TITO 1:11 - Chatino Zona Alta Occidental

¹¹ Ndiꞌin chaꞌ tukunꞌ wan tuꞌwa yu kwiñi kanꞌ, chaꞌ ja kwaꞌu ꞌa yu chaꞌ kuxi kanꞌ ꞌin kaꞌan nten, taꞌa ndiꞌin wan ska niꞌ ñaꞌan nu wa msñi wan chaꞌ nu ñi ꞌin Jesús. Nduꞌu yu kanꞌ chaꞌ kwiñi ꞌñaan taꞌaan, chunꞌ nchka tiꞌ yu kaja la tñi ꞌin yu.

TITO 1:11 Iomraidhean Croise

SAN MATEO 23:13

’¡Tꞌnan ꞌa ꞌwan mstru nu nduꞌu chaꞌ joꞌo, loꞌo ꞌwan neꞌ fariseo, chaꞌ tukwa chaꞌ ndaꞌan tiye wan! Nan ndukunꞌ ti wan tuwiin ꞌin nten, chaꞌ ja ka sten neꞌ chaꞌ ꞌin Ndiose, chaꞌ ja ka Ndiose ndloo la niꞌ kasiya ꞌin neꞌ. ꞌWan ti ykwiꞌ ti wan, ja xlyaa wan sten wan chaꞌ kanꞌ, loꞌo ja nda wan chabiyaꞌ chaꞌ sten xka la nten chaꞌ kanꞌ.

SAN LUCAS 20:40

Ytsen neꞌ bra kanꞌ. Ja yꞌni ꞌa tiye neꞌ chaꞌ chkwiꞌ neꞌ xka la chaꞌ loꞌo Jesús.

SAN JUAN 10:12

Ska msu ti ni, ja ñaꞌansiin suꞌwe yu ꞌin slyaꞌ, xnan yu bra nu ñaꞌan yu chaꞌ ndijyan ska ꞌni tlá. Msu kanꞌ ja lka yu xꞌnan slyaꞌ, siꞌi ti kwiꞌ yu nu lka ꞌin iꞌ. Kanꞌ chaꞌ kuꞌni tiꞌí ꞌni tlá ꞌin ñaꞌaan ta slyaꞌ kanꞌ; tijyuꞌ xnan slyaꞌ, kanaꞌ yuꞌwi iꞌ bra kanꞌ ―ndukwin Jesús―.

ROMANOS 3:19

Wa jlyo tianꞌ chaꞌ nchga chaꞌ kula kanꞌ, ndukwa ran chaꞌ ka kuwe tiꞌ neꞌ judío nu wa yten lo chaꞌ nu ndukwa lo kityi kanꞌ. Kwiꞌ ngwañaꞌan, ngwaꞌan ayman kula chaꞌ kanꞌ, chunꞌ nchka tiꞌ Ndiose chaꞌ ka biyaꞌ tiꞌ nchga nten ñaꞌaan chalyuu chaꞌ ja kaja ñaꞌan lyaa neꞌ ti ykwiꞌ ti neꞌ tloo Ndiose, chaꞌ ndiꞌin chaꞌ kuꞌni biyaꞌ Ni ꞌin neꞌ.

2 CORINTIOS 11:10

Suꞌwe la nka tiyeěn chaꞌ ngwañaꞌan nchka ꞌñaǎn. Kanꞌ chaꞌ ni, la seꞌen ndyaꞌaǎn tyukwi lo yuu ꞌin Grecia, ja nchka tiǎnꞌ chaꞌ ta neꞌ liyaꞌ ꞌñaǎn; wa jlyo tiꞌ wan chaꞌ chañi ꞌa chaꞌ nu nchkwiǐnꞌ re, chunꞌ lkaǎn nten ꞌin Krixtu.

1 TIMOTEO 5:13

Kanꞌ chaꞌ suꞌwe la si ja kwaꞌan yu nin nu kunaꞌan kuneꞌ nu tka nganun ska ti. Ja chan xkwiꞌ paseya ti tyaꞌan nu kunaꞌan kanꞌ seꞌen ndiꞌin nten; si ngwañaꞌan kuꞌni nu kunaꞌan kanꞌ, ka ndaja neꞌ bra kanꞌ, tyisnan neꞌ chkwiꞌ ꞌa neꞌ kwentu ꞌin xka nten bra kanꞌ, ni siya taꞌa neꞌ, ni siya xka la nten. Loꞌo kaꞌan la chaꞌ kuxi ka bra kanꞌ, loꞌo chkwiꞌ ꞌa nu kunaꞌan kanꞌ loꞌo taꞌa neꞌ ti ndyuwa ti chaꞌ nu ja suꞌwe chkwianꞌ.

