SAN MATEO 3:2 - Chatino Zona Alta Occidental

² ―Ka jyuꞌu tiꞌ wan ―ndukwin Xuwa ꞌin neꞌ―, kulaa yaꞌ wan chaꞌ kuxi nu ngiꞌni wan ―ndukwin yu―. Wa tyisnan ti chaꞌ ka Ndiose ndloo la niꞌ kasiya ꞌin nten chalyuu.

SAN MATEO 3:2 Iomraidhean Croise

SAN MATEO 10:7

Katsaꞌ wan ꞌin nten nchga kichen chaꞌ wa tiya ti bra chaꞌ ka Ndiose ndloo la.

SAN MATEO 11:20

Lye ꞌa ykwiꞌ Jesús chaꞌ ꞌin neꞌ kichen seꞌen taꞌa ti ndaꞌan yu, chaꞌ kaꞌan ꞌa chaꞌ tnun wa yꞌni yu seꞌen ndiꞌin neꞌ kichen kanꞌ, loꞌo ja mjyuꞌu tiꞌ neꞌ ꞌin chaꞌ kuxi nu ndiꞌin niꞌ kasiya ꞌin neꞌ; ja ngulaa yaꞌ neꞌ chaꞌ kuxi kanꞌ.

SAN MATEO 12:41

Bra nu tiya tsan nu kuꞌni biyaꞌ Ndiose ꞌin nchga nten, xtya ayman neꞌ Nínive kiꞌya ꞌwan nu ndiꞌin wan lo chalyuu ni bra kanꞌ. Katsaꞌ ayman kanꞌ nchga chaꞌ nu wa ynan neꞌ, xa nu ykwiꞌ ayman Jona loꞌo neꞌ nu ngwa sꞌni, loꞌo bra kanꞌ mjyuꞌu tiꞌ neꞌ ꞌin nchga chaꞌ kuxi nu yꞌni neꞌ; ngulaa yaꞌ neꞌ chaꞌ kuxi kanꞌ chunꞌ wa yten neꞌ chaꞌ ꞌin Ndiose. Loꞌo ja suꞌwa chaꞌ nu ngwaꞌu ayman Jona kanꞌ ꞌin neꞌ sꞌni loꞌo chaꞌ nu nduꞌuǔn ꞌwan ni; tlyu la chaꞌ ꞌin Ndiose lka nu nduꞌuǔn ꞌwan ni, loꞌo ja nnan ꞌa wan chaꞌ re siyaꞌ ti.

SAN MATEO 13:11

Mxkwen Jesús ꞌin neꞌ bra kanꞌ: ―Wa mda Ndiose chabiyaꞌ ꞌwan chaꞌ ka biyaꞌ tiꞌ wan ska chaꞌ nu yuꞌwi kutsiꞌ ꞌin ayman sꞌni, sa ñaꞌan ka xa nu ka Ndiose ndloo la niꞌ kasiya ꞌin nten. Nten nu ja msñi chaꞌ ꞌin Ndiose ni, ja kiꞌya neꞌ kwenta bra nu kunan neꞌ ska chaꞌ nu nchkwiǐnꞌ; tukwi ꞌa chaꞌ kanꞌ, xkeꞌ tiꞌ neꞌ.

SAN MATEO 13:24

Chunꞌ ndiꞌin la ngwaꞌu Jesús xka chaꞌ tiya ꞌin neꞌ: ―Chkwiǐnꞌ xka chaꞌ loꞌo wan, chaꞌ ka biyaꞌ tiꞌ wan sa ñaꞌan ka xa nu lka Ndiose ndloo niꞌ kasiya ꞌin nten ―ndukwin Jesús ꞌin neꞌ―. Sa ñaꞌan lka ska nten nu yta xkwiꞌ mta suꞌwe lo jyan trigu ꞌin yu, ngwañaꞌan lka Ndiose.

