SAN MATEO 5:21 - Chatino Zona Alta Occidental

²¹ ’Wa ynan wan sa ñaꞌan nu ngulo Ndiose tñan ꞌin ayman nu ngwa sꞌni. Nchkwiꞌ Ni chaꞌ re: “Ja kujwi wan ꞌin taꞌa nten wan” ndukwin Ndiose. “Bra nu kujwi neꞌ ꞌin taꞌa nten neꞌ, ndiꞌin chaꞌ tsaa neꞌ niꞌ ñaꞌan chkwan chaꞌ kuꞌni biyaꞌ wse ꞌin neꞌ bra kanꞌ.”

SAN MATEO 5:21 Iomraidhean Croise

SAN MATEO 5:27

’Wa ynan wan sa ñaꞌan tñan ngulo Ndiose ꞌin ayman taꞌaan sꞌni. Nchkwiꞌ Ni chaꞌ re: “Ja kuꞌni wan chaꞌ kuxi loꞌo kwilyoꞌo xka nten” ndukwin Ndiose bra kanꞌ.

SAN MATEO 5:33

’Xka chaꞌ ni, wa ynan wan sa ñaꞌan tñan nu ngulo Ndiose ꞌin ayman sꞌni. Nchkwiꞌ Ni chaꞌ re: “Ja suꞌwe chkwiꞌ wan loꞌo Ndiose chaꞌ kuꞌni wan ska tñan, loꞌo chaꞌ kwiñi nchkwiꞌ wan. Ndiꞌin chaꞌ kuꞌni ji wan sa ñaꞌan nu ndukwin wan ꞌin Ndiose chaꞌ kuꞌni wan.”

SAN MATEO 5:38

’Loꞌo wa ynan wan chaꞌ re nu ykwiꞌ ayman sꞌni: “Ska nten xaꞌan ni, bra nu mchu yu kiloo taꞌa yu, ndiꞌin chaꞌ kulo neꞌ wsiya kiloo ykwiꞌ yu chaꞌ ka tiin kiꞌya ꞌin yu bra kanꞌ. Kwiꞌ ngwañaꞌan, bra nu mstun yu ska liꞌya taꞌa yu, bra kanꞌ ndiꞌin chaꞌ kulo neꞌ wsiya liꞌya ykwiꞌ yu, chaꞌ ka tiin kiꞌya nu ndukwi yu.” Ngwañaꞌan ykwiꞌ neꞌ nu ngwa sꞌni.

SAN MATEO 5:43

’Wa ynan wan chaꞌ re nu ykwiꞌ ayman sꞌni: “Suꞌwe kuꞌni wan loꞌo taꞌa wan, loꞌo ñaꞌan tiꞌí wan ꞌin nten nu nxuun loꞌo wan.”

1 SAN JUAN 3:15

Sa ñaꞌan lka nten nu ndujwi ꞌin taꞌa nten, ngwañaꞌan lkaan si tiꞌí tianꞌ ꞌin taꞌa ntean. Jlyo tiꞌ wan chaꞌ ja kaja chalyuu kwi kanꞌ ꞌin nten nu kujwi ꞌin taꞌa nten, ti kwiꞌ taꞌa chaꞌ lka si tiꞌí ꞌa tianꞌ ꞌin taꞌa ntean.