SAN MATEO 6:2 - Chatino Zona Alta Occidental

² Bra nu tayaꞌ wan ꞌin neꞌ tiꞌi, ja ndiꞌin chaꞌ katsaꞌ wan chaꞌ kanꞌ ꞌin xka la nten. Ja kuꞌni wan sa ñaꞌan nu ngiꞌni nten nu tukwa chaꞌ nsuꞌwi tiye neꞌ, nu nchka ꞌa tiꞌ chaꞌ ñaꞌan xka la nten ꞌin neꞌ; bra nu tayaꞌ neꞌ kanꞌ ꞌin neꞌ tiꞌi, ni siya niꞌ lyaa ꞌin neꞌ judío taꞌaan, ni siya tuꞌwa tuwiin ti, ska ti chaꞌ nchka tiꞌ neꞌ kanꞌ, chaꞌ suꞌwe ꞌa chkwiꞌ nten chaꞌ ꞌin neꞌ, ti ykwiꞌ ti neꞌ. Ja kuꞌni wan ngwañaꞌan. Chañi chaꞌ nchkwiǐnꞌ loꞌo wan: Nchga chaꞌ suꞌwe nu kaja ꞌin neꞌ kanꞌ nde loo la seꞌen ndiꞌin Ndiose, wa lka mjwi chaꞌ kanꞌ ꞌin neꞌ kanꞌ, chaꞌ wa naꞌan xka la nten ꞌin neꞌ.

SAN MATEO 6:2 Iomraidhean Croise

SAN MATEO 15:7

¡Kwiñi ꞌa wan, chaꞌ tukwa chaꞌ nsuꞌwi tiye wan! Chañi chaꞌ nu ykwiꞌ ayman Isaías chaꞌ ꞌwan nu ngwa sꞌni. Nde lka chaꞌ nu ngwaꞌan ayman kula kanꞌ lo kityi:

SAN MATEO 16:3

Kwiꞌ ndiya xka tsan nchkwiꞌ wan nde tlya, xa nu ñaꞌan wan niꞌ kwan: “Kiꞌya tyoo ni, chaꞌ ndla ti xaa” ndukwin wan. ¡Kwiñi ꞌa wan! Nchka biyaꞌ tiꞌ wan ska nan nu ñaꞌan wan niꞌ kwan, wa nsuꞌwi lyo wan chaꞌ kanꞌ, loꞌo ja ndii ꞌa tiꞌ wan siyaꞌ ti nan ka nu ka ꞌwan lo chalyuu re ni.

SAN MATEO 22:18

Ngwa biyaꞌ tiꞌ Jesús sa ñaꞌan chaꞌ kuxi ndaꞌan tiye neꞌ kanꞌ, kanꞌ chaꞌ mxkwen yu ꞌin neꞌ: ―Kwiñi ꞌa wan ni. ¿Ni chaꞌ lka nchkwiꞌ biyaꞌ wan loꞌoǔn a? ―ndukwin Jesús ꞌin neꞌ kanꞌ―.

SAN MATEO 23:5

Nchga chaꞌ nu ngiꞌni neꞌ kanꞌ, ngiꞌni neꞌ ꞌin ran chaꞌ ñaꞌan nten ꞌin neꞌ; kanꞌ chaꞌ nskanꞌ neꞌ kanꞌ kityi chaꞌ ꞌin Ndiose ke neꞌ, kwiꞌ skun neꞌ, chaꞌ nchka tiꞌ neꞌ chaꞌ chkwiꞌ nten chaꞌ ꞌin neꞌ chaꞌ kti ꞌa ngiꞌni neꞌ. Kwiꞌ nxiin neꞌ kanꞌ piyun nu tnun ꞌa su, chaꞌ ñaꞌan nten ꞌin neꞌ.

SAN MATEO 23:6

Bra nu ndaꞌan neꞌ kanꞌ ska taꞌa, xkwiꞌ nan nchka tiꞌ neꞌ tyukwa neꞌ seꞌen suꞌwe la ñaꞌan. Loꞌo niꞌ lyaa, ti kwiꞌ ti chaꞌ, nchka tiꞌ neꞌ kanꞌ tyukwa neꞌ seꞌen nu suꞌwe la ñaꞌan.

