SAN MATEO 26:65 - Chatino Zona Alta Occidental

⁶⁵ Loꞌo xꞌnan sti joꞌo kanꞌ ni, ti ykwiꞌ ti yu msaaꞌ yu steꞌ yu bra kanꞌ, chaꞌ msinꞌ ꞌa tiꞌ yu. ―Kwiñi ꞌa yu re, chaꞌ kuxi nchkwiꞌ yu re ꞌin Ndiose ―ndukwin sti joꞌo kanꞌ ꞌin ñaꞌaan ta neꞌ nu lka ndloo bra kanꞌ―. Ja ndiꞌin chaꞌ xtya xka nten kiꞌya ꞌin yu re, chaꞌ wa ynaan chaꞌ tnun ꞌa chaꞌ kuxi ykwiꞌ yu re, xa nu ndukwin yu chaꞌ Sñiꞌ Ndiose lka yu.

SAN MATEO 26:65 Iomraidhean Croise

SAN MATEO 9:3

Loꞌo ni, mdaꞌan ꞌa chaꞌ tiye mstru nu nduꞌu chaꞌ joꞌo nu nduun kwiꞌ seꞌen ti: “Chaꞌ kuxi nchkwiꞌ yu kiꞌyu re chaꞌ ꞌin Ndiose” mskeꞌ tiꞌ neꞌ.

SAN LUCAS 5:21

Bra kanꞌ mdaꞌan ꞌa chaꞌ tiye mstru nu nduꞌu chaꞌ joꞌo kanꞌ loꞌo neꞌ fariseo: “¿Ti ka nu lka yu kiꞌyu re a? ¿Ni chaꞌ lka re a? Kuxi ꞌa nchkwiꞌ yu chaꞌ ꞌin Ndiose chaꞌ nchkwiꞌ yu ngwañaꞌan” mskeꞌ tiꞌ neꞌ. “Ja ka ꞌin ska nten chalyuu kuꞌni tyii kiꞌya sa ñaꞌan ngiꞌni yu re, ja ka kuꞌni nten chaꞌ tlyu tiꞌ kiꞌya nu ndiꞌin ꞌin nten; ska ti Ndiose ka kuꞌni tyii kiꞌya nu ndiꞌin ꞌin nten.” Ngwañaꞌan mdaꞌan chaꞌ tiye neꞌ.

SAN JUAN 10:33

Mxkwen neꞌ judío kanꞌ ꞌin Jesús bra kanꞌ: ―Ja kujwi ba ꞌiin loꞌo kee siꞌya ska tñan suꞌwe nu yꞌnii ―ndukwin neꞌ―; siꞌya chaꞌ kuxi nu nchkwiiꞌ ꞌin Ndiose, kanꞌ chaꞌ kuun kee ba ꞌiin. Sñiꞌ nten chalyuu lkaa, loꞌo nuꞌwin ngiꞌnii chaꞌ Ndiose lkaa.

SAN JUAN 10:36

¿Ni chaꞌ lka mstya wan kiꞌya ꞌñaǎn tloo Ndiose sikwa a?, chaꞌ nu ndukwin wan chaꞌ kuxi ꞌa nchkwiǐnꞌ ꞌin Ndiose ―ndukwin Jesús―. Wa ngulo suwi Stiǐn ꞌñaǎn, msuꞌwa Ni ꞌñaǎn chaꞌ mdiyaǎn lo chalyuu. ¿Ni chaꞌ lka nxkeꞌ tiꞌ wan chaꞌ ja suꞌwe chaꞌ nu ykwiǐnꞌ, chaꞌ skaǎn tiǎn lkaǎn Sñiꞌ Ndiose a?

LOS HECHOS 14:14

Nten nu ndaꞌan tijyuꞌ nchkwiꞌ chaꞌ ꞌin Jesucristo ngwa Palyu loꞌo Bernabé, kanꞌ chaꞌ xiꞌin ꞌa tiꞌ taꞌa tyukwaa neꞌ bra nu ngwiꞌya neꞌ kwenta ni sa ñaꞌan ngiꞌni neꞌ kichen kanꞌ. Kanꞌ chaꞌ msaaꞌ neꞌ steꞌ neꞌ. Loꞌo bra ti msnan Palyu loꞌo Bernabé ndyaa laja seꞌen ndiꞌin kaꞌan nten kanꞌ; kwen ꞌa msiꞌya neꞌ loꞌo neꞌ kichen kanꞌ: