SAN MATEO 7:23 - Chatino Zona Alta Occidental

²³ Loꞌo bra kanꞌ nde lka chaꞌ nu ndiꞌin chaꞌ xkweěn ꞌin neꞌ kanꞌ: “Ja nsuꞌwi lyoǔn ꞌwan siyaꞌ ti. ¡Yaa lya wan chaꞌ neꞌ xaꞌan lka wan!”

SAN MATEO 7:23 Iomraidhean Croise

SAN MATEO 25:12

Bra kanꞌ mxkwen yu ꞌin nu kunaꞌan nu ja nduwe tiꞌ kanꞌ: “Ja nsuꞌwi lyoǔn ꞌwan siyaꞌ ti, ja jlyo tiǎnꞌ ti ka nu lka wan” ndukwin yu nu ka kwilyoꞌo kanꞌ ꞌin neꞌ bra kanꞌ.

SAN MATEO 25:41

’Loꞌo chkwiǐnꞌ loꞌo xka ta nten nu tyiꞌin laꞌa seꞌen kaa ꞌñaǎn: “Tyaa lya wan, ꞌwan nu ja nsuꞌwi seꞌen tyiꞌin wan seꞌen ndiꞌin Ndiose. Yaa lya wan seꞌen nu ja ndyuwiꞌ ꞌa kiiꞌ, chaꞌ suꞌwa ti tyiꞌin wan loꞌo nu lka xꞌnan kuneꞌ xaꞌan loꞌo nchga nu ngiꞌni tñan ꞌin, nchga kwiꞌin kuxi; siꞌya kuneꞌ xaꞌan kanꞌ mxuꞌu Ndiose kiiꞌ kanꞌ.

SAN LUCAS 13:25

Bra kanꞌ tyituun xꞌnan naꞌan kanꞌ, chaꞌ tukunꞌ yu tunaꞌan kanꞌ. Bra nu kala wan, bra kanꞌ tyisnan wan jwiꞌin yaꞌ wan tunaꞌan kanꞌ, chkwiꞌ wan loꞌo: “Slaa lyaa tunaꞌan, yu kula.” Bra kanꞌ chkwiꞌ yu loꞌo wan: “Ja jlyo tiǎnꞌ ni nten lka wan.”

SAN LUCAS 13:27

Xiyaꞌ chkwiꞌ yu loꞌo wan bra kanꞌ: “Ja nsuꞌwi lyoǔn siyaꞌ ti ni nten lka wan. Tyaa lya wan suꞌwe la; ja nchka tiǎnꞌ ñaꞌaǎn ꞌwan, chaꞌ nten kuxi lka wan.”

SAN JUAN 10:14

’Suꞌwe ꞌa ñaꞌansiǐn ꞌin slyaꞌ ꞌñaǎn. Kwiꞌ ngwañaꞌan, nsuꞌwi lyoǔn ꞌin nten ꞌñaǎn, loꞌo wa ndyaꞌan tiꞌ nten kanꞌ ꞌñaǎn.

2 TIMOTEO 2:19

Wa mstya suꞌwe Ndiose kiyaꞌ chaꞌ ꞌin ñaꞌan nu nka nten ꞌin Ni. Nde ndukwa ska chaꞌ: “Wa nsuꞌwi lyo ykwiꞌ Ni nchga nu ka nten ꞌin Ni.” Loꞌo ndukwa xka chaꞌ re: “Nchga nten nu ndiꞌin chaꞌ ꞌin loꞌo Krixtu, ndiꞌin chaꞌ kulaa yaꞌ neꞌ nchga chaꞌ kuxi.” Ngwañaꞌan nchkwiꞌ lo kityi ꞌin Ndiose.

EL APOCALIPSIS 22:15

Nchga nten nu chen ꞌa ñaꞌan ngiꞌni, loꞌo nten nu ndyaa ñaꞌan ꞌa tiꞌ chaꞌ taꞌá, loꞌo nten nu ngiꞌni chaꞌ kuxi loꞌo ya ñaꞌan ti nten nu ja lka kwilyoꞌo, loꞌo nu ndujwi ꞌin nten, loꞌo nchga nten nu ngiꞌni tnun ꞌin nkwin joꞌo, loꞌo nten nu ndiya ꞌa tiꞌ chaꞌ kwiñi, nchga nten kanꞌ kanun chunꞌ loꞌoo kichen kanꞌ bra kanꞌ. Ja tukwin nu ngiꞌni ngwañaꞌan nsuꞌwi chabiyaꞌ tsaa tyiꞌin kichen kanꞌ.