SAN MATEO 9:12 - Chatino Zona Alta Occidental

¹² Ynan Jesús chaꞌ nu nchkwiꞌ neꞌ kanꞌ loꞌo taꞌa nchku yu, kanꞌ chaꞌ ykwiꞌ yu loꞌo neꞌ fariseo bra kanꞌ: ―Nten nu ja tiꞌí ni, ja ndiꞌin chaꞌ ka joꞌó ꞌin ―ndukwin Jesús ꞌin neꞌ―. Nu tiꞌí ndiꞌin chaꞌ ka joꞌó ꞌin.

SAN MATEO 9:12 Iomraidhean Croise

SAN MATEO 18:11

Wa ndijyaǎn lo chalyuu chabiyaꞌ ꞌin Ndiose chaꞌ kaǎn nten, chaꞌ kulaǎn ꞌin nten chalyuu nu wa mnaꞌ kasiya ꞌin siꞌya chaꞌ kuxi.

SAN MARCOS 2:17

Chaꞌ wa ynan Jesús chaꞌ nu ykwiꞌ neꞌ nu tnun nchka kanꞌ, kanꞌ chaꞌ ykwiꞌ yu loꞌo neꞌ bra kanꞌ: ―Ja ndiꞌin chaꞌ ka joꞌó ꞌin nten nu suꞌwe ti ―ndukwin Jesús ꞌin neꞌ―, ka joꞌó ꞌin neꞌ tiꞌí ―ndukwin yu―. Loꞌoǔn ni, ja ndijyaǎn lo chalyuu chaꞌ kwaꞌuǔn chaꞌ suꞌwe ꞌin Ndiose ꞌin nten nu nxkeꞌ tiꞌ chaꞌ nten suꞌwe lka neꞌ; nan wa ndijyaǎn chaꞌ kwaꞌuǔn chaꞌ suꞌwe kanꞌ ꞌin nten nu jlyo tiꞌ chaꞌ ndiꞌin kiꞌya ꞌin neꞌ ―ndukwin Jesús.

SAN LUCAS 5:31

Bra kanꞌ mxkwen Jesús ꞌin neꞌ kanꞌ: ―Nten nu ngula tiꞌ ni, ja tsaa naan neꞌ kanꞌ ꞌin ska nu kuꞌni joꞌó ꞌin neꞌ; neꞌ tiꞌí lka nu ndaꞌan naan ꞌin ska nu kuꞌni joꞌó ꞌin neꞌ ―ndukwin―.

SAN LUCAS 8:43

Laja nten kanꞌ ndyaa ska nu kunaꞌan nu tiꞌí ꞌa. Wa mdyii tii tyukwa yijan tiꞌí nu kunaꞌan kanꞌ, xkwiꞌ kicha nu ndiꞌya tnen nsuꞌwi ꞌin nu kunaꞌan kanꞌ. Wa mdyii tñi ꞌin nu kunaꞌan kanꞌ ngwiji, siyaꞌ neꞌ joꞌó, ja ska nten ngwa ꞌin kuꞌni joꞌó ꞌin nu kunaꞌan kanꞌ.

SAN LUCAS 9:11

Loꞌo ngwa biyaꞌ tiꞌ xka ta nten kanꞌ nde seꞌen ndyaa Jesús, bra kanꞌ mdoꞌo ñaꞌan neꞌ ꞌin yu. Mdiyan neꞌ seꞌen ndiꞌin yu, bra kanꞌ nganun neꞌ chaꞌ kwaꞌu yu ꞌin neꞌ sa ñaꞌan ka chaꞌ nde loo la, bra nu ka Ndiose ndloo niꞌ kasiya ꞌin nten. Loꞌo mdiyan neꞌ tiꞌí chaꞌ ngwa tiꞌ neꞌ kuꞌni yu chaꞌ chkaa neꞌ.

COLOSENSES 4:14

Loꞌo Luka taꞌa suꞌwe nsuꞌwiǐn nu nka doctor, loꞌo Dema, nchkwiꞌ suꞌwe yu loꞌo wan.