SAN MATEO 24:24 - Chatino Zona Alta Occidental

²⁴ chaꞌ Krixtu kwiñi ka yu kanꞌ. Kwiꞌ ngwañaꞌan, tyoꞌo tukwa neꞌ kwiñi nu chkwiꞌ chabiyaꞌ ꞌin Ndiose, nchkwin neꞌ; kwiñi ti kuꞌni neꞌ kanꞌ chaꞌ tnun chaꞌ kuwe ꞌa tiꞌ nten. Loꞌo kuꞌni neꞌ kwiñi kanꞌ ngwañaꞌan, chaꞌ nchka tiꞌ neꞌ kuꞌni neꞌ kanan ꞌwan loꞌo ꞌin nchga nten nu wa ngulo suwi Ndiose ꞌin.

SAN MATEO 24:24 Iomraidhean Croise

SAN MATEO 22:14

Loꞌo Ndiose ni, wa mnin Ni ꞌin kaꞌan ꞌa nten chaꞌ kunan suꞌwe neꞌ nchga chaꞌ nu nchkwiꞌ Ni, loꞌo wa lka ti nten nu ndlo suwi Ni chaꞌ ka neꞌ nten ꞌin Ni.

SAN MATEO 24:11

Kwiꞌ ngwañaꞌan, tyoꞌo tukwa kaꞌan neꞌ kwiñi, nu chkwiꞌ chaꞌ ꞌin Ndiose, nchkwin neꞌ. Kwiñi lyoꞌo neꞌ kanꞌ ꞌin tyun neꞌ taꞌa wan, nu lka wan nten ꞌñaǎn.

SAN MATEO 24:22

Wa ykwiꞌ Ndiose chaꞌ chinꞌ ti tsan tyijin neꞌ nu tiꞌí ngwañaꞌan; si chan talo tyempu kuxi kanꞌ, ja ska ꞌa nten chalyuu tyoꞌo laa neꞌ bra kanꞌ. Loꞌo kuꞌni Ni chaꞌ chinꞌ ti tsan talo tyempu kuxi kanꞌ, chaꞌ chka tꞌnan ꞌa tiꞌ Ndiose ñaꞌan Ni ꞌin nten ꞌin Ni.

SAN MATEO 24:25

Wa ytsaǎnꞌ chaꞌ kanꞌ ꞌwan ni, xa nu ti ji ti ka chaꞌ kuxi kanꞌ,

SAN MATEO 24:31

Bra nu lye kanen kuwi, bra kanꞌ kuloǔn tñan ꞌin kaꞌan ꞌa angajle ꞌñaǎn chaꞌ tsaa xoꞌ tiꞌin ꞌin nchga nten nu wa ngulo suwi Ndiose ꞌin; tyoꞌo neꞌ kanꞌ la seꞌen ndiꞌin nten ñaꞌaan chalyuu kan neꞌ tloo Ni bra kanꞌ.

SAN MATEO 24:5

Nde loo la kan tyun nten kwiñi nu chkwiꞌ chaꞌ chabiyaꞌ ꞌñaǎn ndijyan neꞌ. “Krixtu lkaǎn” nchkwin neꞌ kanꞌ ꞌwan, chaꞌ kwiñi lyoꞌo neꞌ ꞌin kaꞌan ꞌa nten nu tsaa ñaꞌan tiꞌ chaꞌ nu chkwiꞌ neꞌ.

SAN MATEO 7:15

’Xka chaꞌ ni: Chaꞌ tiya ti tiꞌ wan kuꞌni wan loꞌo nten nu kwiñi, nu nchkwiꞌ chaꞌ chabiyaꞌ ꞌin Ndiose nduꞌu neꞌ ꞌwan, nchkwiꞌ neꞌ. Ska ꞌni suꞌwe lka slyaꞌ, ja tlá iꞌ; loꞌo neꞌ kwiñi kanꞌ, nchka tiꞌ neꞌ kwiñi lyoꞌo neꞌ ꞌwan chaꞌ nten suꞌwe lka neꞌ, chaꞌ lka neꞌ ñaꞌan tiꞌ slyaꞌ. Suꞌwe ꞌa ngiꞌni neꞌ loꞌo wan, loꞌo nde niꞌ kasiya ꞌin neꞌ kanꞌ, xaꞌan ꞌa neꞌ. Kwiñi ꞌa neꞌ kanꞌ. Ja lka neꞌ kanꞌ ñaꞌan tiꞌ slyaꞌ; ñaꞌan tiꞌ nguoꞌo nu tlá ꞌa, ngwañaꞌan lka neꞌ kanꞌ.