SAN MATEO 24:51

Lye ꞌa ta xꞌnan yu nu tiꞌí ꞌin yu kanꞌ bra kanꞌ, sa ñaꞌan yaꞌ nu kaja yu. Kulo xꞌnan yu tñan ꞌin yu, chaꞌ tsaa yu lo jwlyaa seꞌen ja tyii chaꞌ tyijin neꞌ nu tiꞌí. Lye ꞌa xiꞌya neꞌ, kwiꞌ lye ꞌa ku liꞌya neꞌ chaꞌ kasinꞌ tiꞌ neꞌ. Suꞌwa ti tsaa yu loꞌo neꞌ kwiñi nu tukwa chaꞌ nka tiye ―ndukwin Jesús―.

SAN MATEO 5:18

Chañi chaꞌ nchkwiǐnꞌ loꞌo wan ni, chaꞌ ja ska chaꞌ nu ngwaꞌan ayman sꞌni chaꞌ ꞌin Ndiose, ja ka kuꞌni tyii nten chaꞌ kanꞌ sa ñaꞌan bra nu tsaa tii chalyuu; chañi chaꞌ ka nchga chaꞌ nu ndukwa lo kityi ꞌin Ndiose nu ngwa sꞌni.

SAN MATEO 6:16

’Xka chaꞌ ni: Bra nu tiya tsan ꞌwan chaꞌ ja ku wan chunꞌ ngiꞌni tnun wan ꞌin Ndiose, ja suꞌwe si xkwiꞌ chaꞌ xiꞌin tiye wan, sa ñaꞌan ngiꞌni nten nu tukwa chaꞌ nsuꞌwi tiye. Nchka tiꞌ neꞌ kanꞌ, chaꞌ ñaꞌan nten ꞌin neꞌ chaꞌ xkwiꞌ ngiꞌni kti neꞌ, chunꞌ ja nchku neꞌ tsan kanꞌ. Chañi chaꞌ nchkwiǐnꞌ loꞌo wan: Wa lka mjwi chaꞌ ꞌin neꞌ, sa kwa ti chaꞌ suꞌwe nu ta Ndiose ꞌin neꞌ nde loo la.

SAN MATEO 6:3

Loꞌo ꞌwan ni, bra nu ta wan ska xuꞌwe ꞌin neꞌ tiꞌi, ta wan ran mnan ti, chaꞌ ja ka biyaꞌ tiꞌ xka la nten; ni siya neꞌ taꞌa wan, ja ka biyaꞌ tiꞌ neꞌ sa ñaꞌan tñan ngiꞌni wan.

SAN MATEO 6:5

’Xka chaꞌ ni: Bra nu chkwiꞌ wan loꞌo Ndiose, ja kuꞌni wan sa ñaꞌan nu ngiꞌni nten nu tukwa chaꞌ nsuꞌwi tiye. Nduun neꞌ kwiñi kanꞌ seꞌen ndiꞌin nten niꞌ lyaa ꞌin neꞌ judío taꞌaan, chaꞌ nchka tiꞌ neꞌ chkwiꞌ neꞌ loꞌo Ndiose bra nu ñaꞌan nten ꞌin neꞌ; ti kwiꞌ ti chaꞌ, nduun neꞌ jluꞌwe tuwiin chaꞌ chkwiꞌ neꞌ loꞌo Ndiose. Chañi chaꞌ nchkwiǐnꞌ loꞌo wan: Nchga chaꞌ suꞌwe nu kaja ꞌin neꞌ kanꞌ nde loo la seꞌen ndiꞌin Ndiose, wa lka mjwi chaꞌ kanꞌ ꞌin neꞌ lo chalyuu ni, chaꞌ wa naꞌan nten chalyuu ꞌin neꞌ.

SAN MATEO 7:5

¡Neꞌ kwiñi lka wan! Kulo la tyoꞌo mti tnun nu nsuꞌwi kiloo ykwiꞌ wan, bra kanꞌ ka ñaꞌan suꞌwe wan chaꞌ kulo wan yuu kata nu nsuꞌwi kiloo taꞌa nten wan.

