TITO 3:9 - Chatino Zona Alta Occidental

⁹ Ja suꞌwe chkwiꞌ wan ska chaꞌ nu ja lka, kwiꞌ ngwañaꞌan ja xkwen wan chaꞌ kuxi ꞌin taꞌa wan chunꞌ tñan nu yꞌni ayman kula ꞌñaan; ti kwiꞌ ti chaꞌ, ja ndiꞌin chaꞌ chkwiꞌ luwe wan chaꞌ nu ngwaꞌan ayman Moisés nu ngwa sꞌni. Ja la tsaa toꞌo suꞌwe ska chaꞌ si nu kuꞌni wan ngwañaꞌan. Kanaꞌ tyempu ꞌwan ngwañaꞌan, chaꞌ xkwiꞌ chaꞌ nu ndukwi lo kwiꞌin ti nchkwiꞌ wan bra kanꞌ.

TITO 3:9 Iomraidhean Croise

1 CORINTIOS 13:2

Ja nꞌni chaꞌ ni siya ka ꞌñaan katsaanꞌ nchga chaꞌ nu nchkwiꞌ Ndiose loꞌo nten, si ja suꞌwe nka tiyean ñaꞌaan ꞌin neꞌ. Ja nꞌni chaꞌ ni siya jlyo tianꞌ nchga chaꞌ ꞌin Ndiose, ni siya suꞌwe ꞌa nchka biyaꞌ tianꞌ ska chaꞌ nu ja ngwa ka biyaꞌ tiꞌ nten nu ngwa sꞌni; ja ska chaꞌ suꞌwe ngiꞌnian tloo Ndiose si ja suꞌwe nka tiyean ñaꞌaan ꞌin nten. Ti kwiꞌ ti chaꞌ, ni siya ndyaa ñaꞌan ꞌa tianꞌ ꞌin Ndiose sa ñaꞌan yaꞌ nu ka ꞌñaan xlyuu tiꞌian ꞌin ska kiꞌya nu kwan ndukwa; si ja suꞌwe nka tiyean ñaꞌaan ꞌin nten, ja ska chaꞌ suꞌwe ngiꞌnian bra kanꞌ.

1 CORINTIOS 8:1

Nde kwaꞌaǎn xka chaꞌ lo kityi re, chaꞌ ka biyaꞌ tiꞌ wan sa ñaꞌan ndyoꞌo chaꞌ nu ngiꞌni wan bra nu nchku wan lomstan nu wa mstya neꞌ tloo joꞌo ti kulo. Ndiya wan nu nchkwiꞌ wan: “Jlyo tiꞌ ba, wa ngwiꞌya ba kwenta chaꞌ ja ndiꞌin chaꞌ kti ꞌin joꞌo kwa; ka ku ba lomstan kanꞌ” ndukwin wan. Chañi ꞌa chaꞌ kanꞌ. Loꞌo siyeanꞌ loꞌo taꞌa ntean bra nu chkwianꞌ ngwañaꞌan. Ska ti si suꞌwe ka tiyean ñaꞌaan ꞌin taꞌa ntean, si kuwe tianꞌ ꞌin neꞌ kanꞌ, bra kanꞌ ka tayaanꞌ ꞌin neꞌ.

1 TIMOTEO 4:7

Ja kunaan kwentu nu ja nchkwiꞌ ñi chaꞌ ꞌin Ndiose, chaꞌ kuxi ꞌa chaꞌ kanꞌ. Suꞌwe la si tyaꞌan tiiꞌ kuꞌnii xkwiꞌ tñan nu ndiya la tiꞌ Ndiose.

2 TIMOTEO 2:14

Taꞌa ti chkwiiꞌ loꞌo neꞌ chaꞌ tukwa neꞌ nchga chaꞌ nu ndaꞌaǎn re. Wa jlyo tiꞌ Xꞌnaan nchga tñan nu ngiꞌni skaa neꞌ, kanꞌ chaꞌ kuloo tñan chaꞌ ja chkwiꞌ neꞌ kaꞌan ꞌa chaꞌ loꞌo taꞌa neꞌ chaꞌ ꞌin ya ñaꞌan ti kwentu nu nchkwiꞌ nten. Ja suꞌwe siyaꞌ ti ngwañaꞌan, chaꞌ lye ꞌa xtiyaaꞌ chaꞌ nu nsuꞌwi ke nten nu kunan chaꞌ kanꞌ.

2 TIMOTEO 2:16

Ja kunaan ꞌaa chaꞌ kuxi nu nchkwiꞌ neꞌ kwiñi kanꞌ, chaꞌ tijyuꞌ ꞌa nduun neꞌ kanꞌ ꞌin Ndiose; ja ndaꞌan ꞌa neꞌ kanꞌ tuwiin ꞌin Ni.

2 TIMOTEO 2:23

Ja xkween ꞌa chaꞌ ꞌin nten nu ja jlyo tiꞌ siyaꞌ ti sa ñaꞌan lka ska chaꞌ nu ñi; ja ska chaꞌ jlyo tiꞌ neꞌ kanꞌ; nan nchka tiꞌ neꞌ xuun neꞌ loꞌoan chaꞌ ꞌin ska chaꞌ laja ti ꞌin neꞌ.

TITO 1:14

chaꞌ ja kunan ꞌa neꞌ kwentu nu nchkwiꞌ neꞌ judío, chaꞌ ja tukwa ꞌa neꞌ chaꞌ nu nchkwiꞌ nten chalyuu nu wa ngulaa yaꞌ nchga chaꞌ nu ñi.

SANTIAGO 4:1

¿Ni chaꞌ lka lye ꞌa nxuun wan loꞌo taꞌa wan? ¿Ni chaꞌ lka liye ꞌa naꞌan tiꞌí wan ꞌin taꞌa nten wan? ¿Ni chaꞌ lka lye ꞌa nxitukwi tiꞌ wan ꞌin ska nan nu nsuꞌwi ꞌin taꞌa nten wan? Ja nchka ꞌwan tyiꞌin tiin ti wan loꞌo taꞌa wan, chunꞌ nu ndiya ꞌa tiꞌ wan nchga lo chaꞌ kuxi.