1 TIMOTEO 5:4

Si ndiya sñiꞌ nu kunaꞌan tiꞌi kanꞌ, ni siya ska sñiꞌ steꞌ, ndiꞌin chaꞌ ñaꞌansiin neꞌ kanꞌ ꞌin jyaꞌan neꞌ bra kanꞌ; ndiꞌin chaꞌ kuꞌni xaꞌan sñiꞌ neꞌ chaꞌ ñaꞌansiin neꞌ ꞌin neꞌ kula ꞌin neꞌ, sa ñaꞌan ngwa bra nu mnaꞌansiin neꞌ kula kanꞌ ꞌin sñiꞌ ti bra nu ngwa kuneꞌ. Kanꞌ lka tñan nu ndiꞌin chaꞌ kuꞌni neꞌ kuneꞌ loꞌo neꞌ kula ꞌin neꞌ, chaꞌ suꞌwe nka tiye Ndiose bra nu ñaꞌan Ni ꞌin neꞌ kuneꞌ nu ñaꞌansiin suꞌwe ꞌin neꞌ kula ꞌin neꞌ.

1 TIMOTEO 6:5

Lye ꞌa nchkwiꞌ neꞌ kanꞌ, chunꞌ ja msñi suꞌwe neꞌ chaꞌ nu ñi ꞌin Ndiose, kwiꞌ ngwañaꞌan ja suꞌwe ndaꞌan chaꞌ tiye neꞌ kanꞌ; chaꞌ kwiñi ti ngiꞌni tnun neꞌ kanꞌ ꞌin Ndiose chaꞌ kaja tñi ꞌin neꞌ, nka tiye neꞌ. Ja tyaꞌaan suꞌwaan loꞌo neꞌ kanꞌ.

2 TIMOTEO 2:18

Ngulaa yaꞌ neꞌ kanꞌ chaꞌ nu ñi ꞌin Ndiose, loꞌo ni, nchkwiꞌ neꞌ kanꞌ, chaꞌ ja ndiꞌin chaꞌ tyuꞌuan xiyaꞌ. “Nan wa ndyuꞌu neꞌ xiyaꞌ, nchga nten nu ndiꞌin chaꞌ tyuꞌu” ndukwin neꞌ kwiñi kanꞌ. Loꞌo ndiya chinꞌ neꞌ taꞌaan nu wa msñi chaꞌ nu nchkwiꞌ neꞌ kanꞌ, loꞌo ni, ja jlyo suꞌwe tiꞌ neꞌ ni ñaꞌan chaꞌ nu yaa ñaꞌan tiꞌ neꞌ ti kulo.

2 TIMOTEO 3:6

Kwiꞌ ngwañaꞌan ndiya nu kuxi nu nñi lyoꞌo ꞌin nu kunaꞌan tintu nu ja nchka ꞌa tyaꞌan suꞌwe chaꞌ tiye neꞌ. Ndaꞌan nu kwiñi kanꞌ niꞌ ñaꞌan ꞌin neꞌ chaꞌ kwaꞌu chaꞌ kwiñi ꞌin neꞌ. Nan tintu ꞌa nu kunaꞌan kanꞌ, chaꞌ ndiꞌin ꞌa kiꞌya ꞌin neꞌ, chaꞌ nchka ꞌa tiꞌ neꞌ xñi neꞌ ya ñaꞌan ti chaꞌ kuxi.

TITO 1:7

Kwiꞌ ngwañaꞌan, nten nu ka ndloo la ꞌin nchga ta neꞌ taꞌaan ni, ja suꞌwe si ndiꞌin chaꞌ xtya xka nten kiꞌya ꞌin neꞌ kanꞌ, chaꞌ tñan ꞌin Ndiose ngiꞌni neꞌ kanꞌ. Kanꞌ chaꞌ, nuꞌwin Tito, ndiꞌin chaꞌ kunaan ꞌin nten nu ja tiji tloo, nten nu ja msinꞌ tiꞌ, nten nu ja kuꞌwi, nten nu ja ndiꞌin chaꞌ wsuun loꞌo taꞌa nten, nten nu ja ndiya ꞌa tiꞌ tñi;

TITO 1:9

Suꞌwe ꞌa ka neꞌ tñan kanꞌ xa wa ndyaꞌan ꞌa tiꞌ neꞌ ꞌin chaꞌ nu ñi nu ngwaꞌuǔn ꞌiin, chaꞌ ka ꞌin neꞌ kwaꞌu neꞌ chaꞌ nu ñi kanꞌ ꞌin taꞌa nten neꞌ, chaꞌ ka ꞌin neꞌ xkwen neꞌ chaꞌ ꞌin neꞌ kwiñi.

TITO 3:10

Ska tukwa yaꞌ chkwiiꞌ loꞌo neꞌ taꞌa wan nu nchka tiꞌ xisuun ꞌwan, chaꞌ ja suꞌwe taꞌa wan ꞌwan, nu ndiꞌin chaꞌ ꞌwan loꞌo Jesucristo. Si ja kunan neꞌ kanꞌ, bra kanꞌ kulaa yaꞌ wan ꞌin neꞌ kanꞌ.