SAN MATEO 13:31

Kwiꞌ ngwañaꞌan ngwaꞌu Jesús xka chaꞌ tiya, ñaꞌan tiꞌ ska nkwin ti: ―Xka chaꞌ chkwiǐnꞌ loꞌo wan, sa ñaꞌan ka xa nu lka Ndiose ndloo la niꞌ kasiya ꞌin nten ―ndukwin Jesús ꞌin neꞌ―. Sa ñaꞌan lka ska mta xuwe ꞌa nu yta ska nten niꞌ lyoꞌoo ꞌin yu, ngwañaꞌan ka chaꞌ kanꞌ.

SAN MATEO 13:33

Kwiꞌ ngwañaꞌan ngwaꞌu Jesús xka chaꞌ tiya ꞌin neꞌ: ―Xka chaꞌ chkwiǐnꞌ loꞌo wan, sa ñaꞌan ka bra nu lka Ndiose ndloo la niꞌ kasiya ꞌin nten ―ndukwin Jesús ꞌin neꞌ―. Ñaꞌan tiꞌ ska nguluꞌ jyaꞌan skwan, nu xñi ska nu kunaꞌan chaꞌ suꞌwa ꞌin ran lo snan skaꞌ kata jaxlya; xtiyaaꞌ ꞌin ran bra kanꞌ, chaꞌ sa tlyu ti skwen nchga skwan kanꞌ, ngwañaꞌan ka tñan ꞌin Ndiose bra kanꞌ.

SAN MATEO 13:47

―Loꞌo xka chaꞌ chkwiǐnꞌ loꞌo wan ni, sa ñaꞌan ka xa nu lka Ndiose ndloo niꞌ kasiya ꞌin nten ―ndukwin Jesús―. Sa ñaꞌan lka ska katan tnun nu nduguun nten lo tyiꞌa tujoꞌo chaꞌ xñi kula, chaꞌ kanun nchga loo kula niꞌ katan kanꞌ, ngwañaꞌan lka chaꞌ kanꞌ.

SAN MATEO 13:52

Kanꞌ ngwaꞌu Jesús xka chaꞌ ꞌin neꞌ nu ngiꞌni xaꞌan chaꞌ ꞌin yu: ―Ska mstru nu nduꞌu chaꞌ joꞌo ni, xa wa msñi yu chaꞌ ꞌñaǎn, xa wa yꞌni xaꞌan yu sa ñaꞌan ka bra nu lka Ndiose ndloo niꞌ kasiya ꞌin nten ―ndukwin Jesús―, lka yu kanꞌ sa ñaꞌan lka ska nu kuliyaꞌ nu nsuꞌwi ꞌa chaꞌ suꞌwe nu ndiꞌin niꞌ ñaꞌan tyi yu, ngwañaꞌan lka mstru kanꞌ. Loꞌo ni, nsuꞌwi ꞌa chaꞌ suꞌwe nu ka kwaꞌu yu ꞌin nten, ni siya chaꞌ nu kula, ni siya chaꞌ nu kwi.

SAN MATEO 18:23

’Chkwiǐnꞌ xka chaꞌ loꞌo wan, chaꞌ ka biyaꞌ tiꞌ wan sa ñaꞌan ka bra nu lka Ndiose ndloo niꞌ kasiya ꞌin nten: Chkwiǐnꞌ chaꞌ ꞌin ska ree nu ngwa tiꞌ kuꞌni tyii tneꞌ nu ndukwi msu ꞌin yu.

SAN MATEO 20:1

’Xka chaꞌ tiya chkwiǐnꞌ loꞌo wan ni, chaꞌ ka biyaꞌ tiꞌ wan sa ñaꞌan ka xa nu lka Ndiose ndloo niꞌ kasiya ꞌin nten. Wa mdiya ska xꞌnan msu. Ngwa ska tsan nde tlya mdoꞌo yu ndyaa yu lo kiyaꞌ chaꞌ tsaa naan yu msu, si xlyaa neꞌ kuꞌni neꞌ tñan niꞌ lyoꞌoo ꞌin yu seꞌen yta yu yka chi kutun.

