ti pejtelel mulil.

Jiñi Tsiji' bʌ Wen T'añ cha'añ Estudio

⁷ Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jiñi mi lac wen cʌn lac bʌ, i ch'ich'el Jesucristo i Yalobil Dios woli' sʌc-esañonla ti pejtelel mulil.

Chol Tila

⁷ Pero mi chʌncol la cajñel ti' sʌclel Dios che' bajche' mi yajñel Dios, añonla la quic'ot mu' bʌ i ch'ujbiñob. Che' jini i ch'ich'el Jesuscristo i Yalobil bʌ Dios mi' lu' poc'beñonla loq'uel lac mul.

1 Juan 1:7 Iomraidhean Croise

Salmos 104:2

Jini a pislel jiñʌch i c'ʌc'al pañimil. Jini panchan tsʌye'el a cha'an che' bajche' pisil.

Salmos 51:2

Lu' pocbeñon loq'uel c jontolil. Sʌq'uesʌbeñon c pusic'al cha'an tsac cha'le mulil.

Salmos 56:13

Come tsa'ix a chucuyon loq'uel ba' colel c chʌmel. Machic tsa' cʌnta coc tsa' yajliyon. Tsa' coltayon cha'an mic chumtʌl awic'ot ti' sʌclel pañimil yic'ot jini cuxulo' bʌ.

Salmos 89:15

Tijicñayob mu' bʌ i yubiñob i t'an trompeta, Come mi' yajñelob ti a sʌclel.

Salmos 97:11

Mi' sʌc'an majlel i bijlel jini toj bʌ. Mi' yʌq'uentel i tijicñʌyel jini toj bʌ i pusic'al.

Isaias 2:5

Conla winicob, i yalobiletla Jacob. La' lac cha'len xʌmbal ti' sʌclel lac Yum.

Isaias 33:24

Ti' tojlel jini israelob ma'anix mi juntiquilic mu' bʌ caj i yʌl: “C'amon”, che'en. Come lac Yum mi caj i laj ñusʌbeñob i mul.

Isaias 6:7

Tsi' tʌlbeyon quej jini nich c'ajc. Tsi' yʌlʌ: Tsa'ix i tʌlʌ a wej ili nich c'ajc. Loc'sʌbilix pejtel a jontolil. Ñusʌbilix pejtelel a mul, che'en.

Amos 3:3

¿Temel ba mi' majlelob cha'tiquil che' cha'p'ejlob i pusic'al?

Zacarias 13:1

I Yum Panchan yic'ot Pañimil woli' chʌn sub: Ti jim ora mi caj i jambentelob Cuxul bʌ Ja' jini xchumtʌlob ti Israel yic'ot ti Jerusalén. Jini ja' mi caj i sʌq'uesañob ti pejtelel i mul yic'ot pejtelel i bibi'lel.

Mateo 6:12

Ñusʌbeñon lojon c mul che' bajche' mic ñusʌbeñob i mul c pi'ʌlob lojon.

Juan 1:29

Ti yijc'ʌlal Juan tsi' q'uele wolix i tilel Jesús. Tsi' yʌlʌ: Awilan, jiñʌch i Tiñʌme Dios mu' bʌ i ch'ʌm majlel i mul pejtel pañimil.

Juan 12:35

Jesús tsi' subeyob: Mach jalix wʌ'an i sʌclel pañimil la' wic'ot. Cha'lenla xʌmbal che' anto i sʌclel pañimil la' wic'ot ame mi' tajet ic'ch'ipan bʌ pañimil, come jini mu' bʌ i cha'len xʌmbal ti ic'ch'ipam bʌ pañimil mach yujilic baqui mi' majlel.

Juan 5:4

Come i tilel mi' jubel ochel ángel ti ts'ʌmibʌl cha'an mi' ñijcan ja'. Maqui ñaxan mi' yochel che' mi' yujtel i ñijcan, mi' lajmel pejtelel i chʌmel.

Romanos 13:12

Yomax ñumel jini ac'ʌlel. Talix jini q'uin. La' laj cʌy i ye'tel ic'yoch'an bʌ pañimil. La' lac lʌpben i sʌclel pañimil i wenta lac mʌctijib.

1 Corintios 6:11

Lamitaletla che'ʌch tsa' la' mele, pero wʌle pocbiletixla ti' c'aba' lac Yum Jesucristo cha'an ti' yEspíritu lac Dios. Tsa'ix ajq'uiyetla ti' wenta Dios. Wolix la' q'uejlel ti toj.

Efesios 1:7

Che' bʌ tsa' chʌmi Cristo, tsi' yʌc'ʌyonla ti colel cha'an ti' ch'ich'el. Tsi' ñusʌbeyonla lac mul come wen on i yutslel.

Efesios 5:8

Ti yambʌ ora añetla ti ic'ch'ipan bʌ pañimil. Wʌle añetla ti' sʌclel pañimil yic'ot lac Yum. Ajñenla che' bajche' jini año' bʌ ti' sʌclel pañimil.

1 Timoteo 6:16

jini cojach bʌ mach bʌ anic mi' chʌmel, jini chumul bʌ ti' sʌclel ba' mach mejlic lac lʌc'tesan lac bʌ, jini mach bʌ q'uelbilic i cha'an winicob mi juntiquilic, mach bʌ mejlic laj q'uel ja'el. La' q'uejlic ti ñuc. La' yumʌntic ti pejtelel ora. Amén.

Tito 2:14

Tsi' yʌc'ʌ i bʌ ti chʌmel cha'añonla cha'an mi' mʌñonla loq'uel ti pejtelel lac jontolil, cha'an mi' sʌq'uesañonla, cha'an mi' yotsañonla ti' cha'an, cha'an mi lac bʌx'an ti' melol pejtelel chuqui wen.

Hebreos 9:14

Ñumen i c'ʌjñibal i ch'ich'el Cristo. Come mi' poc loq'uel ti lac pusic'al jini tsucul bʌ lac melbal cha'an mi lac melben i ye'tel jini cuxul bʌ Dios. Ti' p'ʌtʌlel jini Espíritu mach bʌ ajnic mi' jilel, Cristo tsi' yʌc'ʌ i bʌ che' bajche' ch'ujul bʌ i majtan Dios mach bʌ anic i mul.

Santiago 1:17

Pejtelel wen bʌ lac majtan yic'ot pejtelel uts'at bʌ lac majtan mi' tilel ti Dios. Mi' jubel tilel ti lac Tat, tsa' bʌ i mele ec' ti pejtelel. Ma'anic mi' q'uextiyel i pusic'al. Ma'anic mi' yʌjñel mi ts'ita'ic.

1 Pedro 1:19

Pero mʌmbiletla ti' ch'ich'el Cristo, letsem bʌ i tojol, che' bajche' juncojt alʌ tat tiñʌme' mach bʌ anic i chʌmel mi i bibi'lel.

1 Juan 1:3

Jini q'uelel bʌ c cha'an lojon, jini ñich'tʌbil bʌ c cha'an lojon, jiñʌch mu' bʌ c subeñet lojon cha'an mi la' tem ochel quic'ot lojon ti' ñopol lac Tat yic'ot Jesucristo i Yalobil Dios.

1 Juan 1:5

Jiñʌch tsa' bʌ cubi lojon ti' tojlel Jesús woli bʌ c subeñet lojon: Dios i sʌclelʌch pañimil. Ma'anic i yi'ic'lel mi ts'ita'ic.

1 Juan 5:6

Jiñʌch Jesucristo tsa' bʌ tili. Dios tsi' tsictesa che' bʌ tsi' ch'ʌmʌ ja' yic'ot che' bʌ tsi' yʌc'ʌ i ch'ich'el. Mach ti ja'ic jach tsi' tsictesa, pero yic'ot ja' yic'ot i ch'ich'el. Testigojʌch jini Espíritu ja'el, come i sujmlelʌch jini Espíritu.

1 Juan 5:8

jini Espíritu yic'ot jini ja' yic'ot i ch'ich'el Jesús. Junsujm jach chuqui mi' yʌc' ti tsictiyel ili uxchajp.

2 Juan 1:4

Wen tijicñayon cha'an tsac taja cha'tiquil uxtiquil a walobilob woliyo' bʌ ti xʌmbal ti' sujmlel Dios, che' bajche' tsi' yʌq'ueyonla mandar lac Tat.

3 Juan 1:4

Che' mi cubin woliyob ti xʌmbal ti' sujmlel jini calobilob, wen tijicñayon. Ma'anic chuqui mi' ñumen tijicñesañon.

Apocalipsis 1:5

yic'ot ja'el Jesucristo, jini xuc'ul bʌ Testigo mu' bʌ i yʌc' ti cʌjñel i sujmlel. Jiñʌch tsa' bʌ ñaxan tejchi loq'uel ba'an chʌmeño' bʌ. I yumʌch jini reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.

Apocalipsis 12:11

Jini hermanojob tsi' mʌlbeyob xiba cha'an ti' ch'ich'el jini Tiñʌme' yic'ot i t'an tsa' bʌ i subeyob. Ma'anic tsi' c'uxbiyob i cuxtʌlel che' bʌbʌq'uen mi' yʌjq'uelob ti chʌmel.

Apocalipsis 7:14

Tsac sube: C yum, a wujil jatet, cho'on. Tsi' subeyon: Tsa' loq'uiyob ti ñuc bʌ wocol. Tsa'ix i wuts'uyob i pislel. Tsi' sʌq'uesayob ti' ch'ich'el jini Tiñʌme'.