SAN MATEO 27:19 - Chatino Zona Alta Occidental

¹⁹ Ti nduun nten kaꞌan kanꞌ seꞌen ndiꞌin Pilato, loꞌo ti ndukwa Pilato kanꞌ lo yka xlya tnun seꞌen ngiꞌni biyaꞌ yu chaꞌ ꞌin nten. Kanꞌ mdiyan ska msu seꞌen ndukwa yu, ytsaꞌ msu chaꞌ re nu wa ykwiꞌ kwilyoꞌo Pilato: “Ja ska chaꞌ kuꞌnii loꞌo yu kiꞌyu kwa, nten suꞌwe lka yu kwa” ndukwin nu kunaꞌan kanꞌ ꞌin Pilato. “Tyukwi tla lye ꞌa mdaꞌan chaꞌ tiyeěn chaꞌ ꞌin yu kwa. Wa ykwiꞌ slaǎn chaꞌ ꞌin yu kwa.”

SAN MATEO 27:19 Iomraidhean Croise

SAN MATEO 1:20

Bra nu mdaꞌan chaꞌ tiye yu, ni chaꞌ ngwa ngwañaꞌan, bra kanꞌ mdoꞌo tukwa ska angajle seꞌen ndiꞌin yu, ykwiꞌ sla yu bra kanꞌ. Ykwiꞌ angajle kanꞌ loꞌo yu: ―Se ―ndukwin angajle kanꞌ ꞌin yu―, neꞌ taꞌa ayman David lka nuꞌwin ―ndukwin―. Ja kutseen kaja kwilyoꞌoo loꞌo Liya, chaꞌ kan Liya tyiꞌin naꞌan tyii. Siꞌi tñan kuxi yꞌni Liya siyaꞌ ti, tñan nu yꞌni Tyiꞌi Ndiose lka chaꞌ tyiꞌin sñiꞌ Liya ni.

SAN MATEO 2:19

Chunꞌ ndiꞌin la, ngujwi ree Herodes kanꞌ bra kanꞌ. Kanꞌ mdoꞌo tukwa ska angajle seꞌen ndiꞌin Se laja sla yu, chaꞌ ti ndiꞌin Se lo yuu ꞌin Egipto:

SAN MATEO 2:22

Kanꞌ ynan yu chaꞌ sñiꞌ ayman Herodes ngulo tñan nde Judea, ti kwiꞌ sñiꞌ yu nu naan Arquelao lka yu kanꞌ; kanꞌ chaꞌ ytsen chinꞌ Se bra kanꞌ. Xiyaꞌ ykwiꞌ sla yu sa ñaꞌan kuꞌni yu, kanꞌ chaꞌ ndyaa neꞌ nde lo yuu ꞌin Galilea,

SAN MATEO 27:18

Jlyo tiꞌ Pilato, chaꞌ tiꞌí ꞌa tiꞌ neꞌ nu lka ndloo kanꞌ ñaꞌan neꞌ ꞌin Jesús, kanꞌ chaꞌ msuꞌwa neꞌ kanꞌ ꞌin yu niꞌ ñaꞌan chkwan.

SAN MATEO 27:24

Bra nu naꞌan Pilato chaꞌ tlá ꞌa ngiꞌni tloo neꞌ, chaꞌ msinꞌ ꞌa tiꞌ neꞌ, jlyo tiꞌ yu chaꞌ ja xlyaa ꞌa neꞌ kunan neꞌ chaꞌ nchkwiꞌ yu loꞌo neꞌ bra kanꞌ. Kanꞌ chaꞌ ngulo yu tñan ꞌin ska msu chaꞌ kan loꞌo msu kanꞌ ska siꞌyuu tyiꞌa. Mnaꞌ yu tloo nchga nten bra kanꞌ. ―Luwi kanun yaǎnꞌ ―ndukwin yu―, chaꞌ siꞌi chaꞌ ꞌñaǎn kaja yu nu ja ska kiꞌya ndukwi re ―ndukwin Pilato ꞌin neꞌ―. Chaꞌ ꞌwan lka chaꞌ kanꞌ.

SAN MATEO 27:4

―Ndiꞌin kiꞌya ꞌñaǎn ―ndukwin Juda kanꞌ ꞌin yu nu lka ndloo―, chaꞌ wa yjwiǐnꞌ ska nten luwi ꞌwan, chaꞌ kujwi wan ꞌin ―ndukwin. Mxkwen yu nu lka ndloo kanꞌ ꞌin Juda bra kanꞌ: ―Siꞌi chaꞌ ꞌwa lka chaꞌ kanꞌ ―ndukwin neꞌ nu lka ndloo―. Si ndiꞌin kiꞌya ꞌiin, chaꞌ ꞌiin lka kanꞌ.

SAN LUCAS 23:41

Ñi ꞌa ndiꞌin chaꞌ ta neꞌ nu tiꞌí ꞌñaan, chaꞌ kanꞌ ndiꞌin chaꞌ ka ꞌñaan siꞌya chaꞌ kuxi nu yꞌnian; loꞌo yu re, ja ska chaꞌ kuxi yꞌni yu re.