SAN MATEO 22:2

―Chkwiǐnꞌ xka chaꞌ loꞌo wan chaꞌ ka biyaꞌ tiꞌ wan sa ñaꞌan lka bra nu ka Ndiose ndloo niꞌ kasiya ꞌin nten ―ndukwin Jesús bra kanꞌ―. Ngwa ska tsan ngwa taꞌa mjwi kwilyoꞌo sñiꞌ ree. Yꞌni ree taꞌa bra kanꞌ.

SAN MATEO 23:13

’¡Tꞌnan ꞌa ꞌwan mstru nu nduꞌu chaꞌ joꞌo, loꞌo ꞌwan neꞌ fariseo, chaꞌ tukwa chaꞌ ndaꞌan tiye wan! Nan ndukunꞌ ti wan tuwiin ꞌin nten, chaꞌ ja ka sten neꞌ chaꞌ ꞌin Ndiose, chaꞌ ja ka Ndiose ndloo la niꞌ kasiya ꞌin neꞌ. ꞌWan ti ykwiꞌ ti wan, ja xlyaa wan sten wan chaꞌ kanꞌ, loꞌo ja nda wan chabiyaꞌ chaꞌ sten xka la nten chaꞌ kanꞌ.

SAN MATEO 25:1

’Chkwiǐnꞌ ska chaꞌ tiya loꞌo wan chaꞌ ka biyaꞌ tiꞌ wan sa ñaꞌan ka bra nu ka Ndiose ndloo niꞌ kasiya ꞌin nten: Ndiya tii nu kunaꞌan kuneꞌ, ndyaa neꞌ naꞌan tyi ska nu kunaꞌan nu ka kuxiin ꞌin nten. Nsuꞌwi candil ꞌin taꞌa tii neꞌ, chaꞌ ndiꞌin ta neꞌ ꞌin nu kaja kwilyoꞌo neꞌ.

SAN MATEO 25:14

’Loꞌo ni, chkwiǐnꞌ ska chaꞌ tiya loꞌo wan, chaꞌ ka biyaꞌ tiꞌ wan sa ñaꞌan ka bra nu ka Ndiose ndloo niꞌ kasiya ꞌin nten: Ndiya ska yu kuliyaꞌ, loꞌo wa tsaa ti yu tijyuꞌ, kanꞌ chaꞌ msiꞌya yu ꞌin nchga msu ꞌin yu, chaꞌ kan neꞌ seꞌen ndiꞌin yu. Kanꞌ mxnun xꞌnan neꞌ chinꞌ tñi ꞌin nchga msu bra kanꞌ, chaꞌ kuꞌni neꞌ tñan loꞌo tñi chaꞌ ꞌin yu kuliyaꞌ kanꞌ.

SAN MATEO 4:17

Loꞌo mdyisnan ykwiꞌ Jesús loꞌo neꞌ nu ndaꞌan seꞌen ndiꞌin yu bra kanꞌ: ―Ka jyuꞌu tiꞌ wan ―ndukwin Jesús ꞌin neꞌ―, kulaa yaꞌ wan nchga chaꞌ kuxi nu ngiꞌni wan, chaꞌ wa tiya ti bra chaꞌ ka Ndiose ndloo niꞌ kasiya ꞌwan.

SAN MATEO 4:23

Ndyaa neꞌ nchga kichen nde lo yuu ꞌin Galilea loꞌo Jesús bra kanꞌ. Nchga kichen seꞌen mdaꞌan yu ngwaꞌu yu ꞌin nten niꞌ lyaa ꞌin neꞌ judío; ykwiꞌ yu loꞌo neꞌ sa ñaꞌan lka chaꞌ suꞌwe ꞌin Ndiose, chaꞌ wa ndla ti ka Ndiose ndloo la niꞌ kasiya ꞌin neꞌ. Kwiꞌ ngwañaꞌan, yꞌni yu joꞌó ꞌin nchga nu tiꞌí, nchga kicha nu ndiꞌin ꞌin neꞌ yꞌni Jesús chaꞌ nchkaa neꞌ.