SAN MARCOS 12:39

Ndiya tiꞌ mstru kanꞌ tyukwa lo yka xlya suꞌwe xa nu ndaꞌan neꞌ niꞌ lyaa, kwiꞌ ngwañaꞌan tyukwa neꞌ kanꞌ seꞌen suꞌwe la xa nu nchka taꞌa,

SAN MARCOS 7:6

Mxkwen Jesús ꞌin neꞌ kanꞌ bra kanꞌ: ―Chañi ꞌa chaꞌ nu ykwiꞌ ayman Isaías ꞌwan nu ngwa sꞌni, chaꞌ nten nu tukwa chaꞌ nsuꞌwi tiye lka wan. Wa ngwaꞌan yu kula kanꞌ chaꞌ re lo kityi ꞌin Ndiose: Ngiꞌni tnun nten re ꞌñaǎn chaꞌ nchkwiꞌ ti neꞌ, ndukwin Ndiose, siꞌi tyukwi ti tiye neꞌ ngiꞌni tnun neꞌ ꞌñaǎn.

SAN LUCAS 11:41

Si tyukwi ti tiye wan ta wan nchga chaꞌ suꞌwe nu nsuꞌwi ꞌwan chaꞌ tayaꞌ wan ꞌin neꞌ tiꞌi, bra kanꞌ tukwa Ndiose tñan nu ngiꞌni wan chaꞌ luwi kasiya ꞌwan.

SAN LUCAS 11:43

’¡Tꞌnan ꞌa ꞌwan, neꞌ fariseo! Ndiya ꞌa tiꞌ wan tyukwa wan lo yka seꞌen suꞌwe la niꞌ lyaa, loꞌo ndiya ꞌa tiꞌ wan chaꞌ kuꞌni tnun nten ꞌwan bra nu nduun wan lo kiyaꞌ.

SAN LUCAS 12:33

Ja kuwe tiꞌ wan, kujwiꞌ wan nan nu nsuꞌwi ꞌwan chaꞌ ta wan tñi ꞌin nten nu tiꞌi. Loꞌo kanꞌ ja ka kasun kwijin seꞌen nsuꞌwi tñi ꞌwan, ja ka tyii nan nu mstya seꞌen wan seꞌen ndiꞌin Ndiose nde niꞌ kwan; nde kanꞌ ja ka ꞌa kuꞌni neꞌ kunan tñi ꞌwan, ja ka ku kwisunꞌ ꞌin ran.

SAN LUCAS 12:56

¡Kwiñi ꞌa ꞌwan! Nchka biyaꞌ tiꞌ wan ska nan nu ñaꞌan wan nde niꞌ kwan; wa nsuꞌwi lyo wan chaꞌ kanꞌ. ¿Ni chaꞌ lka ja ndii ꞌa tiꞌ wan siyaꞌ ti nan ka nu nchka ꞌwan lo chalyuu re ni? ―ndukwin Jesús ꞌin neꞌ.

SAN LUCAS 13:15

―Kwiñi ꞌa wan ―ndukwin Jesús ꞌin nu lka ndloo la niꞌ lyaa kanꞌ bra kanꞌ―. Nchga wan loꞌo taꞌa wan xtiꞌ wan kuta msu ꞌwan, buru ꞌwan, chaꞌ tsaa loꞌo wan ꞌin iꞌ chaꞌ koꞌo iꞌ tyiꞌa, tsan taꞌa ―ndukwin yu―.

SAN LUCAS 20:46

―Chaꞌ tiya ꞌa tiꞌ tyiꞌin wan chaꞌ ja kwiñi lyoꞌo mstru nu nduꞌu chaꞌ joꞌo kwa ꞌwan. Ndiya ꞌa tiꞌ mstru kanꞌ, chaꞌ ka tlyu neꞌ; kanꞌ chaꞌ nchkuꞌ neꞌ teꞌ tukwin kuꞌ, teꞌ jwñun ni, chaꞌ lye ꞌa kuꞌni tnun nten ꞌin neꞌ bra nu tsaa neꞌ lo kiyaꞌ, ngwañaꞌan nchka tiꞌ mstru kanꞌ. Xkwiꞌ lo yka xlya nu suꞌwe la ñaꞌan ndyukwa neꞌ kanꞌ niꞌ lyaa ꞌin neꞌ, ndukwa neꞌ seꞌen suꞌwe la chaꞌ ndaꞌan neꞌ taꞌa.

