SAN MATEO 26:18 - Chatino Zona Alta Occidental

¹⁸ ―Tsaa wan lo kichen seꞌen ndiꞌin taꞌa suꞌwe nsuꞌwiǐn kanꞌ. Chkwiꞌ wan chaꞌ re loꞌo yu: “Ndukwin mstru ꞌñaan chaꞌ wa ndla ti tiya bra ꞌin yu. Loꞌo ni, nchka tiꞌ ti kwiꞌ yu kula kanꞌ ku siin taꞌa pascua naꞌan tyii loꞌo neꞌ nu ngiꞌni xaꞌan chaꞌ ꞌin yu.”

SAN MATEO 26:18 Iomraidhean Croise

SAN MATEO 21:3

Si kunichaꞌ neꞌ kichen kwa ꞌwan: “¿Ni sa ñaꞌan tñan kuꞌni wan loꞌo buru kwa?”, katsaꞌ wan chaꞌ re ꞌin neꞌ bra kanꞌ: “Ndiya tñan kuꞌni buru re chaꞌ ꞌin ti kwiꞌ nu nka Xꞌnaan.” Bra ti ta neꞌ chabiyaꞌ ꞌwan chaꞌ kan loꞌo wan ꞌin iꞌ bra kanꞌ.

SAN MATEO 23:10

Loꞌo ja ta wan chabiyaꞌ ꞌin nten chaꞌ chkwiꞌ neꞌ chaꞌ ꞌwan chaꞌ xꞌnan neꞌ nka wan, chaꞌ ska ti Krixtu nka Xꞌnan wan nu chañi.

SAN MATEO 23:8

’ꞌWan ni, ja suꞌwe si chkwiꞌ nten ꞌwan chaꞌ mstru lka wan; suꞌwe la si ska ti chaꞌ nka tiye wan loꞌo taꞌa nten wan, chaꞌ ska ti mstru nsuꞌwi ꞌwan, kanꞌ lka Krixtu.

SAN MATEO 26:19

Mdoꞌo neꞌ nu ngiꞌni xaꞌan kanꞌ ndyaa neꞌ lo kichen, yꞌni neꞌ nchga tñan nu wa ngulo Jesús ꞌin neꞌ; yꞌni xuꞌwe neꞌ nchga nan nu kunanjoꞌo ꞌin neꞌ chaꞌ ku siin neꞌ taꞌa pascua.

SAN MATEO 26:2

―Jlyo tiꞌ wan chaꞌ tyukwa ti tsan ti ji chaꞌ ka taꞌa siin pascua. Tsan kanꞌ xñi neꞌ xaꞌan ꞌñaǎn nu wa msuꞌwa Ndiose ꞌñaǎn ndijyaǎn chaꞌ kaǎn nten. Tsaa loꞌo neꞌ ꞌñaǎn chaꞌ kujwi neꞌ ꞌñaǎn lo wsi bra kanꞌ.

SAN MATEO 26:49

kanꞌ chaꞌ ndyaa yu kanꞌ seꞌen ndiꞌin Jesús chaꞌ xñi siꞌ taꞌa yu loꞌo. ―¿Ni rsun ndaa ni, Mstru? ―ndukwin Juda ꞌin Jesús. Msñi Juda siꞌ Jesús.

SAN MARCOS 5:35

Bra nu ti nchkwiꞌ Jesús loꞌo nu kunaꞌan kanꞌ, bra kanꞌ mdiyan ska msu ꞌin Jairo, yu kula nu lka tñan niꞌ lyaa kanꞌ, mdyukwa taꞌa loꞌo neꞌ. Ykwiꞌ msu kanꞌ loꞌo Jairo chaꞌ ꞌin nu xuwe tiꞌí: ―Wa ngujwi sñiꞌ wan, yu kula ―ndukwin msu ꞌin xꞌnan―. Ja ndiꞌin chaꞌ chkwiꞌ la wan loꞌo mstru re.

