Exodo 1:1 - Chol de Tumbalá Bible

¹ Jiñobʌch i c'aba' jini israelob tsa' bʌ c'otiyob ti Egipto yic'ot Jacob. Ti jujuntiquil tsa' c'otiyob yic'ot i pi'ʌlob:

Jiñi Tsiji' bʌ Wen T'añ cha'añ Estudio

¹ Jiñobʌch i c'aba' jiñi israelob tsa' bʌ c'otiyob ti Egipto yic'ot Jacob, ti jujuntiquil tsa' c'otiyob yic'ot i pi'ʌlob yic'ot i yalobilob:

Chol: I T’an Dios

¹ Jiñobʌch i c'aba' jini israelob tsa' bʌ c'otiyob ti Egipto yic'ot Jacob. Ti jujuntiquil tsa' c'otiyob yic'ot i pi'ʌlob:

Exodo 1:1 Iomraidhean Croise

Genesis 29:31

Lac Yum tsi' q'uele mach c'uxbibilic Lea. Tsi' yʌq'ue i cʌntan alʌl. Ma'anic i yalobil Raquel.

Genesis 35:18

Che' bʌ woli' loq'uel i ch'ujlel, come tsa' chʌmi Raquel, tsi' yotsʌbe i c'aba' alʌ ch'iton Benoni, “Calobil tsa' bʌ i yila pañimil che' ti' yorajlel c wocol”. I tat tsi' yotsʌbe i c'aba' Benjamín, “Calobil mu' bʌ i yʌq'ueñonla lac wenlel”.

Genesis 46:27

Añob cha'tiquil ch'iton bʌ i yalobilob José tsa' bʌ i yilayob pañimil ti Egipto. Añob lujuntiquil i chʌnc'al (70) ti pejtelelob jini loq'uemo' bʌ ti Jacob tsa' bʌ tiliyob ti Egipto.

Exodo 1:2

Rubén, Simeón, Leví, Judá,

Exodo 28:10

Yom ma' ts'ijban wʌcp'ejl c'aba'ʌl ti jini junq'uejl xajlel, yic'ot yambʌ wʌcp'ejl c'aba'ʌl ya' ti yambʌ junq'uejl xajlel, junlajal yom. Jini ñaxan bʌ tsi' yila pañimil, jiñʌch ma' ñaxan otsan c'ʌlʌl ma' taj majlel jini wi'ilix bʌ tsi' yilayob pañimil cha'an belecña mi' yujtel a wotsan ya' ti cha'q'uejl xajlel jini c'aba'ʌl tac.

Ezequiel 48:1

Jiñobʌch i p'olbalob Israel ti mojt ti mojt yic'ot i lumal mu' bʌ caj i yʌq'uentelob: Dan: Ya' ti Mediterráneo c'ʌlʌl ti Hetlón am bʌ ti pasibal q'uin c'ʌlʌl ti Lebo, yic'ot Hazarenán, jini lum am bʌ ti' yojlil Damasco ya' ti sur, yic'ot Hamat ya' ti norte. Jiñʌch i cayajonlel ti' pasibal q'uin yic'ot ti' bʌjlibal q'uin. Aser: An ti' tojel Dan ya' ti sur. Lajal i cayajonlel ti' pasibal q'uin yic'ot ti' bʌjlibal q'uin. Neftalí: An ti' tojel Aser ya' ti sur. Lajal i cayajonlel ti' pasibal q'uin yic'ot ti' bʌjlibal q'uin. Manasés: An ti' tojel Neftalí ya' ti sur. Lajal i cayajonlel ti' pasibal q'uin yic'ot ti' bʌjlibal q'uin. Ya'an ti sur Efraín, Rubén, Judá. Lajal i cayajonlel ti' pasibal q'uin yic'ot ti' bʌjlibal q'uin.