SAN MATEO 7:3 - Chatino Zona Alta Occidental

³ ¿Ni chaꞌ ndla ꞌa nchkwiꞌ wan ꞌin ska chaꞌ kuxi nu nsuꞌwi ꞌin xka taꞌa nten wan? Ñaꞌan tiꞌ si lka ran ska yuu kata ti nu wa yten kiloo neꞌ. Ja nduwe tiꞌ wan chaꞌ tnun ꞌa chaꞌ kuxi nu ngiꞌni ykwiꞌ wan, sa ñaꞌan si lka ran ska mti tnun nu nsuꞌwi kiloo wan, ti ykwiꞌ ti wan.

SAN MATEO 7:3 Iomraidhean Croise

SAN MATEO 7:4

¿Ni chaꞌ lka tnun ꞌa tiye wan chaꞌ chkwiꞌ wan chaꞌ re loꞌo nten kanꞌ: “Taa chabiyaꞌ kuloǔn yuu nu nsuꞌwi kiloo” a? Ngwañaꞌan nchkwiꞌ wan loꞌo nten kanꞌ, loꞌo ja ñaꞌan wan mti nu nsuꞌwi kiloo ykwiꞌ wan.

SAN MATEO 7:5

¡Neꞌ kwiñi lka wan! Kulo la tyoꞌo mti tnun nu nsuꞌwi kiloo ykwiꞌ wan, bra kanꞌ ka ñaꞌan suꞌwe wan chaꞌ kulo wan yuu kata nu nsuꞌwi kiloo taꞌa nten wan.

SAN LUCAS 18:11

Yu fariseo kanꞌ ni, nduun yu jluꞌwe laa, nde ñaꞌan ykwiꞌ yu loꞌo Ndiose bra kanꞌ: “Ndiose” ndukwin, “ngwa xuꞌwe ꞌiin chaꞌ ja ngiꞌniǐn sa ñaꞌan nu ngiꞌni xka la nten; xaꞌan ꞌa ngiꞌni neꞌ, ngiꞌni ꞌa neꞌ kunan, kuxi ꞌa ngiꞌni neꞌ loꞌo kwilyoꞌo xka nten. Naꞌ ni, ja ngiꞌniǐn ngwañaꞌan, ja ngiꞌniǐn sa ñaꞌan ngiꞌni yu kuxi kwa nu kwiñi ti njñan kaꞌan ꞌa tñi chaꞌ ꞌin neꞌ xka laꞌa tsuꞌ nu lka ndloo la” ndukwin yu fariseo kanꞌ ꞌin Ndiose.

ROMANOS 2:1

Loꞌo ꞌwan ni, ja kaja ꞌa ñaꞌan nu kuꞌni Ndiose chaꞌ tlyu tiꞌ ꞌwan, bra nu nchkwiꞌ ꞌa wan chaꞌ ꞌin ska chaꞌ kuxi nu ngiꞌni nten; bra nu ndlo tuun wan kiꞌya nu ndukwi xka nten, kwiꞌ ngwañaꞌan, ti ykwiꞌ ti wan ndukwi wan kiꞌya kanꞌ. Sa ñaꞌan nu ngiꞌni biyaꞌ wse ꞌin nten xaꞌan, kwiꞌ ngwañaꞌan ngiꞌni wan loꞌo taꞌa nten wan, chaꞌ nu ngwañaꞌan nchkwiꞌ wan loꞌo neꞌ, loꞌo suꞌwa ndukwi wan kiꞌya loꞌo neꞌ xaꞌan kanꞌ.

GÁLATAS 6:1

ꞌWan taꞌaan, nde ñaꞌan kuꞌni wan bra nu ñaꞌan wan ꞌin ska yu taꞌa msñi wan chaꞌ ꞌin Ndiose, chaꞌ nchka kuxi kasiya ꞌin yu chunꞌ nu ngiꞌni yu ska chaꞌ kuxi. ꞌWan nu nsuꞌwi Tyiꞌi Ndiose niꞌ kasiya ꞌwan ndiꞌin chaꞌ tayaꞌ wan chinꞌ ꞌin yu kanꞌ, chaꞌ katin kiꞌya nu ndukwi yu, chaꞌ kunan yu chaꞌ ꞌin Krixtu xiyaꞌ. Suꞌwe ti chkwiꞌ wan loꞌo yu kanꞌ. Kwiꞌ ngwañaꞌan, ndii ti tiꞌ wan tyiꞌin wan ti ykwiꞌ ti wan, chaꞌ ja kuꞌni wan ti kwiꞌ chaꞌ kuxi sa ñaꞌan nu yꞌni yu kanꞌ.