SAN MATEO 3:12 - Chatino Zona Alta Occidental

¹² Sa ñaꞌan ngiꞌni nten bra nu nxoꞌ tiꞌin neꞌ nskwaꞌ niꞌ juꞌwa, loꞌo nxoꞌ neꞌ lkaꞌ tlaꞌ xka seꞌen chaꞌ skin ran lo kiiꞌ, ngwañaꞌan suwi Ndiose ꞌin nten, xa nu suꞌwa Ni ꞌin nten xaꞌan chaꞌ skin lo kiiꞌ seꞌen ja tsaa tii ꞌa chaꞌ nchkin. Ngwañaꞌan ngwaꞌu Xuwa ꞌin nten nu ndyaꞌan seꞌen ndiꞌin yu.

SAN MATEO 3:12 Iomraidhean Croise

SAN MATEO 13:30

Suꞌwe la kataan chinꞌ chaꞌ kaluu ran taꞌa tyukwaa ran, sa ñaꞌan bra nu katsi trigu kanꞌ. Bra kanꞌ kuloǔn tñan ꞌin neꞌ chaꞌ tsaa neꞌ siꞌyu neꞌ kixinꞌ ti kulo, chaꞌ skanꞌ neꞌ ꞌin ran kwenta ynin ti ran, chaꞌ skin ran lo kiiꞌ; kuꞌni neꞌ kwa bra kanꞌ, siꞌyu neꞌ nchga trigu chaꞌ xoꞌ tiꞌin neꞌ ꞌin ran niꞌ juꞌwa.”

SAN MATEO 13:41

Tsan kanꞌ, naꞌ nu wa ndijyaǎn chaꞌ kaǎn nten, suꞌwaǎn ꞌin angajle ꞌñaǎn chaꞌ xoꞌ tiꞌin ꞌin nchga nten nu ngwaꞌu ꞌin taꞌa nten chaꞌ kuꞌni neꞌ chaꞌ kuxi; tyoꞌ tiꞌin nchga nten nu kuxi ka tiye kanꞌ, chaꞌ ja ndiꞌin chabiyaꞌ kanun neꞌ kanꞌ seꞌen lka Stiǐn Ndiose ndloo.

SAN MATEO 13:42

Bra kanꞌ xkwan angajle ꞌin neꞌ kanꞌ lo kiiꞌ tnun; kunan ꞌa neꞌ kanꞌ bra kanꞌ, kasinꞌ ꞌa tiꞌ neꞌ sa ñaꞌan yaꞌ nu ku liꞌya neꞌ chunꞌ msinꞌ tiꞌ neꞌ bra kanꞌ.

SAN MATEO 13:43

Kanun nchga nten nu luwi kasiya ꞌin seꞌen lka Stiǐn Ndiose ndloo; sa ñaꞌan luwi xaa kwichaa, ngwañaꞌan ka luwi ꞌa tloo neꞌ kanꞌ, chunꞌ ngwa luwi kasiya ꞌin neꞌ siyaꞌ ti kwenta ꞌin Ndiose bra kanꞌ. Kunan suꞌwe wan chaꞌ nu nchkwiǐnꞌ loꞌo wan, si chañi chaꞌ nchka tiꞌ wan kunan wan.

SAN LUCAS 3:16

Bra kanꞌ ykwiꞌ Xuwa loꞌo nchga neꞌ nu ndiꞌin kanꞌ: ―Loꞌo tyiꞌa ti ndukwatyaǎn ꞌwan ―ndukwin Xuwa―. Loꞌo wa kan ti xka nten seꞌen ndiꞌin wan nu nchka la ꞌin ke naꞌ. Loꞌoǔn kuꞌni tnuǔn ꞌin yu kanꞌ. Suꞌwe ꞌa tñan kaja ꞌñaǎn, nxkeꞌ tiǎnꞌ, ni siya ti ndukwa snan yu kanꞌ xtiǐnꞌ. Loꞌo yu kanꞌ, ja ndukwatya yu ꞌin nten loꞌo tyiꞌa ti; xka ñaꞌan kuꞌni yu. Kuꞌni yu chaꞌ kanun Tyiꞌi Ndiose niꞌ kasiya ꞌin nten, bra nu tukwatya yu ꞌin neꞌ. Loꞌo kanꞌ kuꞌni luwi Ndiose ꞌin neꞌ kanꞌ loꞌo xaa ꞌin ykwiꞌ Ni, chaꞌ ngwañaꞌan ka suꞌwe ka tiye neꞌ ―ndukwin―.

SAN LUCAS 3:17

Sa ñaꞌan ngiꞌni xꞌnan tya, ngwañaꞌan kuꞌni Ndiose; sa ñaꞌan nxoꞌ tiꞌin xꞌnan tya ꞌin nskwaꞌ, ndikin yu lkaꞌ tlaꞌ loꞌo mti, ngwañaꞌan suꞌwe taꞌa Ndiose ꞌin nten. Bra kanꞌ suꞌwa Ni ꞌin nten xaꞌan chaꞌ skin neꞌ lo kiiꞌ nu ja ka ꞌa tyuwiꞌ siyaꞌ ti.

SAN JUAN 15:2

Suꞌwe ꞌa ñaꞌansiin Stiǐn ꞌin nchga stanꞌ yka kanꞌ, loꞌo naꞌ lkaǎn yka kanꞌ. Bra nu ja ska nan ndyoꞌo lo stanꞌ yka kanꞌ, nsiꞌyu Ni ꞌin ran. Nsuwii Ni chinꞌ loo yka nu nda suꞌwe nan, chaꞌ ti kaꞌan la nan tyoꞌo lo ran.