SAN LUCAS 6:24

’Tꞌnan ꞌa ꞌwan neꞌ kuliyaꞌ; suꞌwe ꞌa ngwa tiye wan nu ngwa sꞌni la; nu ka nde loo la, ja ka ꞌa suꞌwe ka tiye wan bra kanꞌ ―ndukwin―.

SAN LUCAS 6:42

¿Ni chaꞌ lka tnun ꞌa tiye wan chaꞌ chkwiꞌ wan loꞌo taꞌa nten wan a?: “Taa chabiyaꞌ kuloǔn yuu nu nsuꞌwi kiloo” nchkwin wan ꞌin neꞌ, loꞌo kanꞌ ja ñaꞌan wan mti tnun nu nsuꞌwi kiloo ykwiꞌ wan. ¡Nan kwiñi ꞌa wan! Kulo ndukwa la ndiꞌin chaꞌ kulo wan mti tnun nu nsuꞌwi kiloo ykwiꞌ wan, bra kanꞌ ka ñaꞌan suꞌwe wan chaꞌ kulo wan kata yuu nu nsuꞌwi kiloo taꞌa nten wan.

SAN JUAN 13:29

Ti kwiꞌ Juda ngwa nu ngwiꞌya kwijin tñi seꞌen nu ska tlyu ti nsuꞌwi tñi ꞌin taꞌa neꞌ; kanꞌ chaꞌ ndiya neꞌ kanꞌ nu mskeꞌ tiꞌ chaꞌ wa ngulo Jesús tñan ꞌin yu, chaꞌ tsaa yu xiꞌi yu ska nan nu kunanjoꞌo ꞌin neꞌ chaꞌ ka taꞌa. Loꞌo xka ta neꞌ mskeꞌ tiꞌ neꞌ chaꞌ ndiya ska tñan ꞌin Juda, chaꞌ tsaa loꞌo yu lomstan chaꞌ ta yu ꞌin neꞌ tiꞌi.

SAN JUAN 5:41

’Ja nchka tiǎnꞌ chaꞌ kuꞌni tnun nten ꞌñaǎn, ti ykwiǐnꞌ tiǎn ―ndukwin Jesús ꞌin neꞌ―.

SAN JUAN 5:44

Kanꞌ chaꞌ ja ka xñi wan chaꞌ ꞌin Ndiose ―ndukwin Jesús ꞌin neꞌ―. Ndloo la chaꞌ ꞌwan chaꞌ suꞌwe ti chkwiꞌ nten ꞌwan, loꞌo ja ndloo ꞌa chaꞌ ꞌwan chaꞌ kuꞌni suꞌwe Ndiose loꞌo wan.

SAN JUAN 7:18

Ska nten nu xkwiꞌ nchkwiꞌ chaꞌ ꞌin ti ykwiꞌ ti loꞌo nten, ngiꞌni yu chaꞌ ka tlyu la yu, ti ykwiꞌ ti yu. Xka ñaꞌan ngiꞌniǐn, chaꞌ tyukwi ti tiyeěn ngiꞌniǐn tnuǔn ꞌin Ndiose nu nka Xꞌnaǎn, kanꞌ nu ngwaꞌan tñan ꞌñaǎn chaꞌ kaǎn lo chalyuu. Loꞌo ja nsuꞌwi chaꞌ kwiñi ꞌñaǎn siyaꞌ ti.

LOS HECHOS 10:2

Ngiꞌni tnun Cornelio kanꞌ ꞌin Ndiose nu tlyu la ti loꞌo nchga taꞌa ndiꞌin yu, ni siya neꞌ xka laꞌa tsuꞌ lka yu. Suꞌwe ꞌa tiye yu, ndayaꞌ ꞌa yu ꞌin neꞌ judío nu tiꞌi. Nchga tsan ndiꞌin yu nchkwiꞌ yu loꞌo Ndiose.

LOS HECHOS 10:31

Ykwiꞌ yu kanꞌ loꞌoǔn: “Cornelio” ndukwin yu, “wa ynan Ndiose chaꞌ nu ykwiiꞌ loꞌo Ni, wa naꞌan Ni chaꞌ suꞌwe ꞌa ngiꞌnii loꞌo neꞌ tiꞌi; kanꞌ chaꞌ ndyuꞌwi tiꞌ Ndiose ꞌiin.

