SAN MATEO 27:40 - Chatino Zona Alta Occidental

⁴⁰ ―Yu re lka nu kuꞌni tyii ꞌin laa tnun ꞌñaan, ndukwin yu; loꞌo ndukwin yu chaꞌ kwiñan yu xka chunꞌ snan tsan ti. Kulaa ꞌin ti ykwiiꞌ ti sikwa ―ndukwin neꞌ kanꞌ ꞌin Jesús―. Si chañi chaꞌ nuꞌwin lkaa ska ti nu lka Sñiꞌ Ndiose, kiꞌyaa lyaa lo wsi kwa sikwa ―ndukwin neꞌ ꞌin Jesús.

SAN MATEO 27:40 Iomraidhean Croise

SAN MATEO 16:4

Nan xaꞌan ꞌa tiye wan loꞌo taꞌa wan, chaꞌ xkwiꞌ nchka tiꞌ wan chaꞌ kuꞌniǐn ska chaꞌ tnun chaꞌ ñaꞌan kwiꞌya wan ꞌin ran; lka wan nten nu ja ndyaa ñaꞌan tiꞌ ꞌin Ndiose siyaꞌ ti ―ndukwin Jesús ꞌin neꞌ―. Loꞌo ja kuꞌniǐn chaꞌ tnun ngwañaꞌan. Ndiꞌin chaꞌ tyaa yuꞌwi tiꞌ wan nan lka nu ngwa ꞌin ayman Jona nu ykwiꞌ chaꞌ ꞌin Ndiose loꞌo nten nu ngwa sꞌni. Ja ykwiꞌ ꞌa Jesús loꞌo neꞌ kanꞌ, mdoꞌo yu ndyaa yu bra kanꞌ.

SAN MATEO 26:61

―Nde lka chaꞌ nu ykwiꞌ nu kiꞌyu kwa: “Ka ꞌñaǎn kuꞌni tyiǐn laa tnun re ꞌin Ndiose, loꞌo ka ꞌñaǎn kwiñaǎn ꞌin ran xiyaꞌ; chunꞌ snan tsan ti tyii tyaꞌ laa ꞌñaǎn” ndukwin Jesús kwa ―ngwañaꞌan ndukwin nu kwiñi kanꞌ.

SAN MATEO 27:41

Loꞌo sti joꞌo nu lka ndloo, loꞌo mstru nu nduꞌu chaꞌ joꞌo, loꞌo yu kula ꞌin neꞌ judío, nchga neꞌ ndaꞌan naꞌan kwiꞌya neꞌ ꞌin Jesús seꞌen ndukwi yu lo wsi, chaꞌ xtyi lyoꞌo neꞌ ꞌin yu bra kanꞌ.

SAN MATEO 27:42

―Ngulaa yu ꞌin xka ta nten; loꞌo ja nchka ꞌin yu kulaa yu ꞌin yu, ti ykwiꞌ ti yu ―ndukwin neꞌ nu lka ndloo kanꞌ―. Ree ꞌin neꞌ Israel lka yu, ndukwin yu. Suꞌwe la si kiꞌya yu lo wsi kwa ni, chaꞌ tsaa ñaꞌan tianꞌ ꞌin yu bra kanꞌ ―ndukwin neꞌ kanꞌ ꞌin taꞌa neꞌ―.

SAN MATEO 27:54

Loꞌo sndaru nu ndiꞌin kwan ꞌin Jesús, loꞌo capitán ꞌin sndaru kanꞌ, yuwe ꞌa tiꞌ neꞌ bra kanꞌ; lye ꞌa ytsen neꞌ xa nu naꞌan neꞌ sa ñaꞌan ngwa chaꞌ kanꞌ, sa ñaꞌan ngwa xa nu lye ꞌa mñan chalyuu. ―Chañi chaꞌ ska ti nu lka Sñiꞌ Ndiose lka ayman re ―ndukwin sndaru kanꞌ.

SAN MATEO 4:3

Loꞌo bra kanꞌ mdoꞌo tukwa kuneꞌ xaꞌan kanꞌ, chaꞌ kwiñi lyoꞌo ꞌin Jesús: ―Si chañi chaꞌ lkaa ska ti nu lka Sñiꞌ Ndiose ―ndukwin kuneꞌ xaꞌan ꞌin Jesús―, xñii ska kee re sikwa, chaꞌ kwiñaan tyaja loꞌo ran chaꞌ kuan.

SAN MATEO 4:6

―¿Ta chañi chaꞌ nuꞌwin lkaa ska ti nu lka Sñiꞌ Ndiose a? ―ndukwin kuneꞌ xaꞌan ꞌin Jesús―. Suꞌwe si xtyuu loo lo yuu sikwa, chaꞌ ndukwa ska chaꞌ lo kityi ꞌin Ndiose nu nchkwiꞌ: Kulo Ndiose tñan ꞌin angajle ꞌin Ni chaꞌ ñaꞌansiin ꞌiin, ndukwin kityi. Kwiꞌ ngwañaꞌan ndukwa xka chaꞌ: Loꞌo yaꞌ ti angajle ꞌin Ni xituun ꞌiin, chaꞌ ja ka tiꞌí kiyaaꞌ seꞌen tyukwa kee kiyaaꞌ. Ngwañaꞌan ndukwa chaꞌ lo kityi ―ndukwin kuneꞌ xaꞌan.

SAN LUCAS 16:31

Xiyaꞌ ykwiꞌ ayman Abraham loꞌo yu kuliyaꞌ kanꞌ bra kanꞌ: “Chaꞌ nu ja xlyaa neꞌ kwa tukwa neꞌ tñan nu ngulo Moisés lo kityi, ti kwiꞌ ti chaꞌ ja nnan neꞌ chaꞌ nu ykwiꞌ ayman nu msuꞌwa Ndiose chaꞌ chkwiꞌ loꞌo nten nu ngwa sꞌni, kwiꞌ ngwañaꞌan, ja tukwa neꞌ xka la chaꞌ nu chkwiꞌ Ndiose loꞌo neꞌ, ni siya xiyaꞌ tyuꞌu ska ayman chaꞌ chkwiꞌ loꞌo neꞌ kwa.”

EL APOCALIPSIS 11:10

Ndiya ꞌa tiꞌ nten chalyuu chaꞌ wa ngujwi taꞌa tyukwaa nten nu mduun kanꞌ, kanꞌ chaꞌ kuꞌni neꞌ taꞌa bra kanꞌ. Taꞌa ti ta neꞌ xuꞌwe tsaa seꞌen ndiꞌin taꞌa neꞌ, chaꞌ ndiya ꞌa tiꞌ neꞌ bra kanꞌ. Kaꞌan ꞌa nu tiꞌí ndijin nten chalyuu chunꞌ nu taꞌa tyukwaa jyoꞌo kanꞌ, ndukwin neꞌ bra kanꞌ.