SAN MATEO 5:32 - Chatino Zona Alta Occidental

³² Loꞌo ni, kaꞌan la chaꞌ chkwiǐnꞌ loꞌo wan: Chaꞌ kuxi ngiꞌni ska yu kiꞌyu loꞌo kwilyoꞌo yu bra nu kulaa tiꞌin yu ꞌin kwilyoꞌo yu, loꞌo ja ndukwi nu kunaꞌan kanꞌ kiꞌya. Chunꞌ ndiꞌin bra nu kaja kwilyoꞌo nu kunaꞌan kanꞌ loꞌo xka nten, ngiꞌni yu kanꞌ chaꞌ ndukwi nu ngwa kunaꞌan ꞌin yu kiꞌya bra kanꞌ. Kwiꞌ ngwañaꞌan, loꞌo xka nten kanꞌ ndukwi kiꞌya, chaꞌ kwilyoꞌo xka yu kiꞌyu kanꞌ lka nu kunaꞌan kanꞌ, ni siya tlyu la kiꞌya ndukwi yu kiꞌyu kanꞌ nu ngwa kwilyoꞌo ti kulo.

SAN MATEO 5:32 Iomraidhean Croise

SAN MATEO 5:28

Loꞌo ni, kaꞌan la chaꞌ chkwiǐnꞌ loꞌo wan: Ni siya ñaꞌan kwiꞌya ska yu kiꞌyu ꞌin ska nu kunaꞌan, loꞌo bra kanꞌ xitukwi tiꞌ yu ꞌin nu kunaꞌan kanꞌ, suꞌwa ndiꞌin chaꞌ kanꞌ loꞌo yu sa ñaꞌan si wa lka yꞌni yu ska chaꞌ nu kuxi loꞌo nu kunaꞌan kanꞌ, ni siya tiye ti yu nsuꞌwi chaꞌ kuxi kanꞌ.

SAN LUCAS 16:18

Ti nchkwiꞌ la Jesús loꞌo neꞌ bra kanꞌ: ―Bra nu ngulo ska nten kityi chaꞌ kulaa tiꞌin yu ꞌin kwilyoꞌo yu, chaꞌ xiyaꞌ kaja kwilyoꞌo yu loꞌo xka neꞌ kunaꞌan, chaꞌ kuxi ngiꞌni yu kanꞌ bra kanꞌ. Kwiꞌ ngwañaꞌan, si kaja kwilyoꞌo ska yu kiꞌyu loꞌo ska nu kunaꞌan nu wa ngulaa tiꞌin ꞌin kwilyoꞌo loꞌo kityi, ti kwiꞌ ti chaꞌ kuxi ngiꞌni yu kiꞌyu kanꞌ bra kanꞌ.

SAN LUCAS 9:30

Bra kanꞌ mdoꞌo tukwa tyukwa yu kiꞌyu nde seꞌen nduun Jesús, mduun ti neꞌ kanꞌ ykwiꞌ neꞌ loꞌo Jesús; ayman Moisés loꞌo ayman Elías nu yuꞌwi lo chalyuu sꞌni ngwa neꞌ kanꞌ.

SAN LUCAS 9:35

Bra kanꞌ ynen tyiꞌi ska nten, bra ti ngwa biyaꞌ tiꞌ neꞌ chaꞌ Ndiose lka nu nchkwiꞌ laja koo kanꞌ: ―Ti kwiꞌ yu re lka Sñiěnꞌ; ndiya ꞌa tiǎnꞌ ꞌin yu ―ndukwin Ni―. Seen tyuun wan chaꞌ kunan wan nchga chaꞌ nu chkwiꞌ yu re loꞌo wan ―ndukwin Ni.

ROMANOS 7:3

Nde ñaꞌan lka chaꞌ re. Si tyiꞌin chaꞌ ꞌin nu kunaꞌan kanꞌ loꞌo xka nu kiꞌyu bra nu ti luꞌu kwilyoꞌo, chaꞌ kuxi ngiꞌni nu kunaꞌan kanꞌ bra kanꞌ. Xa wa ngujwi kwilyoꞌo nu kunaꞌan kanꞌ, ja tatsaa ꞌa chaꞌ kula ꞌin neꞌ; ka kaja kwilyoꞌo nu kunaꞌan kanꞌ xiyaꞌ loꞌo xka yu kiꞌyu; siꞌi chaꞌ chen ñaꞌan kuꞌni neꞌ bra kanꞌ, chunꞌ nu ja luꞌu ꞌa nu ngwa kwilyoꞌo nu kunaꞌan kanꞌ.

1 CORINTIOS 7:4

Kanꞌ chaꞌ ja ka kulo ska nu kunaꞌan tñan ꞌin ti ykwiꞌ ti bra nu wa mjwi kwilyoꞌo, chaꞌ nu kiꞌyu, kanꞌ nka ndloo ꞌin; kwiꞌ ngwañaꞌan nu kiꞌyu, siꞌi ti ykwiꞌ ti yu nu kulo tñan ꞌin yu bra nu wa mjwi kwilyoꞌo, chaꞌ nu kunaꞌan, kanꞌ nka ndloo ꞌin yu bra kanꞌ.