TITO 2:8 - Chatino Zona Alta Occidental

⁸ Suꞌwe ti kwaꞌuu ꞌin neꞌ sikwa, chaꞌ ja tukwin ka chkwiꞌ chaꞌ ꞌiin, chaꞌ ngiꞌnii chaꞌ kuxi. Bra kanꞌ ka jyuꞌu tiꞌ yu nu kuxi kasiya ꞌin, chaꞌ ja kaja ñaꞌan chkwiꞌ yu chaꞌ kuxi ꞌwan bra kanꞌ.

TITO 2:8 Iomraidhean Croise

SAN MARCOS 12:17

―Suꞌwe ―ndukwin Jesús bra kanꞌ―, ta wan nchga nan nu ndiꞌin chaꞌ ta wan ꞌin ree tlyu kanꞌ sikwa; kwiꞌ ngwañaꞌan, taa wan ꞌin Ndiose nchga nan nu ndiꞌin chaꞌ taa wan ꞌin Ni. Yuwe ꞌa tiꞌ neꞌ chaꞌ nchka ꞌa ꞌin Jesús xitukwi chaꞌ loꞌo neꞌ kanꞌ.

SAN MARCOS 12:28

Loꞌo mdiyan ska mstru nu nduꞌu chaꞌ joꞌo nde seꞌen ndiꞌin Jesús bra kanꞌ. Wa ynan mstru kanꞌ bra nu mxkwen neꞌ kanꞌ ꞌin Jesús, sa ñaꞌan ngwa chaꞌ suꞌwe ꞌa ykwiꞌ Jesús loꞌo neꞌ. Loꞌo mnichaꞌ mstru kanꞌ ꞌin Jesús bra kanꞌ: ―Taꞌa tñan nu ngulo Ndiose ꞌñaan chaꞌ kuꞌnian ni, ¿ni sa ñaꞌan tñan lka nu ndloo la ꞌñaan chaꞌ kuꞌnian a? ―ndukwin yu ꞌin Jesús.

SAN MARCOS 12:32

―Chaꞌ nu ñi nchkwiiꞌ, mstru ―ndukwin mstru kanꞌ ꞌin Jesús―, chañi chaꞌ nu nchkwiiꞌ chaꞌ ska ti Ndiose nu chañi chaꞌ lka Ni Xꞌnaan; ja ndiya xka nu lka xꞌnaan.

SAN MARCOS 12:34

Ngwa biyaꞌ suꞌwe tiꞌ yu kiꞌyu kanꞌ, mskeꞌ tiꞌ Jesús. ―Chinꞌ ti chaꞌ ti ji ꞌiin chaꞌ nu steen chaꞌ ꞌin Ndiose, chaꞌ ka Ni ndloo niꞌ kasiya ꞌiin ―ndukwin Jesús ꞌin mstru kanꞌ. Bra nu mdyii ykwiꞌ Jesús chaꞌ kanꞌ, ja ykwiꞌ ꞌa nten xka la chaꞌ loꞌo yu, chaꞌ ntsen chinꞌ neꞌ ꞌin yu bra kanꞌ.

SAN LUCAS 13:17

Mjyuꞌu ꞌa tiꞌ neꞌ nu nka kontra ꞌin Jesús chaꞌ mxkwen yu chaꞌ ꞌin nu lka ndloo la kanꞌ ngwañaꞌan. Bra kanꞌ suꞌwe ꞌa ngwa tiye xka ta nten nu mduun la kanꞌ, chaꞌ naꞌan neꞌ nchga chaꞌ tnun nu yꞌni Jesús.

2 TESALONICENSES 3:14

Nten nu ja xlyaa kunan nchga chaꞌ nu ndaꞌan ba lo kityi re ni, kiꞌya wan kwenta ti ka nu lka neꞌ kanꞌ; bra kanꞌ ja tyaꞌan wan suꞌwa ti loꞌo neꞌ kanꞌ, chaꞌ ngwañaꞌan ka jyuꞌu tiꞌ neꞌ.

1 TIMOTEO 5:14

Kanꞌ chaꞌ suꞌwe la si xiyaꞌ kaja kwilyoꞌo nu kunaꞌan kuneꞌ kanꞌ, nxkeꞌ tiǎnꞌ; kaja sñiꞌ neꞌ bra kanꞌ, ñaꞌansiin neꞌ naꞌan tyi neꞌ, loꞌo ja kaja ñaꞌan nu xtya neꞌ kiꞌya ꞌñaan siꞌya nu kunaꞌan kanꞌ.

1 TIMOTEO 6:3

Ñi ꞌa chaꞌ ꞌin Jesucristo nu nka Xꞌnaan; loꞌo nchga nten nu nduꞌu xka chaꞌ ꞌwan, ja ñi ngiꞌni neꞌ kanꞌ, ja siyaꞌ mslyaa neꞌ kunan neꞌ chaꞌ nu ñi kanꞌ.

TITO 3:14

Ndiꞌin chaꞌ kuꞌni xaꞌan nchga nten ꞌin Jesucristo nde kwa, chaꞌ kuꞌni neꞌ nchga chaꞌ suꞌwe, chaꞌ ka tayaꞌ neꞌ ꞌin taꞌa nten neꞌ nu lyiji chinꞌ nan ꞌin. Ja suꞌwe si xkwiꞌ chaꞌ ndaja ti tiꞌ neꞌ taꞌaan ndiꞌin neꞌ lo chalyuu.

1 SAN PEDRO 2:12

Xkwiꞌ chaꞌ nu ñi kuꞌni wan sikwa; xkwiꞌ chaꞌ suꞌwe kuꞌni wan tloo nten, nten nu ja ndyaa ñaꞌan tiꞌ ꞌin Ndiose siyaꞌ ti, chaꞌ loꞌo neꞌ kanꞌ ka biyaꞌ tiꞌ neꞌ chaꞌ nten suꞌwe lka wan. Nu ni, nxkeꞌ tiꞌ neꞌ kanꞌ, chaꞌ kuxi ꞌa nten lka wan, kanꞌ chaꞌ suꞌwe la si xkwiꞌ chaꞌ suꞌwe kuꞌni wan chaꞌ ñaꞌan nten kanꞌ ꞌwan; bra kanꞌ kiꞌya neꞌ kanꞌ kwenta chaꞌ chañi chaꞌ lka wan nten suꞌwe. Loꞌo nten kanꞌ kuꞌni tnun ꞌin Ndiose tsan nu kuꞌni biyaꞌ Ni ꞌin nchga nten bra kanꞌ.

1 SAN PEDRO 2:15

Nchka tiꞌ Ndiose chaꞌ kuꞌni wan xkwiꞌ chaꞌ suꞌwe, chaꞌ ja ka chkwiꞌ nten chaꞌ kuxi ꞌwan bra kanꞌ; ni siya nten nu ja nchka tiꞌ ka biyaꞌ tiꞌ, ni siya nten nu ja jlyo tiꞌ siyaꞌ ti; ja ska yaꞌ kaja ñaꞌan xtya neꞌ kanꞌ kiꞌya ꞌwan bra kanꞌ.

1 SAN PEDRO 3:16

Xkwiꞌ chaꞌ suꞌwe kuꞌni wan loꞌo nten sikwa, chaꞌ ka kanun luwi kasiya ꞌwan; bra kanꞌ ka jyuꞌu tiꞌ neꞌ kwiñi kanꞌ, kwiꞌ nu nchkwiꞌ kwentu ꞌwan, chunꞌ chaꞌ suꞌwe nu ngiꞌni wan chaꞌ ꞌin Krixtu.