SAN MATEO 26:5 - Chatino Zona Alta Occidental

⁵ ―Ja suꞌwe xñian ꞌin yu tsan taꞌa ―ndukwin neꞌ kanꞌ―. Kasinꞌ ꞌa tiꞌ nchga nten nu ndiꞌin tsan taꞌa, tlyu ꞌa chaꞌ wsuun ka bra kanꞌ ―ndukwin neꞌ kanꞌ.

SAN MATEO 26:5 Iomraidhean Croise

SAN MATEO 14:5

Nu ngwa bra kanꞌ ngwa tiꞌ Herodes kujwi ꞌin Xuwa, loꞌo ytsen yu ꞌin neꞌ kichen, chaꞌ ndyaa ñaꞌan tiꞌ neꞌ chaꞌ wa ykwiꞌ Xuwa chaꞌ ꞌin Ndiose loꞌo neꞌ.

SAN MATEO 21:26

Loꞌo si xkwean: “Chabiyaꞌ ꞌin nten ti mdukwatya Xuwa kanꞌ ꞌin nten”, ti kwiꞌ ti chaꞌ, ja suꞌwe chaꞌ kanꞌ, chaꞌ nchga neꞌ kichen re ndyaa ñaꞌan tiꞌ neꞌ chaꞌ chañi chaꞌ ykwiꞌ Xuwa kanꞌ xkwiꞌ chaꞌ ꞌin Ndiose loꞌo nten. Loꞌo ntsean ꞌin neꞌ kichen re.

SAN MATEO 27:24

Bra nu naꞌan Pilato chaꞌ tlá ꞌa ngiꞌni tloo neꞌ, chaꞌ msinꞌ ꞌa tiꞌ neꞌ, jlyo tiꞌ yu chaꞌ ja xlyaa ꞌa neꞌ kunan neꞌ chaꞌ nchkwiꞌ yu loꞌo neꞌ bra kanꞌ. Kanꞌ chaꞌ ngulo yu tñan ꞌin ska msu chaꞌ kan loꞌo msu kanꞌ ska siꞌyuu tyiꞌa. Mnaꞌ yu tloo nchga nten bra kanꞌ. ―Luwi kanun yaǎnꞌ ―ndukwin yu―, chaꞌ siꞌi chaꞌ ꞌñaǎn kaja yu nu ja ska kiꞌya ndukwi re ―ndukwin Pilato ꞌin neꞌ―. Chaꞌ ꞌwan lka chaꞌ kanꞌ.

SAN MARCOS 14:12

Nu ngwa tsan kulo ꞌin taꞌa nu nchku neꞌ jaxlya tiji nu ja loꞌo skwan tiyeꞌ ndyaꞌ kanꞌ, tsan kanꞌ ngwa taꞌa siin pascua, tsan nu ndujwi neꞌ slyaꞌ kuneꞌ chaꞌ ku neꞌ taꞌa. Bra kanꞌ mnichaꞌ neꞌ nu ngiꞌni xaꞌan chaꞌ ꞌin Jesús: ―¿La nde yaꞌ kuꞌni xuꞌwe ba chaꞌ ku siinan chaꞌ ꞌin taꞌa pascua a? ―ndukwin neꞌ ꞌin yu.

SAN MARCOS 14:2

Ykwiꞌ neꞌ loꞌo taꞌa neꞌ bra kanꞌ: ―Ja suꞌwe xñian ꞌin yu tsan nchka taꞌa ―ndukwin neꞌ―. Kasinꞌ ꞌa tiꞌ nchga nten nu ndiꞌin taꞌa si ngwañaꞌan kuꞌnian, tlyu ꞌa chaꞌ wsuun ka kanꞌ bra kanꞌ.

SAN MARCOS 14:27

Xiyaꞌ ykwiꞌ Jesús loꞌo nten nu ngiꞌni xaꞌan chaꞌ ꞌin yu bra kanꞌ: ―Taꞌa wan ka jyuꞌu tiꞌ wan ꞌñaǎn ―ndukwin Jesús ꞌin neꞌ―. Kulaa yaꞌ wan chinꞌ ꞌñaǎn ndiꞌa. Kanꞌ ka chaꞌ nu ndukwa lo kityi ꞌin Ndiose: “Kujwiǐn ꞌin nten nu naꞌansiin ꞌin slyaꞌ kanꞌ, loꞌo xnan nchga slyaꞌ tyaa iꞌ bra kanꞌ, ndukwin Ndiose.” Ngwañaꞌan nchkwiꞌ kityi kanꞌ.

SAN LUCAS 20:6

Si chkwianꞌ chaꞌ nten chalyuu mda chabiyaꞌ ꞌin Xuwa kanꞌ, bra kanꞌ kujwi nchga nten nu ndiꞌin re ꞌñaan loꞌo kee, chaꞌ ska yu nu ykwiꞌ chaꞌ ꞌin Ndiose loꞌo nten ngwa ayman Xuwa kanꞌ, nchkwiꞌ neꞌ.

SAN LUCAS 22:7

Bra kanꞌ wa mdiya tsan taꞌa nu nchku neꞌ jaxlya tiji kanꞌ nu ja loꞌo skwan tiyeꞌ ndyaꞌ; ti kwiꞌ tsan kanꞌ ndiꞌin chaꞌ kujwi neꞌ slyaꞌ kuneꞌ chaꞌ ku neꞌ siin taꞌa pascua kanꞌ.

SAN JUAN 18:28

Loꞌo mdoꞌo neꞌ seꞌen ndiꞌin Caifás bra kanꞌ, ndyaa loꞌo neꞌ ꞌin Jesús seꞌen ndiꞌin gobernador romano nu naan Pilato. Wa kiꞌya ti xaa bra kanꞌ, kanꞌ chaꞌ ja mslyaa neꞌ judío sten neꞌ niꞌ ñaꞌan ꞌin gobernador; kti ꞌa ngiꞌni neꞌ kanꞌ chaꞌ taꞌa. Nxkeꞌ tiꞌ neꞌ chaꞌ wñuꞌun chaꞌ ꞌin neꞌ si sten neꞌ niꞌ ñaꞌan ꞌin neꞌ nu ja luwi, neꞌ xka laꞌa tsuꞌ; ja kaja chabiyaꞌ ku siin neꞌ tsan taꞌa kanꞌ bra kanꞌ.

LOS HECHOS 19:29

Ni siya ja jlyo tiꞌ nten kichen nan lka ngwa ꞌin neꞌ kanꞌ, ni chaꞌ msiꞌya ꞌa neꞌ ngwañaꞌan, kanꞌ msnan taꞌa neꞌ ndyaa neꞌ chaꞌ ñaꞌan kwiꞌya neꞌ chinꞌ ꞌin neꞌ. Loꞌo msñi neꞌ ꞌin Gayu loꞌo Aristarco taꞌa ndaꞌan Palyu bra kanꞌ, ni siya yu Macedonia lka yu kanꞌ, ndyaa loꞌo neꞌ ꞌin yu kanꞌ nde seꞌen ndyoꞌ tiꞌin nten kichen.

LOS HECHOS 21:38

―¿Ta siꞌi nuꞌwin lkaa neꞌ Egipto kanꞌ nu ngwa ndloo ꞌin neꞌ nu msuun loꞌo gobierno nu ngwa xkanꞌ a? ―ndukwin xꞌnan sndaru ꞌin Palyu―. ¿O ta siꞌi nuꞌwin yaa loꞌo ꞌin jakwa mi nten kuxi lo ntenꞌ wtyi a?