SAN MATEO 3:10 - Chatino Zona Alta Occidental

¹⁰ Sa ñaꞌan nduun ska nten loꞌo chkwan yka ꞌin yu chaꞌ suwi yu lo yka kwiñii ꞌin yu, ngwañaꞌan lka Ndiose; siꞌyu yu kanꞌ ꞌin nchga yka nu ja nda nan suꞌwe, chaꞌ tikin yu ꞌin ran lo kiiꞌ, kwiꞌ ngwañaꞌan ta Ndiose nu tiꞌí ꞌin nten nu ja xlyaa kulaa yaꞌ chaꞌ kuxi nu ngiꞌni neꞌ.

SAN MATEO 3:10 Iomraidhean Croise

SAN MATEO 21:19

Kanꞌ naꞌan yu ska yka kwiñii nu nduun tuꞌwa tuwiin. Ndyaa naꞌan yu ꞌin yka kanꞌ si kaja nan ku yu lo ran, loꞌo ja nsuꞌwi nan lo ran, xkwiꞌ lkaꞌ ti nsuꞌwi lo ran. Ykwiꞌ Jesús chaꞌ ꞌin yka bra kanꞌ: ―Ja tyoꞌo ꞌa nan lo yka kwa xka yijan ―ndukwin yu. Bra ti mtyi yka kanꞌ.

SAN MATEO 7:19

Siꞌyu neꞌ yka nu tlá kanꞌ, chaꞌ ja ka kunanjoꞌo ran ꞌñaan; tikin neꞌ yka kanꞌ bra kanꞌ.

SAN LUCAS 23:31

Ñaꞌan wan sa ñaꞌan nu ngiꞌni neꞌ loꞌoǔn ni. ¿Ni sa ñaꞌan kuꞌni neꞌ loꞌo wan neꞌ judío bra kanꞌ sikwa? Suꞌwe ꞌa chaꞌ nu ndiꞌin ꞌñaǎn; sa ñaꞌan lka ska yka nu ngaꞌá ꞌa, ngwañaꞌan suꞌwe ndiꞌin tiyeěn loꞌo Ndiose Stiǐn. Loꞌo ꞌwan, ja suꞌwe chaꞌ nu nchka ꞌwan; wa ndla ti tyii chaꞌ ꞌwan ngwa ti ñaꞌan, chaꞌ sa ñaꞌan lka ska yka nkwi, ngwañaꞌan lka wan loꞌo taꞌa kichen tyi wan ―ndukwin Jesús ꞌin neꞌ kanꞌ.

SAN LUCAS 3:9

Sa ñaꞌan nduun ska nten loꞌo chkwan yka ꞌin yu chaꞌ kwaja yu lo yka kwiñii ꞌin yu, ngwañaꞌan ngiꞌni Ndiose. Siꞌyu yu kanꞌ nchga yka nu ja ndyoꞌo nan loo, chaꞌ tikin yu yka kanꞌ lo kiiꞌ; ngwañaꞌan ta Ndiose nu tiꞌí ꞌin nten nu ja xlyaa kulaa yaꞌ chaꞌ kuxi nu ndiꞌin ꞌin neꞌ.

SAN JUAN 15:2

Suꞌwe ꞌa ñaꞌansiin Stiǐn ꞌin nchga stanꞌ yka kanꞌ, loꞌo naꞌ lkaǎn yka kanꞌ. Bra nu ja ska nan ndyoꞌo lo stanꞌ yka kanꞌ, nsiꞌyu Ni ꞌin ran. Nsuwii Ni chinꞌ loo yka nu nda suꞌwe nan, chaꞌ ti kaꞌan la nan tyoꞌo lo ran.

SAN JUAN 15:6

Kulaa yaꞌ Stiǐn ꞌin nten nu ja suꞌwa nka tiye loꞌoǔn, sa ñaꞌan nu nxkwan nten stanꞌ yka nu wa wtyi; nxoꞌ tiꞌin neꞌ stanꞌ yka wtyi kanꞌ, nxtya neꞌ ꞌin ran lo kiiꞌ chaꞌ tyii ran skin ran bra kanꞌ.

HEBREOS 12:25

Kiꞌya wan kwenta sikwa, chaꞌ kunan suꞌwe wan nchga chaꞌ nu wa ykwiꞌ Krixtu loꞌo wan. Lye ꞌa mda Ndiose nu tiꞌí ꞌin ayman kula ꞌñaan, chunꞌ ja mslyaa neꞌ kunan neꞌ chaꞌ nu ykwiꞌ ayman Moisés loꞌo neꞌ lo chalyuu re chabiyaꞌ ꞌin Ndiose; ja ngwa xnan neꞌ kanꞌ ꞌin Ndiose. Loꞌo tnun la chaꞌ ka ꞌñaan ni, si ja kunaan chaꞌ nchkwiꞌ Krixtu nu mdoꞌo seꞌen ndiꞌin Ndiose nde niꞌ kwan mdiyan lo chalyuu re; loꞌo ni, wa ndyaa tukwa Ni xiyaꞌ nde seꞌen ndiꞌin Ndiose.

HEBREOS 6:8

Loꞌo ja suꞌwe yuu seꞌen xkwiꞌ kixinꞌ kuxi, xkwiꞌ yka kicheꞌ ndukwa lo ran; kulaa tiꞌin neꞌ ꞌin yuu nu ngwañaꞌan, chaꞌ ñaꞌan tiꞌ ska yuu nu wa ndukwa yuweꞌ chunꞌ, ngwañaꞌan lka ran. Ndiꞌin chaꞌ xuꞌu neꞌ kiiꞌ lo yuu kanꞌ, chaꞌ tyii chkin nchga chaꞌ kuxi nu nsuꞌwi lo yuu kanꞌ. Sa ñaꞌan nu ka ꞌin yuu nu ja suꞌwe siyaꞌ ti, kwiꞌ ngwañaꞌan ka kuxi ꞌñaan si kulaa yaanꞌ chaꞌ ꞌin Jesús bra kanꞌ.