Levitico 1:5 - Chol de Tumbalá Bible

⁵ Jini motomajob i yalobilob Aarón mi caj i tsʌnsañob jini alʌc'ʌl tic tojlel. Mi caj i ch'ʌmob jini ch'ich' cha'an mi' tsijcañob i joytʌlel i pulʌntib* jini majtañʌl am bʌ ti' tojel i ti' jini Tabernáculo.

Jiñi Tsiji' bʌ Wen T'añ cha'añ Estudio

⁵ Jiñi motomajob i yalobilob Aarón mi caj i tsʌnsañob jiñi alʌc'ʌl tic tojlel. Mi caj i ch'ʌmob jiñi ch'ich' cha'añ mi' tsijcañob ti' joytʌlel i pulʌntib jiñi majtañʌl am bʌ ti' tojel i ti' jiñi Tabernáculo ba' mi la' tempan la' bʌ.

Chol: I T’an Dios

⁵ Jini motomajob i yalobilob Aarón mi caj i tsʌnsañob jini alʌc'ʌl tic tojlel. Mi caj i ch'ʌmob jini ch'ich' cha'an mi' tsijcañob i joytʌlel i pulʌntib jini majtañʌl am bʌ ti' tojel i ti' jini Tabernáculo.

Levitico 1:5 Iomraidhean Croise

2 Cronicas 35:11

Jini levíjob tsa' caji i tsʌnsañob jini tiñʌme'. Jini motomajob tsa' caji i tsijcañob ti pulʌntib jini ch'ich' tsa' bʌ i ch'ʌmʌyob ti' c'ʌb levíjob. Jini levíjob tsa' caji i ts'ulob jini chʌmenix bʌ alʌc'ʌl.

Exodo 29:11

Yom ma' tsʌnsan jini wacax tic tojlel ya' ti' ti' jini Tabernáculo.

Exodo 29:16

Tsʌnsan jini tat tiñʌme'. Tsijcan i joytʌlel jini pulʌntib ti' ch'ich'el.

Exodo 40:6

Che' jini yom ma' wa'chocon jini pulʌntib cha'an bʌ majtañʌl ti' tojel ba' mi' yochelob ti Tabernáculo.

Isaias 52:15

Che' jini mi caj i mulbeñob ti' ch'ich'el cabʌl winicob x'ixicob ti yan tac bʌ lum. Jini yumʌlob ñʌch'ʌlix mi caj i cʌytʌlob ti' tojlel jini winic. Come ma'anic tsa' subentiyob chucoch tsa' tic'lʌnti, pero che' mi' q'uelob mi caj i ch'ʌmbeñob isujm jini mach bʌ anic tsi' yubiyob.

Ezequiel 36:25

Mi caj c muletla yic'ot yʌx bʌ ja' cha'an mic sʌq'uesañetla ti pejtelel la' bibi'lel. Che' sʌquetla ma'anix mi caj la' chʌn ch'ujutesan dioste' tac.

Ezequiel 43:18

Che' jini tsi' subeyon: Jatet i yalobilet bʌ winic, woli' yʌl jini lac Yum Dios: “Jiñʌch bajche' yom mi la' mel jini pulʌntib che' baqui ora mi caj la' mel cha'an ya'i mi la' pul majtañʌl yic'ot mi la' bec' jini ch'ich'.

Levitico 1:11

Jini mu' bʌ i pʌy tilel mi caj i tsʌnsan tic tojlel ya' ti' t'ejl i pulʌntib ti' tojel norte. Jini motomajob i yalobilob Aarón mi caj i ch'ʌmbeñob i ch'ich'el cha'an mi' tsijcañob i joytʌlel jini pulʌntib.

Levitico 1:15

Jini motomaj mi caj i ch'ʌm majlel jini te'lemut ya' ti pulʌntib. Mi caj i tuc'ben i jol. La' loq'uic i ch'ich'el ya' ti' t'ejl jini pulʌntib. Jini motomaj mi caj i loc'sʌben i chuyib. Mi caj i tujtun ti' tojel jini pulʌntib ba' mi' pasel q'uin ya' ba'an i tʌñʌl c'ajc. Che' jini yom mi' chucben i wich' cha'an mi' tsilben, pero mach yomic mi' bic'ti t'oj. An ti' wenta jini motomaj cha'an mi' pul ya' ti' pam pulʌntib. Tijicña mij q'uel ili majtañʌl.