SAN MARCOS 13:22

Krixtu kwiñi ka neꞌ kanꞌ. Kwiꞌ ngwañaꞌan, kan la chinꞌ nten kwiñi nu chkwiꞌ chaꞌ ntsaꞌ neꞌ chaꞌ nu ykwiꞌ Ndiose loꞌo nten; chaꞌ kwiñi ti kuꞌni neꞌ kanꞌ chaꞌ tnun, chaꞌ kuwe ꞌa tiꞌ nten. Kuꞌni neꞌ kwiñi kanꞌ ngwañaꞌan, chaꞌ kwiñi lyoꞌo neꞌ ꞌwan, chaꞌ nchka tiꞌ neꞌ kwiñi lyoꞌo neꞌ ꞌin nchga nten nu wa ngulo suwi Ndiose chaꞌ ka neꞌ nten ꞌin Ni.

SAN LUCAS 18:7

Loꞌo Ndiose ni, suꞌwe ꞌa nsuꞌwi tiye Ndiose, bra ti tayaꞌ Ni ꞌin nten nu wa ngulo suwi Ni chaꞌ ka nten ꞌin Ni, chunꞌ lye ꞌa nchkwiꞌ neꞌ loꞌo Ni tsan loꞌo tla. ¿Ta tiyaꞌ ꞌa tayaꞌ Ndiose ꞌin neꞌ, nxkeꞌ tiꞌ wan a?

SAN JUAN 4:48

―¿Ni ñaꞌan bra tsaa ñaꞌan tiꞌ wan ꞌin Ndiose a? ―ndukwin Jesús ꞌin yu kula kanꞌ bra kanꞌ―. Jlyo tiǎnꞌ chaꞌ ja tsaa ñaꞌan tiꞌ wan ꞌin Ndiose chaꞌ ka kuꞌni Ni nchga tñan, ni siya kuꞌniǐn ska chaꞌ tnun chaꞌ ñaꞌan kwiꞌya wan ꞌin ran.

SAN JUAN 6:37

Nchga nten nu wa nda Stiǐn chaꞌ ka ꞌñaǎn, neꞌ nu msñi chaꞌ ꞌñaǎn, ka neꞌ kanꞌ nten ꞌñaǎn bra kanꞌ, loꞌo ja kuloǔn ꞌin neꞌ chaꞌ tyaa neꞌ xka seꞌen.

SAN JUAN 6:39

Nchka tiꞌ Stiǐn chaꞌ ja ska nten kanaꞌ, xa wa msñi neꞌ chaꞌ ꞌñaǎn. Kwiꞌ kuꞌniǐn chaꞌ tyuꞌu neꞌ kanꞌ xiyaꞌ xa wa tyii ti chalyuu ―ndukwin―.

LOS HECHOS 20:16

Ja yaa ba nde kichen Efeso, chaꞌ ja mslyaa Palyu kanun yu chan lo yuu ꞌin Asia kanꞌ; ngwa tiꞌ yu chaꞌ tyaa lya yu nde Jerusalén chaꞌ tyiꞌin yu kichen kanꞌ xa nu nchka taꞌa Pentecostés, si ka ꞌin yu.

ROMANOS 12:18

Tsaa naan wan ska ñaꞌan nu suꞌwe ti tyiꞌin wan loꞌo nchga nten, chaꞌ ja kaja nu xuun loꞌo wan.

GÁLATAS 4:15

Suꞌwe ꞌa ngwa tiye wan loꞌoǔn bra kanꞌ, sa ñaꞌan ngwa si ngwa tiꞌ wan kulo wan ti ykwiꞌ wan kiloo wan chaꞌ ta wan ꞌñaǎn, chaꞌ lye ꞌa mdayaꞌ wan ꞌñaǎn bra kanꞌ. Loꞌo ni, ¿nan lka ngwa ꞌwan ni a?