SAN LUCAS 22:53

Nchga tsan mdiꞌiǐn loꞌo wan niꞌ lyaa tnun kanꞌ, ja siyaꞌ mskwen yaꞌ wan ꞌñaǎn bra kanꞌ. Loꞌo ni, wa mjwi chinꞌ tyempu ꞌwan chaꞌ kuꞌni wan chaꞌ kuxi re, chaꞌ wa mda kuneꞌ xaꞌan chabiyaꞌ ꞌwan; ti kwiꞌ kanꞌ lka nu ndlo la tñan ꞌwan.

SAN JUAN 11:28

Mdyii ykwiꞌ Marta ndyaa bra kanꞌ, mnan ti msiꞌya ꞌin Liya taꞌa ngula: ―Wa kala ti Mstru ꞌñaan nde re ―ndukwin―. Nxiꞌya yu ꞌiin chaꞌ tsaa seꞌen ndiꞌin yu.

SAN JUAN 12:23

Loꞌo ykwiꞌ Jesús chaꞌ re loꞌo neꞌ: ―Wa ndiya bra ꞌñaǎn chaꞌ ka tnuǔn bra nu kajaǎn, naꞌ nu wa mdiyaǎn lo chalyuu chaꞌ kaǎn nten ―ndukwin Jesús―.

SAN JUAN 13:1

Ti ji tyukwa tsan chaꞌ ka taꞌa pascua kanꞌ; jlyo tiꞌ Jesús chaꞌ wa tiya ti bra ꞌin yu, chaꞌ tyoꞌo yu chalyuu re tyaa yu nde seꞌen ndiꞌin Ndiose Sti yu. Xkwiꞌ nsuꞌwi ꞌa chaꞌ tiye Jesús ñaꞌan yu ꞌin nten chalyuu nu wa yten chaꞌ ꞌin yu; loꞌo ñaꞌan ti nsuꞌwi ꞌa chaꞌ tiye yu ꞌin nten kanꞌ, sa ñaꞌan bra nu tyii chalyuu ꞌin yu.

SAN JUAN 17:1

Xa wa mdyii ykwiꞌ Jesús chaꞌ kanꞌ, naꞌan yu nde niꞌ kwan, loꞌo kwen ꞌa ykwiꞌ yu loꞌo Ndiose Sti yu: ―Chkwiǐnꞌ loꞌoo ni, chaꞌ nuꞌwin lkaa Stiǐn ―ndukwin Jesús―. Wa ndiya bra ꞌñaǎn chaꞌ kajaǎn. Loꞌo ni, kuꞌnii chaꞌ ka tlyuǔn, chaꞌ bra kanꞌ ka kuꞌniǐn chaꞌ ka tlyu la nuꞌwin, chaꞌ naꞌ lkaǎn Sñiiꞌ.

SAN JUAN 20:16

―¡Liya! ―ndukwin Jesús ꞌin nu kunaꞌan kanꞌ. Bra ti mxituun Liya naꞌan seꞌen nduun Jesús. ―¡Rabuni! ―ndukwin. Ska chaꞌ hebreo lka: Mstru ꞌñaǎn, ngwañaꞌan ndyoꞌo chaꞌ kanꞌ.

SAN JUAN 7:30

Xa wa mdyii ykwiꞌ Jesús chaꞌ kanꞌ, mdiyan xka ta nten seꞌen ndiꞌin yu bra kanꞌ, ngwa tiꞌ neꞌ chaꞌ xñi neꞌ ꞌin yu. Loꞌo ja tukwin ngwa ꞌin kalaꞌ ꞌin yu, chaꞌ ti ji tiya bra ꞌin neꞌ xaꞌan chaꞌ xñi neꞌ ꞌin yu.

SAN JUAN 7:6

Kanꞌ chaꞌ ykwiꞌ Jesús chaꞌ re: ―Ti ji tiya bra nu ndiꞌin chaꞌ tsaꞌaǎn la kanꞌ. Loꞌo ꞌwan ni, ya ñaꞌan ti tsan suꞌwe chaꞌ tsaa wan ―ndukwin Jesús―,

SAN JUAN 7:8

Yaa lya wan ykwiꞌ ti wan taꞌa kanꞌ; ja tsaꞌaǎn, chaꞌ ti ji tiya bra nu ndiꞌin chaꞌ tsaꞌaǎn la kanꞌ.