LOS HECHOS 10:4

Ytsen ꞌa Cornelio chaꞌ naꞌan yu ꞌin angajle kanꞌ. ―Xꞌnaǎn ―ndukwin yu―, ¿ni sa ñaꞌan tñan nchka tiiꞌ chaꞌ kuꞌniǐn a? ―Wa ynan Ndiose chaꞌ nu wa ykwiiꞌ loꞌo Ni ―ndukwin angajle kanꞌ―. Kwiꞌ ngwañaꞌan, wa naꞌan Ni chaꞌ suꞌwe ꞌa ngiꞌnii loꞌo neꞌ tiꞌi, kanꞌ chaꞌ ndyuꞌwi tiꞌ Ndiose ꞌiin.

LOS HECHOS 11:29

Loꞌo mskanꞌ nten ꞌin Jesús chaꞌ loꞌo taꞌa neꞌ chaꞌ ta neꞌ lomstan ꞌin taꞌa tiꞌi ti neꞌ, neꞌ nu ndiꞌin kichen nde lo yuu ꞌin Judea.

LOS HECHOS 24:17

’Tyun yijan mdaꞌaǎn kichen xka laꞌa tsuꞌ; nu ngwa xkanꞌ ti ngalaǎn kichen Jerusalén re xiyaꞌ, chaꞌ taǎn ska lomstan ꞌin neꞌ tiꞌi nde re nu tayaꞌ chinꞌ ꞌin neꞌ, ti kwiꞌ lomstan nu mda neꞌ tijyuꞌ chaꞌ kan seꞌen ndiꞌin neꞌ tiꞌi re lka kanꞌ. Loꞌoǔn ni, ngwa tiyeěn taǎn ska lomstan ꞌin Ndiose.

LOS HECHOS 9:36

Nde kichen Jope ndiya ska nu kunaꞌan nu naan Tabita, kwiꞌ nten ꞌin Jesucristo lka kanꞌ. Dorcas nchkwiꞌ neꞌ griego ꞌin nu kunaꞌan kanꞌ. Suꞌwe ꞌa tiye nu kunaꞌan kanꞌ, suꞌwe ꞌa mdayaꞌ ꞌin nchga neꞌ tiꞌi.

ROMANOS 12:8

Xa nu chkwiꞌ wan ska chaꞌ loꞌo ska nten chabiyaꞌ ꞌin Ndiose, tyukwi ti tiye wan chkwiꞌ wan chaꞌ kanꞌ sikwa. Xa nu ta wan ska chaꞌ suꞌwe ꞌin nten, tyukwi ti tiye wan ta wan chaꞌ suꞌwe kanꞌ ꞌin neꞌ sikwa. Ni siya lka wan ndloo ꞌin neꞌ taꞌa wan, kiꞌya wan kwenta chaꞌ suꞌwe ti kuꞌni wan sikwa. Xa nu chka tꞌnan tiꞌ wan ꞌin nten nu tiꞌí ti ndiꞌin lo chalyuu, suꞌwe ti ka tiye wan laja nu kuꞌni wan tñan kanꞌ chaꞌ ꞌin neꞌ bra kanꞌ.

1 CORINTIOS 13:3

Ti kwiꞌ ti chaꞌ, ja ska chaꞌ suꞌwe ngiꞌnian ni siya kutsaan nchga chaꞌ suꞌwe nu nsuꞌwi ꞌñaan ꞌin nten, si ja suꞌwe nka tiyean ñaꞌaan ꞌin neꞌ kanꞌ bra kanꞌ. Ja nꞌni chaꞌ ni siya tiꞌí tiꞌ nten ꞌñaan, ni siya suꞌwa neꞌ ꞌñaan lo kiiꞌ chaꞌ kajaan chunꞌ nu msñian chaꞌ ꞌin Jesús, loꞌo ti kwiꞌ bra kanꞌ ja suꞌwe nka tiyean ñaꞌaan ꞌin taꞌa ntean, ja ska chaꞌ lka. Siꞌi nan suꞌween laan chaꞌ ngiꞌnian ngwañaꞌan.

