SAN MATEO 26:58 - Chatino Zona Alta Occidental

⁵⁸ Loꞌo Tyu kanꞌ ni, tijyuꞌ ti ndaꞌan ñaꞌan yu chunꞌ neꞌ nu msñi ꞌin Jesús, sa ñaꞌan yaꞌ nu mdiyan neꞌ tu loꞌoo ꞌin xꞌnan sti joꞌo kanꞌ. Kwiꞌ yten Tyu niꞌ lyoꞌoo kanꞌ, suꞌwa ti ndukwa yu loꞌo neꞌ policía, chaꞌ nchka tiꞌ yu ñaꞌan yu sa ñaꞌan kuꞌni lyoꞌo neꞌ ꞌin Jesús.

SAN MATEO 26:58 Iomraidhean Croise

SAN MATEO 26:3

Ti kwiꞌ ti bra nu nchkwiꞌ Jesús, bra kanꞌ ndyoꞌ tiꞌin tyun sti joꞌo nu lka ndloo, loꞌo mstru nu nduꞌu chaꞌ joꞌo ꞌin nten, loꞌo yu kula ꞌin neꞌ judío; ndyoꞌ tiꞌin neꞌ seꞌen ndiꞌin Caifás nu ngwa xꞌnan nchga sti joꞌo kwa.

SAN MATEO 5:25

’Nde lka sa ñaꞌan kuꞌni wan bra nu ndiya nten nu xtya kiꞌya ꞌwan tuꞌ naꞌan tñan: bra ti kuꞌni wan chaꞌ tlyu tiꞌ ꞌin taꞌa wan kanꞌ, nu ti ji tiya wan seꞌen ndukwa yu wsiya chaꞌ kuꞌni biyaꞌ neꞌ chaꞌ wsuun kanꞌ. Kuxi la chaꞌ si ka tlá ꞌa yu wsiya, kanꞌ xiꞌya yu ꞌin neꞌ policía chaꞌ suꞌwa neꞌ ꞌwan niꞌ ñaꞌan chkwan bra kanꞌ.

SAN LUCAS 22:54

Loꞌo msñi neꞌ ꞌin Jesús chaꞌ ka presu, ndyaa loꞌo neꞌ ꞌin nde tuꞌ naꞌan ꞌin xꞌnan sti joꞌo bra kanꞌ. Loꞌo Tyu ni, ndyaa ñaꞌan yu ꞌin neꞌ tijyuꞌ ti bra kanꞌ.

SAN JUAN 18:25

Ti nduun Tyu tuꞌwa kiiꞌ chaꞌ katsun tiꞌ yu. Ykwiꞌ xka nten nu ndiꞌin nde kwa loꞌo yu bra kanꞌ: ―¿Ta ja loꞌo nuꞌwin ngiꞌni xaꞌaan chaꞌ ꞌin yu kwa a? Ja mslyaa Tyu katsaꞌ ñi ꞌin neꞌ. ―Ja loꞌoǔn ―ndukwin.

SAN JUAN 19:6

Loꞌo sti joꞌo nu lka ndloo loꞌo yu policía ꞌin neꞌ, kwen msiꞌya loꞌo neꞌ ꞌin Pilato bra nu naꞌan neꞌ chaꞌ ndijyan Jesús. ―¡Yjwi lya wan ꞌin yu! ¡Yjwi lya wan ꞌin yu kwa! ―ndukwin neꞌ ꞌin Pilato. Ykwiꞌ Pilato loꞌo neꞌ bra kanꞌ: ―Yaa loꞌo lya wan ꞌin yu, ti ykwiꞌ ti wan chaꞌ jwiꞌin kaꞌan wan ꞌin yu lo wsi sikwa ―ndukwin Pilato ꞌin neꞌ―, chaꞌ kwenta ꞌñaǎn ja ndukwi yu kiꞌya.

SAN JUAN 7:32

Wa ynan neꞌ fariseo nchga chaꞌ nu nchkwiꞌ neꞌ kichen chaꞌ ꞌin Jesús. Kanꞌ chaꞌ ngulo neꞌ tñan ꞌin xta nu ngiꞌni kwan niꞌ lyaa, chaꞌ tsaa neꞌ xñi neꞌ ꞌin Jesús; ngwañaꞌan yꞌni sti joꞌo nu nka ndloo loꞌo neꞌ fariseo kanꞌ.

SAN JUAN 7:45

Xiyaꞌ ndyaa xta nu ngiꞌni kwan niꞌ lyaa kanꞌ seꞌen ndiꞌin sti joꞌo nu lka ndloo, seꞌen ndiꞌin neꞌ fariseo. Mnichaꞌ neꞌ ꞌin xta bra kanꞌ: ―¿Ni chaꞌ lka ja loꞌo yu kanꞌ mdiyan loꞌo wan seꞌen ndiꞌin ba a?

LOS HECHOS 5:22

Ndyaa neꞌ bra kanꞌ; loꞌo bra nu mdiyan neꞌ tuꞌ naꞌan chkwan, ja tukwin ꞌa nsuꞌwi nde kwa bra kanꞌ. Bra ti mxituun neꞌ ndyaan neꞌ seꞌen ndiꞌin yu kula kanꞌ.

LOS HECHOS 5:26

Bra ti mdoꞌo nu lka ndloo ꞌin neꞌ nu ndiꞌin kwan kanꞌ, ndyaa yu loꞌo xta ꞌin yu, yaa yꞌya neꞌ ꞌin presu kanꞌ. Ja msuꞌwa xta jwersa ꞌin neꞌ kanꞌ xa nu msñi yu ꞌin neꞌ, chaꞌ ntsen xta ꞌin neꞌ kichen, si kuun neꞌ kee ꞌin xta.