SAN MATEO 5:10

’Kwiꞌ ngwañaꞌan, ka suꞌwe nka tiye nten nu talo tyiꞌin loꞌo taꞌa nten neꞌ, ni siya naꞌan tiꞌí nten kanꞌ ꞌin neꞌ, chunꞌ ngiꞌni neꞌ chaꞌ suꞌwe chaꞌ ꞌin Ndiose. Ka suꞌwe nka tiye neꞌ, chaꞌ ngwañaꞌan Ndiose lka ndloo la niꞌ kasiya ꞌin neꞌ.

SAN MATEO 5:3

―Ka suꞌwe nka tiye nten si jlyo tiꞌ neꞌ chaꞌ ja ka ꞌin neꞌ kuꞌni neꞌ ska chaꞌ suꞌwe, si ja loꞌo Ndiose ―ndukwin Jesús―. Ka Ndiose ndloo la niꞌ kasiya ꞌin neꞌ kanꞌ bra kanꞌ.

SAN MATEO 6:10

Kan nuꞌwin lo chalyuu re chaꞌ ka ndloo la ꞌwa. Kuꞌnii chaꞌ ka nchga chaꞌ nu nchka tiiꞌ chaꞌ ka lo chalyuu re; sa ñaꞌan nu ngiꞌnii nde seꞌen ndiꞌiin nde niꞌ kwan, ngwañaꞌan ka lo yuu re bra kanꞌ.

SAN MATEO 6:33

kanꞌ chaꞌ siꞌi chaꞌ kanꞌ tsaa naan wan. Suꞌwe la si ta wan chabiyaꞌ ꞌin Ndiose chaꞌ ka Ni ndloo niꞌ kasiya ꞌwan, suꞌwe la si kuꞌni wan nchga chaꞌ nu nchka tiꞌ Ndiose chaꞌ kuꞌni wan lo chalyuu re; bra kanꞌ ta Ni nchga nan nu lyiji chinꞌ ꞌwan.

SAN MARCOS 1:15

―Wa ndiya bra chaꞌ ka Ndiose ndloo niꞌ kasiya ꞌin nten ―ndukwin Jesús―. Ka jyuꞌu tiꞌ wan ꞌin nchga chaꞌ kuxi nu ndiꞌin ꞌwan; kulaa yaꞌ wan chaꞌ kuxi kanꞌ, chaꞌ ka xñi wan chaꞌ suꞌwe ꞌin Ndiose nu kulaa ꞌwan bra kanꞌ.

SAN MARCOS 1:4

Sa ñaꞌan chaꞌ nu ngwaꞌan Isaías kanꞌ, ngwañaꞌan ndyoꞌo tukwa Xuwa niꞌ kixinꞌ seꞌen ja ndiꞌin nten. Kanꞌ ykwiꞌ yu loꞌo nten chaꞌ ka jyuꞌu tiꞌ neꞌ ꞌin nchga chaꞌ kuxi nu ndiꞌin ꞌin neꞌ, chaꞌ kulaa yaꞌ neꞌ chaꞌ kuxi kanꞌ, chaꞌ ngwañaꞌan kuꞌni Ndiose chaꞌ tlyu tiꞌ ꞌin neꞌ kanꞌ. Bra kanꞌ tukwatya Xuwa ꞌin neꞌ kanꞌ, ndukwin.

SAN MARCOS 6:12

Kanꞌ mdoꞌo neꞌ ndyaa neꞌ nde tyun kichen. Ykwiꞌ neꞌ loꞌo nten kichen kanꞌ, chaꞌ ka jyuꞌu tiꞌ neꞌ kichen ꞌin nchga chaꞌ kuxi nu ngiꞌni neꞌ, chaꞌ kulaa yaꞌ neꞌ ꞌin chaꞌ kuxi kanꞌ bra kanꞌ.