GÁLATAS 2:10

Sa kanꞌ ti chaꞌ ykwiꞌ neꞌ loꞌo ba, nu mjñan neꞌ ꞌwa chaꞌ nchga bra tyuꞌwi tiꞌ ba nan lka nu lyiji ꞌin yu tiꞌi taꞌaan nu nganun nde Judea. Ti kwiꞌ ti chaꞌ nu lye ꞌa ngiꞌniǐn chaꞌ ka tñan kanꞌ.

EFESIOS 4:28

ꞌWan nu yꞌni wan kunan nan nu nsuꞌwi ꞌin nten ti ngwa xkanꞌ, ndiꞌin chaꞌ kulaa yaꞌ wan ꞌin chaꞌ kuxi kanꞌ ni. Kunaan wan tñan suꞌwe la nu kuꞌni wan; suꞌwe la si kuꞌni wan tñan loꞌo yaꞌ wan, chaꞌ ngwañaꞌan kaja chinꞌ nan nu ta wan ꞌin taꞌa wan nu lyiji nan ꞌin.

1 TESALONICENSES 2:6

Ja nchka tiꞌ ba chaꞌ kuꞌni tnun wan ꞌwa, ni siya chabiyaꞌ ꞌin Jesucristo yaa ba seꞌen ndiꞌin wan; ni siya yuꞌwi chabiyaꞌ ꞌwa chaꞌ ka ba ndloo ꞌwan, ja ykwiꞌ ba chaꞌ tnun ꞌa loꞌo wan, loꞌo ja yꞌni siyeꞌ ba chaꞌ lka ba ndloo ꞌin xka ta nten.

1 TIMOTEO 6:18

Nde ndiya tñan nu kuloo ꞌin neꞌ kuliyaꞌ kanꞌ: Xkwiꞌ chaꞌ suꞌwe kuꞌni neꞌ lo chalyuu; chka tꞌnan tiꞌ neꞌ ꞌin xka ta nten, tyuꞌwi tiꞌ neꞌ ꞌin nu tiꞌi, ta neꞌ nan nu lyiji ꞌin nu tiꞌi kanꞌ.

FILEMÓN 1:7

Suꞌwe ꞌa nka tiyeěn ni, ngula tiꞌ niꞌ kasiya ꞌñaǎn chunꞌ nuꞌwin, chaꞌ wa ynaǎn chaꞌ suꞌwe ꞌa nka tiyee ñaꞌaan ꞌin neꞌ taꞌaan, chaꞌ ndayaaꞌ ꞌa ꞌin neꞌ taꞌaan chaꞌ talo neꞌ ꞌin nu tiꞌí. Loꞌo chañi chaꞌ lkaan taꞌaan chunꞌ Jesucristo.

HEBREOS 13:16

Loꞌo ja ka ndaja tiꞌ wan kuꞌni wan nchga chaꞌ suꞌwe, chaꞌ ngwañaꞌan tayaꞌ wan ꞌin taꞌa nten wan; kanꞌ lka tñan nu ndiya tiꞌ Ni chaꞌ kuꞌnian chaꞌ ꞌin Ni.

1 SAN PEDRO 4:11

Kwaꞌu wan chaꞌ ꞌin Ndiose ꞌin nten, si kanꞌ lka tñan nu wa nda Ni ꞌwan chaꞌ kuꞌni wan; kwaꞌu wan nchga chaꞌ nu nchka tiꞌ Ni chkwiꞌ Ni loꞌo neꞌ. Kwiꞌ ngwañaꞌan, tayaꞌ wan ꞌin taꞌa nten wan loꞌo tyukwi jwersa nu nda Ni ꞌwan, si kanꞌ lka tñan nu wa nda Ni ꞌwan chaꞌ kuꞌni wan. Bra nu ñaꞌan nten chaꞌ suꞌwe nu ngiꞌni wan, bra kanꞌ kuꞌni tnun neꞌ ꞌin Ndiose chabiyaꞌ ꞌin Jesucristo. Loꞌo bra kanꞌ ja tsaa tii ꞌa chaꞌ kuꞌni tnun nten ꞌin Krixtu kanꞌ, chaꞌ Krixtu lka ndloo siyaꞌ ti. Ngwañaꞌan ka sikwa.