TITO 2:3 - Chatino Zona Alta Occidental

³ Kwiꞌ ngwañaꞌan, kwaꞌuu ꞌin neꞌ kunaꞌan kula sa ñaꞌan nu ndiꞌin chaꞌ tyiꞌin neꞌ chaꞌ kuꞌni tnun neꞌ ꞌin Ndiose, chaꞌ ja chkwiꞌ ꞌa neꞌ kwentu ꞌin nten, chaꞌ ja ka kuꞌwi neꞌ, chaꞌ xkwiꞌ suꞌwe ti kuꞌni neꞌ tloo taꞌa nten neꞌ.

TITO 2:3 Iomraidhean Croise

ROMANOS 1:29

Ja suꞌwe siyaꞌ ti tñan nu ngiꞌni neꞌ loꞌo taꞌa nten neꞌ: xkwiꞌ chaꞌ chen ñaꞌan ngiꞌni neꞌ, xaꞌan ꞌa ngiꞌni neꞌ; nxitukwi ꞌa tiꞌ neꞌ chaꞌ suꞌwe nu nsuꞌwi ꞌin taꞌa nten neꞌ, tiꞌí ꞌa tiꞌ neꞌ ꞌin taꞌa nten neꞌ; nchka tiꞌ neꞌ chaꞌ suꞌwe la tyiꞌin neꞌ ke xka la taꞌa neꞌ, nsuun neꞌ kanꞌ loꞌo ndyujwi neꞌ ꞌin taꞌa neꞌ; nñi lyoꞌo neꞌ ꞌin taꞌa neꞌ; chen ꞌa ñaꞌan chaꞌ nsuꞌwi tiye neꞌ ñaꞌan neꞌ ꞌin taꞌa nten neꞌ, loꞌo nchkwiꞌ ꞌa neꞌ kwentu ꞌin taꞌa neꞌ,

EFESIOS 5:3

Loꞌo ni, chaꞌ lka wan nten ꞌin Ndiose, ja suꞌwe si xkwiꞌ chaꞌ ꞌin nu kunaꞌan ndaꞌan chaꞌ tiye wan, ja ska chaꞌ chen ñaꞌan kuꞌni wan loꞌo nten; ni ja siyaꞌ chkwiꞌ wan chaꞌ kanꞌ loꞌo taꞌa nten wan, ja xitukwi tiꞌ wan chaꞌ suꞌwe nu nsuꞌwi ꞌin nten.

1 TIMOTEO 3:11

Loꞌo nu kunaꞌan ni, ndiꞌin chaꞌ kuꞌni neꞌ xkwiꞌ chaꞌ suꞌwe bra nu ka neꞌ tñan chaꞌ tayaꞌ neꞌ ꞌin taꞌa neꞌ; ja suꞌwe chkwiꞌ nu kunaꞌan kanꞌ kwentu ꞌin taꞌa nten neꞌ. Ndiꞌin chaꞌ suꞌwe ti ka tiye nu kunaꞌan kanꞌ, chaꞌ talo neꞌ kuꞌni neꞌ tñan nu wa nda Ndiose ꞌin neꞌ.

1 TIMOTEO 3:8

Kwiꞌ ngwañaꞌan nten nu nka tñan ꞌin taꞌa nten ꞌin Jesús ska kichen, loꞌo neꞌ kanꞌ ndiꞌin chaꞌ kuꞌni neꞌ xkwiꞌ chaꞌ suꞌwe. Ja suꞌwe si tukwa chaꞌ ndaꞌan tiye neꞌ kanꞌ bra nu kuꞌni neꞌ tñan kanꞌ; ja suꞌwe si kuꞌwi neꞌ kanꞌ, ja suꞌwe si lye ꞌa jñan neꞌ kanꞌ tñi ꞌin taꞌa nten neꞌ chaꞌ ka kuliyaꞌ neꞌ, ti ykwiꞌ ti neꞌ.

1 TIMOTEO 5:23

Jlyo tiǎnꞌ chaꞌ tiꞌii chinꞌ; kanꞌ chaꞌ ja koꞌoo xkwiꞌ tyiꞌa ti, suꞌwe si koꞌoo chinꞌ mñun nu ndyoꞌo lo siꞌyu chi kutun chaꞌ kuꞌni chinꞌ rmiyu ꞌiin.

TITO 1:7

Kwiꞌ ngwañaꞌan, nten nu ka ndloo la ꞌin nchga ta neꞌ taꞌaan ni, ja suꞌwe si ndiꞌin chaꞌ xtya xka nten kiꞌya ꞌin neꞌ kanꞌ, chaꞌ tñan ꞌin Ndiose ngiꞌni neꞌ kanꞌ. Kanꞌ chaꞌ, nuꞌwin Tito, ndiꞌin chaꞌ kunaan ꞌin nten nu ja tiji tloo, nten nu ja msinꞌ tiꞌ, nten nu ja kuꞌwi, nten nu ja ndiꞌin chaꞌ wsuun loꞌo taꞌa nten, nten nu ja ndiya ꞌa tiꞌ tñi;

TITO 2:4

Bra nu ñaꞌan nu kunaꞌan kuneꞌ ꞌin neꞌ kula kanꞌ, kuꞌni xaꞌan neꞌ chaꞌ suꞌwe xuꞌwi tiye neꞌ ñaꞌan neꞌ ꞌin kwilyoꞌo neꞌ loꞌo sñiꞌ neꞌ bra kanꞌ;

HEBREOS 5:12

Wa sꞌni ꞌa ynan wan chaꞌ ꞌin Krixtu ti kulo; loꞌo wa mdijin ꞌa tyempu ni. Ja chan wa lka wan mstru chaꞌ ꞌin Krixtu ni, loꞌo ngwa ti ñaꞌan ndiꞌin wan. Ti ndiꞌin chaꞌ kwaꞌu la neꞌ ꞌwan xiyaꞌ sa ñaꞌan ndiꞌin kiyaꞌ chaꞌ ꞌin Ndiose, ti kwiꞌ chaꞌ nu ngwa tiꞌ Ni katsaꞌ Ni ꞌin nten chalyuu nu ngwa ti kulo. Sa ñaꞌan nu ngiꞌni ska kuwiꞌ nu ti ngatiꞌ, nu ja ya ku tyaja, kwiꞌ ngwañaꞌan ngiꞌni wan, chaꞌ ja nchka ꞌa kuꞌni xaꞌan wan chaꞌ ꞌin Ndiose.

EL APOCALIPSIS 2:20

“Ni siya ngwañaꞌan ti ndiya kiꞌya nu xtyaǎn ꞌwan” ndukwin Jesús, “chaꞌ nda wan chabiyaꞌ ꞌin nu kunaꞌan Jezabel kwa chaꞌ kwiñi lyoꞌo ꞌin taꞌa nten wan. Nchkwiꞌ nu kunaꞌan kwa chaꞌ chabiyaꞌ ꞌin Ndiose nchkwiꞌ, loꞌo ndatsaa ꞌa ꞌin nten nu ndiꞌin chaꞌ ꞌñaǎn; ndatsaa ꞌin neꞌ chaꞌ kuꞌni neꞌ chaꞌ chen ñaꞌan loꞌo xka kunaꞌan nu ja lka kwilyoꞌo neꞌ, loꞌo nduꞌu ꞌin neꞌ chaꞌ ku neꞌ lomstan nu ndukwa tloo nkwin joꞌo ꞌin neꞌ” ndukwin Ni.