SAN LUCAS 1:16

Kuꞌni yu chaꞌ xiyaꞌ ka suꞌwe kasiya ꞌin kaꞌan ꞌa neꞌ Israel, chaꞌ xiyaꞌ kunan neꞌ chaꞌ nu nchkwiꞌ Ndiose Xꞌnan neꞌ.

SAN LUCAS 11:20

Chabiyaꞌ ꞌin Ndiose ndloǔn ꞌin kwiꞌin kuxi nu wa msñi ꞌin nten, kanꞌ chaꞌ ka biyaꞌ tiꞌ wan chaꞌ wa ndiya tsan chaꞌ ka Ndiose ndloo niꞌ kasiya ꞌwan.

SAN LUCAS 13:3

siꞌi nan kuxi la yꞌni neꞌ kanꞌ. Kwiꞌ ngwañaꞌan ꞌwan ni, si ja ka jyuꞌu tiꞌ wan ꞌin nchga chaꞌ kuxi nu ngiꞌni wan, chaꞌ kulaa yaꞌ wan chaꞌ kuxi kanꞌ, ti kwiꞌ ti chaꞌ, ndukwa chaꞌ kaja wan bra kanꞌ ―ndukwin Jesús ꞌin neꞌ―.

SAN LUCAS 13:5

siꞌi nan kuxi la yꞌni neꞌ kanꞌ. Kwiꞌ ngwañaꞌan ꞌwan ni, si ja ka jyuꞌu tiꞌ wan ꞌin nchga chaꞌ kuxi nu ngiꞌni wan, chaꞌ kulaa yaꞌ wan chaꞌ kanꞌ, ti kwiꞌ ti chaꞌ, ndiꞌin chaꞌ kaja wan.

SAN LUCAS 15:10

Suꞌwe ꞌa ka tiye nu kunaꞌan kanꞌ, chaꞌ wa ndyija lyo tñi ꞌin neꞌ; kwiꞌ ngwañaꞌan ka seꞌen ndiꞌin Ndiose, ka suꞌwe ꞌa ka tiye Ndiose loꞌo nten ꞌin Ni nde niꞌ kwan, chaꞌ wa ngwa jyuꞌu tiꞌ ska ti nten chalyuu ꞌin chaꞌ kuxi nu yꞌni, ngulaa yaꞌ yu chaꞌ kuxi kanꞌ bra kanꞌ.

SAN LUCAS 15:7

Nde lka chaꞌ nu chkwiǐnꞌ loꞌo wan: Ka suꞌwe ꞌa ka tiye Ndiose loꞌo nten ꞌin Ni nde seꞌen ndiꞌin Ni ―ndukwin Jesús ꞌin neꞌ fariseo bra kanꞌ―, chaꞌ wa ngwa jyuꞌu tiꞌ ni siya ska ti nten chalyuu ꞌin chaꞌ kuxi nu yꞌni neꞌ, chaꞌ ngulaa yaꞌ yu chaꞌ kuxi kanꞌ bra kanꞌ. Ja ndiꞌin chaꞌ tyaꞌan chaꞌ tiye Ndiose chaꞌ ꞌin xka jakwa yla nsuꞌwi tiꞌyun lkwa nten suꞌwe nu ja ndiꞌin chaꞌ kuxi ꞌin neꞌ, nxkeꞌ tiꞌ neꞌ.

SAN LUCAS 16:30

Bra kanꞌ mxkwen yu kuliyaꞌ kanꞌ ꞌin Abraham: “Chañi ꞌiin, sti ba Abraham. Ja chan si tsaa ska ayman nde seꞌen ndiꞌin neꞌ kwa, bra ti kulaa yaꞌ neꞌ chaꞌ kuxi nu ngiꞌni neꞌ bra kanꞌ.”

SAN LUCAS 21:31

Ti kwiꞌ ngwañaꞌan ka loꞌo nchga chaꞌ nu nchkwiǐnꞌ re, ka biyaꞌ tiꞌ wan chaꞌ wa kan ti Ndiose chaꞌ ka ndloo la bra kanꞌ.

SAN LUCAS 24:47

Bra kanꞌ ndiꞌin chaꞌ chkwiꞌ wan chaꞌ ꞌñaǎn loꞌo nten tyukwi ñaꞌaan chalyuu. Nde Jerusalén tyisnan wan katsaꞌ wan chaꞌ kanꞌ ꞌin nten kulo ndukwa la. Ndiꞌin chaꞌ chkwiꞌ wan loꞌo nten chaꞌ ka wjyuꞌu tiꞌ neꞌ ꞌin chaꞌ kuxi nu ndiꞌin ꞌin neꞌ, chaꞌ kulaa yaꞌ neꞌ ꞌin nchga chaꞌ kuxi nu ngiꞌni neꞌ; bra kanꞌ kuꞌni Ndiose chaꞌ tlyu tiꞌ ꞌin nchga kiꞌya nu ndukwi neꞌ.

SAN LUCAS 6:20

Naꞌan Jesús ꞌin neꞌ nu ngiꞌni xaꞌan chaꞌ ꞌin yu, bra kanꞌ mdyisnan yu nguaꞌu yu ꞌin neꞌ: ―Ka suꞌwe ka tiye wan nu tiꞌí ti ñaꞌan ndiꞌin lo chalyuu re ―ndukwin―. Ndiose lka nu ñaꞌansiin ꞌwan, chaꞌ kanꞌ nu nka Xꞌnan wan.

SAN LUCAS 9:2

Ngulo yu tñan ꞌin tii tyukwa neꞌ kanꞌ, chaꞌ kwaꞌu neꞌ chaꞌ suꞌwe ꞌin Ndiose ꞌin nten kichen seꞌen nu tsaa neꞌ, chaꞌ ka Ndiose ndloo niꞌ kasiya ꞌin nten; kwiꞌ ngwañaꞌan kuꞌni neꞌ chaꞌ chkaa neꞌ tiꞌí.

LOS HECHOS 11:18

Bra nu ynan neꞌ chaꞌ nu ykwiꞌ Tyu loꞌo neꞌ, ja ngwa ꞌa xkwen neꞌ ꞌin Tyu. Bra kanꞌ yꞌni tnun neꞌ kanꞌ ꞌin Ndiose, ykwiꞌ neꞌ loꞌo Ni bra kanꞌ: ―¡Ndiose Sti ba, suꞌwe ꞌa yꞌnii loꞌo neꞌ xka laꞌa tsuꞌ, ni siya ja lka neꞌ kanꞌ judío ―ndukwin neꞌ ꞌin Ndiose―. Nuꞌwin yꞌnii chaꞌ ka jyuꞌu tiꞌ neꞌ ꞌin nchga chaꞌ kuxi nu ndiꞌin ꞌin neꞌ, chaꞌ kaja chalyuu nu ja tsaa tii ꞌa ꞌin neꞌ kanꞌ!

LOS HECHOS 17:30

Wa mdalo ꞌa Ndiose ꞌin nten chalyuu ti nu ngwa sꞌni, xa nu ja ya ka jlyo tiꞌ neꞌ chaꞌ ꞌin Ni; loꞌo ni, ndlo Ndiose tñan ꞌin nchga nten chalyuu chaꞌ kulaa yaꞌ neꞌ nchga chaꞌ kuxi nu ndiꞌin ꞌin neꞌ,

LOS HECHOS 2:38

―Suꞌwe si ka jyuꞌu tiꞌ wan ꞌin chaꞌ kuxi; nchga chaꞌ kuxi nu nsuꞌwi tiye wan, kulo chunꞌ wan chaꞌ kuxi kanꞌ ―ndukwin Tyu ꞌin neꞌ―. Loꞌo ngwañaꞌan, tukwatya neꞌ ꞌwan chabiyaꞌ ꞌin Jesús bra kanꞌ. Katin nchga kiꞌya nu ndukwi wan bra kanꞌ; kwiꞌ ngwañaꞌan, ta Ndiose Tyiꞌi Ni chaꞌ kanun niꞌ kasiya ꞌwan.

LOS HECHOS 20:21

Ska ti biyaꞌ nchkwiǐnꞌ loꞌo nchga nten ni siya neꞌ judío taꞌaǎn, ni siya nten xka laꞌa tsuꞌ; ska ti chaꞌ nduꞌuǔn ꞌin nchga wan, chaꞌ ndiꞌin chaꞌ kulaa yaꞌ wan nchga chaꞌ kuxi nu ndiꞌin ꞌwan bra nu xñi wan chaꞌ ꞌin Jesucristo chaꞌ ka Ni Xꞌnan wan.

LOS HECHOS 26:20

Kulo ndukwa la ngwaꞌuǔn ꞌin neꞌ judío taꞌaan nu ndiꞌin nde kichen Damasco, chaꞌ kulaa yaꞌ neꞌ nchga chaꞌ kuxi nu mdaꞌan tiye neꞌ nu ngwa sꞌni, chaꞌ sten neꞌ chaꞌ ꞌin Ndiose bra kanꞌ; nde loo la ndiꞌin chaꞌ kuꞌni neꞌ xkwiꞌ chaꞌ suꞌwe ti bra kanꞌ, chaꞌ ka biyaꞌ tiꞌ nten chaꞌ wa mxaꞌan kasiya ꞌin neꞌ kanꞌ. Kwiꞌ ngwañaꞌan ngwaꞌuǔn chaꞌ kanꞌ ꞌin neꞌ Jerusalén, loꞌo neꞌ nchga kichen nde lo yuu ꞌin Judea re. Chunꞌ ndiꞌin la ngwaꞌuǔn chaꞌ kanꞌ ꞌin nten xka laꞌa tsuꞌ.

LOS HECHOS 3:19

Kanꞌ chaꞌ ndiꞌin chaꞌ ka jyuꞌu tiꞌ wan ꞌin nchga kiꞌya nu ndukwi wan, bra kanꞌ jñan wan chaꞌ tlyu tiꞌ ꞌin Ndiose chaꞌ kuꞌni tyii Ni nchga chaꞌ kuxi nu nsuꞌwi tiye wan. Kuꞌni Xꞌnaan chaꞌ ka suꞌwe kasiya ꞌwan xiyaꞌ bra kanꞌ.

2 CORINTIOS 7:10

Xa nu nduwe tianꞌ ꞌin Ndiose chaꞌ nu xiꞌin tianꞌ ndiꞌian, bra kanꞌ kaja ñaꞌan kulo chuanꞌ chaꞌ kuxi nu ngiꞌnian; tyoꞌo laan ꞌin chaꞌ kuxi kanꞌ bra kanꞌ, ja nꞌni chaꞌ ti tyaꞌan chuanꞌ laan bra kanꞌ. Nten nu xiꞌin tiꞌ, nu ja nduwe tiꞌ ꞌin Ndiose ni, ja xlyaa nten kanꞌ chka jyuꞌu tiꞌ ꞌin kiꞌya nu ndukwi neꞌ; kanaꞌ chalyuu ꞌin neꞌ ngwañaꞌan ti bra kanꞌ.

COLOSENSES 1:13

Nan wa ngulaa Ni ꞌñaan, wa yꞌni tyii Ni chalyuu tla seꞌen mdaꞌaan sꞌni, loꞌo ni, wa ngwaꞌu Ni xka tuwiin ꞌñaan nu tsaan chalyuu kwi seꞌen nka Krixtu ndloo la ꞌñaan. Sñiꞌ Ndiose lka Krixtu, loꞌo ndiya ꞌa tiꞌ Ndiose ꞌin yu;

2 TIMOTEO 2:25

loꞌo ꞌin nten nu msinꞌ tiꞌ ꞌwan. Suꞌwe ti chkwiꞌ wan loꞌo nten nu msinꞌ tiꞌ, chaꞌ ngwañaꞌan ka kuꞌni Xꞌnaan tñan niꞌ kasiya ꞌin neꞌ kanꞌ, chaꞌ ka kwaꞌu Ni ꞌin neꞌ sa ñaꞌan ndyoꞌo chaꞌ nu ñi kanꞌ. Suꞌwe ꞌa si kulaa yaꞌ nten nu msinꞌ tiꞌ kanꞌ ꞌin nchga chaꞌ kuxi nu ngiꞌni neꞌ,

HEBREOS 6:1

Ndla ti kuꞌnian sikwa, chaꞌ kunaan suꞌwean nchga chaꞌ nu nchkwiꞌ Krixtu; ndiꞌin chaꞌ kaan nten nu suꞌwe ndaꞌan chaꞌ tiye. Ja suꞌwe si ska loo ti chaꞌ kuꞌnian, sa ñaꞌan nu yꞌni xaꞌaan tian ti kulo. Loꞌo nchga chaꞌ nu nchkwiꞌ Krixtu ndiꞌin chaꞌ kuꞌnian. Wa jlyo suꞌwe tianꞌ la seꞌen ndiꞌin kiyaꞌ chaꞌ ꞌin Krixtu: wa mdyii ykwianꞌ sa ñaꞌan ka kulaa yaanꞌ nchga chaꞌ kuxi nu yꞌnian nu ngwa sꞌni, nu ja nnanjoꞌo ꞌñaan chaꞌ ꞌin Ndiose; wa ykwianꞌ sa ñaꞌan ka tsaa ñaꞌan tianꞌ chaꞌ ꞌin Ndiose;

2 SAN PEDRO 3:9

Siꞌi nan tiyaꞌ ꞌa tiꞌ Ndiose chaꞌ kuꞌni Ni tñan nu ndukwin Ni chaꞌ kuꞌni Ni nu ndyaa nde loo la; lka chaꞌ ndiꞌin ta ꞌa Ni ꞌñaan nten chalyuu, chaꞌ ja nchka tiꞌ Ni chaꞌ tnaꞌ Ni ni siya ska ti nten. Nchka la tiꞌ Ni chaꞌ ka biyaꞌ tiꞌ nchga nten chaꞌ ndiꞌin chaꞌ kuxi ꞌin neꞌ; loꞌo bra kanꞌ ka jyuꞌu tiꞌ neꞌ ꞌin chaꞌ kuxi kanꞌ, kulaa yaꞌ neꞌ chaꞌ kuxi kanꞌ bra kanꞌ. Ngwañaꞌan ka ꞌin neꞌ, nchka tiꞌ Ndiose.

EL APOCALIPSIS 2:21

“Wa sꞌni mdiꞌiǐn tiǎn ꞌin nu kunaꞌan kwa, ñaꞌan bra nu kulaa yaꞌ chaꞌ kuxi nu ndiꞌin ꞌin; loꞌo ja xlyaa nu kunaꞌan kwa kulaa yaꞌ chaꞌ kuxi kanꞌ.

EL APOCALIPSIS 2:5

Kanꞌ chaꞌ ni, tyaa yuꞌwi lya tiꞌ wan sa ñaꞌan nu yꞌni wan bra nu msñi wan chaꞌ ꞌñaǎn ti kulo, bra nu suꞌwe ꞌa ngwa tiye wan loꞌoǔn; loꞌo ni, ti kuꞌni wan ti kwiꞌ chaꞌ suꞌwe kanꞌ xiyaꞌ. Loꞌo si ja kulaa yaꞌ wan chaꞌ kuxi nu ndiꞌin ꞌwan ni, kaǎn chaꞌ kuloǔn ꞌin kandlyeru ꞌwan nde seꞌen ndukwa ran bra kanꞌ, tyaꞌaǎn loꞌoǔn ꞌin ran bra kanꞌ” ndukwin Ni.