Levitico 16:15

Ti wi'il mi caj i tsʌnsan jini chivo cha'an i mulob pejtelel winicob. Jini i ch'ich'el yom mi' ch'ʌm majlel ya' ti junwejlel tsalʌl bʌ pisil, cha'an mi' tsijcan ya' ti' pam yic'ot ti' tojel jini ajñibʌl ba' mi' ñusʌntel mulil che' bajche' tsi' mele yic'ot i ch'ich'el wacax.

Levitico 17:11

Come i ch'ujlel mu' bʌ i yʌq'uen i cuxtʌlel jini alʌc'ʌl an ti' ch'ich'el. Tsa'ix cʌq'ueyet cha'an ma' tsijcan ya' ti pulʌntib cha'an i ñusʌntel la' mul ti' q'uexol i cuxtʌlel.

Levitico 3:2

La' i c'ʌcchocon i c'ʌb ti' jol jini alʌc'ʌl. La' i tsʌnsan ya' ti' ti' jini Tabernáculo. An ti' wenta jini motomajob i yalobilob Aarón cha'an mi' tsijcañob jini ch'ich' ti' joytʌlel jini pulʌntib.

Levitico 4:29

Yom mi' c'ʌchocon i c'ʌb ya' ti' jol jini alʌc'ʌl woli bʌ i yʌc' cha'an i mul. Che' jini mi caj i tsʌnsan ya' ti ajñibʌl ba' mi' tsʌnsʌntel jini alʌc'ʌl tac mu' bʌ c pulbentel.

Levitico 4:33

Yom mi' pʌy tilel ba' mi' tsʌnsʌntel majtañʌl. Yom mi' c'ʌcchocon i c'ʌb ya' ti' jol jini tiñʌme'. Che' jini mi caj i tsʌnsan jini tiñʌme' cha'an i mul.

Levitico 4:7

Jini motomaj mi caj i c'ʌn lamital jini ch'ich' cha'an mi' bomben i xulub tac pulʌntib ba' mi' pulel pom tic tojlel ya' ti Tabernáculo. Jini i colobal jini ch'ich' la' i col ya' ti' yebal jini pulʌntib ya' ti' ti' jini Tabernáculo.

Miqueas 6:6

¿Chuqui yom mic ch'ʌmben tilel lac Yum che' talon c ñucchocon c bʌ ti' tojlel jini c'ax ñuc bʌ Dios? ¿Yom ba mic ch'ʌmben tilel alʌ tat wacax an jax to bʌ jump'ejl i jabilel cha'an mi cʌq'uen tsʌnsʌbil bʌ i majtan?

Numeros 18:17

Pero jini ñaxan tac bʌ i yal wacax, yic'ot tiñʌme', yic'ot chivo, mach yomic ma' ch'ʌmben i tojol, come ch'ujul. Wersa mi' yʌq'ueñoñob. Mi caj a c'ʌn i ch'ich'el cha'an ma' tsijcan jini pulʌntib. Pejtelel i lewil mi caj a pule' cha'an c majtan. Jiñʌch xojocña bʌ i yujts'il tic tojlel.

Hebreos 10:11

Pejtel motomaj mi' wa'tʌl ti jujump'ejl q'uin cha'an mi' cha' mel i ye'tel. Cabʌl mi' chʌn tsʌnsʌben i majtan Dios mach bʌ mejlic i wis jisan mulil.

Hebreos 12:24

Tsa'ix c'otiyetla ba'an Jesús, jini tsa' bʌ i yʌq'ueyonla jini tsijib xuc'ul bʌ t'an ba' tsijcʌbil i ch'ich'el cha'an mi' ñusʌntel lac mul. Ñumen uts'at i ch'ich'el come ma'anic mi' c'ajtin i q'uexol che' bajche' i ch'ich'el Abel.

1 Pedro 1:2

Yajcʌbiletla che' bajche' tsi' wʌn ña'ta Dios lac Tat. Jini Espíritu woli' sʌq'uesañetla cha'an mi la' jac'ben Jesucristo, yic'ot ja'el cha'an mi la' mujlel ti' ch'ich'el Jesucristo. La' p'ojlesʌntic i yutslel yic'ot i ñʌch'tʌlel la' pusic'al.

1 Samuel 1:25

Tsi' tsʌnsayob jini wacax. Tsi' pʌyʌyob tilel jini ch'iton ti' tojlel Elí.