2 TIMOTEO 2:19

Wa mstya suꞌwe Ndiose kiyaꞌ chaꞌ ꞌin ñaꞌan nu nka nten ꞌin Ni. Nde ndukwa ska chaꞌ: “Wa nsuꞌwi lyo ykwiꞌ Ni nchga nu ka nten ꞌin Ni.” Loꞌo ndukwa xka chaꞌ re: “Nchga nten nu ndiꞌin chaꞌ ꞌin loꞌo Krixtu, ndiꞌin chaꞌ kulaa yaꞌ neꞌ nchga chaꞌ kuxi.” Ngwañaꞌan nchkwiꞌ lo kityi ꞌin Ndiose.

1 SAN PEDRO 1:5

Wa msñi wan chaꞌ ꞌin Ndiose, kanꞌ chaꞌ ngiꞌni Ni kwan ꞌwan ni, ñaꞌansiin Ni ꞌwan. Loꞌo ja tukwin nsuꞌwi nu ngula la jwersa ꞌin, ja tukwin ka tyijin lyo ꞌin Ndiose. Ja ta Ni chabiyaꞌ chaꞌ tyukwa wan chaꞌ kuxi, loꞌo bra kanꞌ kulaa Ni ꞌwan xa wa tyii chalyuu re, chaꞌ wa ndyaa Ni kuꞌni xuꞌwe Ni seꞌen tyiꞌin wan nde seꞌen ndiꞌin Ndiose Sti yu.

2 SAN PEDRO 3:17

ꞌWan taꞌa suꞌwe nsuꞌwian ni, wa ngwaꞌaǎn nchga chaꞌ re chaꞌ ndii ti tiꞌ wan, chaꞌ ja ta wan chabiyaꞌ ꞌin neꞌ kwiñi kanꞌ chaꞌ kwaꞌu neꞌ xka chaꞌ ꞌwan. Chañi lka chaꞌ nu yꞌni xaꞌan wan ti kulo, loꞌo ni, ja suꞌwe si tukwa wan chaꞌ kwiñi nu nduꞌu neꞌ kanꞌ; ja suꞌwe kulaa yaꞌ wan ꞌin chaꞌ nu ñi ꞌin Jesús bra kanꞌ.

1 SAN JUAN 2:18

ꞌWan sñiěnꞌ, wa mdiya bra nu tyii nchga nan nu ndiꞌin lo chalyuu. Wa jlyo tiꞌ wan chaꞌ wa kan ti ska nten nu tnun nchkwiꞌ, nu kwiñi lyoꞌo ꞌin taꞌa ntean chaꞌ Krixtu lka, nchkwin yu; xuun yu kanꞌ loꞌoan taꞌaan nu ndiꞌin chaꞌ ꞌñaan loꞌo Krixtu. Ni siya bra ni, kaꞌan ꞌa neꞌ kwiñi ndiya lo chalyuu, nu nchka tiꞌ xuun loꞌo nten ꞌin Krixtu; kanꞌ chaꞌ wa nchka biyaꞌ tianꞌ chaꞌ ndla ti tyii nchga nan.

1 SAN JUAN 2:22

¿Ti ka nu kwiñi sikwa a? Nten kwiñi kanꞌ lka nu nchkwiꞌ chaꞌ siꞌi Krixtu lka Jesús, ti kwiꞌ Krixtu nu wa msuꞌwa Ndiose ꞌin mdiyan lo chalyuu. Nxuun neꞌ kanꞌ loꞌo nten nu ndiꞌin chaꞌ ꞌin loꞌo Krixtu, chaꞌ nchkwiꞌ neꞌ kanꞌ chaꞌ ja lka Jesucristo Sñiꞌ ykwiꞌ Ndiose, chaꞌ siꞌi Ndiose lka Sti Jesucristo.

1 SAN JUAN 5:18

Jlyo tianꞌ chaꞌ ja ngiꞌni nten ꞌin Jesucristo chaꞌ kuxi. Jesucristo, ska ti nu lka Sñiꞌ Ndiose, kanꞌ lka nu nxñi kwenta ꞌin neꞌ, chaꞌ ja ka kalaꞌ kuneꞌ xaꞌan ꞌin neꞌ kanꞌ bra kanꞌ.

EL APOCALIPSIS 19:20

Msuun neꞌ msuun neꞌ, loꞌo mskanꞌ neꞌ ꞌin ