Lucas 1:8 - Chol de Tumbalá Bible

⁸ Zacarías tsi' cha'le i ye'tel ti motomaj ti' tojlel Dios che' an ti' wenta.

Jiñi Tsiji' bʌ Wen T'añ cha'añ Estudio

⁸ Che' bʌ añob ti' wenta Zacarías yic'ot i pi'ʌlob ti e'tel cha'añ mi' melob ye'tel ti motomaj ti' tojlel Dios,

Chol Tila

⁸ Junyaj che' añʌch ti' wenta jini junmujch' curajob mu' bʌ i cha'len troñel yic'ot Zacarías,

Chol: I T’an Dios

⁸ Zacarías tsi' cha'le i ye'tel ti motomaj ti' tojlel Dios che' an ti' wenta.

Lucas 1:8 Iomraidhean Croise

1 Cronicas 24:19

Ti jujunmojt tsi' meleyob i ye'tel ti Templo che' bajche' tsa' aq'uenti i ye'tel cha'an lac Yum i Dios Israel ti' tojlel i ñojte'el i c'aba' Aarón.

1 Cronicas 24:2

Jini Nadab yic'ot Abiú i yalobilob Aarón ja'el pero tsa' chʌmiyob ti' tojlel i tat. Ma'añobic i yalobilob. Cojach Eleazar yic'ot Itamar tsa' caji i cha'leñob i motomajiyel.

2 Cronicas 31:19

Ti pejtelel jini tejclum i cha'an motomajob tsa' wa'chocontiyob winicob cha'an mi' t'oxbeñob i chubʌ'an jini motomajob, yic'ot jini levíjob ochemo' bʌ ti jun.

2 Cronicas 31:2

Ezequías tsi' cha' t'oxbeyob i ye'tel motomajob yic'ot levíjob cha'an mi' q'uexob i bʌ ti e'tel ti jujunmojt cha'an mi' melob jini e'tel ti chajp ti chajp. An mu' bʌ i pulbeñob i majtan lac Yum. An mu' bʌ i yʌq'ueñob majtañʌl cha'an i ñʌch'tʌlel i pusic'al. Mi' yʌq'ueñob wocolix i yʌlʌ lac Yum. Mi' ñuq'uesañob lac Yum ti' ti' tac i yotot.

2 Cronicas 8:14

Tsi' pʌsbeyob i ye'tel motomajob ti jujuntiquil che' bajche' tsi' teche i mel David. Tsi' yʌq'ueyob i ye'tel levíjob cha'an mi' ñuq'uesañob lac Yum, cha'an ja'el mi' coltañob jini motomajob ti' ye'tel ti jujump'ejl q'uin. Tsi' wa'choco xcʌntayajob ya' ti' ti' jini Templo che' bajche' tsi' yʌc'ʌ mandar David, i winic Dios.

Esdras 6:18

Che' bajche' ts'ijbubil ti' jun Moisés, tsa' t'oxleyob jini motomajob yic'ot levíjob ti mojt ti mojt cha'an mi' jelob i bʌ ti e'tel cha'an pejtel chuqui yom melol ti' Templo Dios ya' ti Jerusalén.

Exodo 28:1

Yom ma' wa'chocon Aarón yic'ot i yalobilob cha'an mi' coltañetob. Yom mi' melbeñoñob que'tel jini motomajob*. Jiñʌch Aarón, Nadab, Abiú, Eleazar, yic'ot Itamar i yalobil Aarón.

Exodo 28:41

Che'ʌch yom jini mu' bʌ a wʌq'ueñob i lʌp a wʌscun Aarón yic'ot i yalobilob. Che' jini yom ma' boñob, ma' sʌq'uesañob, cha'an ma' wa'chocoñob cha'an mi' melbeñoñob que'tel ti motomaj.

Exodo 29:1

Jiñʌch mu' bʌ caj a mel cha'an ma' sʌq'uesan Aarón yic'ot i yalobilob cha'an mi' yochel ti motomaj. Yajcan juncojt alʌ wacax i tat bʌ yic'ot cha'cojt tat tiñʌme', wen c'oc' bʌ, mach bʌ anic i chʌmel.

Exodo 29:44

Mi caj c sʌq'uesan jini Tabernáculo yic'ot jini pulʌntib, yic'ot ja'el Aarón yic'ot i yalobilob. Che' jini mi mejlel i melbeñoñob que'tel ti motomaj.

Exodo 29:9

Aq'ueñob i cajchiñʌc' ja'el. Aq'ueñob i yalʌ pixolob ya' ti' jolob ti jujuntiquil. Che' jini mi caj i yochelob ti motomaj ti pejtelel ora. Che'ʌch yom ma' wa'chocoñob ti motomaj jini Aarón yic'ot i yalobolob.

Exodo 30:30

Boño ja'el jini Aarón yic'ot i yalobilob. Sʌq'uesañob cha'an mi' melbeñoñob que'tel ti motomaj.

Numeros 18:7

Pero jatet yic'ot a walobilob, motomajetla. Xuc'ul yom mi la' mel la' we'tel ti motomaj cha'an pejtelel e'tel ti pulʌntib yic'ot ti juntsajl pisil. Tsa cʌq'ueyetla la' c'ʌjñibal cha'an ili e'tel. Mi tsi' yotsa i bʌ joch winic, mi' caj ti chʌmel, che'en lac Yum.

Lucas 1:5

Ti' yorajlel Herodes, jini rey ti Judea, an motomaj i c'aba' Zacarías lajal bʌ i ye'tel bajche' Abías. An i yijñam Zacarías i c'aba' Elisabet, loq'uem bʌ ti' p'olbal Aarón.

Lucas 1:7

Ma'añobic i yalobil, come to'o wa'al jach bʌ x'ixic jini Elisabet. Cabʌlix i jabilel ti cha'ticlel.