SAN LUCAS 23:47

Bra nu naꞌan capitán ꞌin sndaru romano sa ñaꞌan ngwa chaꞌ kanꞌ, bra kanꞌ yꞌni tnun yu ꞌin Ndiose. Nde ñaꞌan ykwiꞌ yu bra kanꞌ: ―Chañi chaꞌ ja mdiꞌin kiꞌya ꞌin ayman re siyaꞌ ti ―ndukwin capitán ꞌin sndaru kanꞌ.

SAN JUAN 19:13

Bra wa ynan Pilato chaꞌ nu ykwiꞌ neꞌ judío kanꞌ, bra kanꞌ ndyaa tukwa yu lo yka xlyaa seꞌen ngiꞌni biyaꞌ yu ꞌin nten. Ngulo yu tñan chaꞌ kan loꞌo neꞌ ꞌin Jesús tloo yu, ti kwiꞌ seꞌen ndiya kee kwajaꞌ nu ngwa naan Gabata chaꞌ hebreo.

LOS HECHOS 12:21

Chunꞌ ndiꞌin la mstya Herodes ska tsan chaꞌ tyoꞌ tiꞌin neꞌ ska seꞌen ti. Ykuꞌ Herodes xkwiꞌ teꞌ nu suꞌwe ñaꞌan chaꞌ lka yu ree, ndyaa tukwa yu lo yka xlya tnun seꞌen ndukwa ska ti ree, chaꞌ ta yu ska chaꞌ loꞌo nten kichen kanꞌ. Kanꞌ mdyisnan ree, kwen ꞌa ykwiꞌ loꞌo neꞌ kanꞌ.

LOS HECHOS 18:12

Ska nten nu naan Galión ngwa gobernador lo yuu nu kwenta ꞌin Acaya kanꞌ; loꞌo ndyoꞌ tiꞌin tyun neꞌ judío ska seꞌen ti chaꞌ xuun neꞌ loꞌo Palyu bra kanꞌ, ni siya taꞌa neꞌ judío lka yu. Msñi neꞌ kanꞌ ꞌin yu chaꞌ tsaa loꞌo neꞌ ꞌin yu tloo neꞌ wsiya bra kanꞌ;

LOS HECHOS 18:16

Loꞌo ngulo gobernador tñan chaꞌ kulo neꞌ ꞌin neꞌ judío kanꞌ nde chunꞌ naꞌan bra kanꞌ.

LOS HECHOS 18:17

Bra ti msñi nchga nten kichen kanꞌ ꞌin yu kula Sóstenes, chaꞌ nka yu kula kanꞌ ndloo niꞌ lyaa ꞌin neꞌ judío. Tiꞌí ꞌa mjiꞌin neꞌ ꞌin yu kula kanꞌ tloo gobernador Galión. Loꞌo Galión kanꞌ ni, ja nduwe tiꞌ yu siyaꞌ ti.

LOS HECHOS 25:10

―Nde re lka seꞌen ngiꞌni biyaꞌ wan ꞌin nten chabiyaꞌ ꞌin ree ꞌin neꞌ romano nu nka ndloo la ti ―ndukwin Palyu ꞌin yu kula kanꞌ―, nde re ka biyaꞌ ꞌñaǎn loꞌo wan sikwa ―ndukwin―. Jlyo suꞌwe tiꞌ wan chaꞌ ja ska chaꞌ kuxi yꞌniǐn loꞌo neꞌ judío taꞌaǎn.

LOS HECHOS 25:17

Mdiyan neꞌ judío kanꞌ nde seꞌen ndiꞌiǐn re bra kanꞌ. La xka tsan, bra ti mdyitukwaǎn lo yka xlya tnun seꞌen ndukwa gobernador bra nu ngiꞌni biyaꞌ ꞌin nten. Loꞌo nguloǔn tñan ꞌin neꞌ chaꞌ kan loꞌo neꞌ ꞌin yu re bra kanꞌ.

LOS HECHOS 25:6

Ska snuꞌ tsan, ni siya tii ti tsan nganun yu kula Festo Jerusalén, mxitukwi yu ndyaa yu Cesarea xiyaꞌ bra kanꞌ. La xka tsan mdukwa Festo lo yka xlya tnun seꞌen ndukwa ykwiꞌ gobernador bra nu ndyoꞌ tiꞌin neꞌ kichen chaꞌ ka biyaꞌ ꞌin neꞌ. Loꞌo ngulo yu tñan ꞌin neꞌ chaꞌ kan loꞌo neꞌ ꞌin Palyu tloo yu bra kanꞌ.

1 SAN PEDRO 2:22

Ja ska kiꞌya mdiꞌin ꞌin Krixtu, ja ska chaꞌ kwiñi ykwiꞌ yu;

1 SAN JUAN 2:1

Ñaꞌan tiꞌ si lka wan sñiěnꞌ, ngwañaꞌan lka wan, nxkeꞌ tiǎnꞌ, chaꞌ ndiya ꞌa tiǎnꞌ ꞌwan; kanꞌ chaꞌ ndaꞌaǎn kityi re chaꞌ tsaa seꞌen ndiꞌin wan, chaꞌ ja nchka tiǎnꞌ chaꞌ xtya Ndiose kiꞌya ꞌwan. Ni siya ndiꞌin chaꞌ xtya Ni kiꞌya ꞌñaan xa wa msñian chaꞌ ꞌin Jesucristo, ti kwiꞌ Jesucristo lka nu wa mdijin nu tiꞌí chaꞌ ꞌñaan, loꞌo ska nten nu luwi ꞌa lka Jesucristo.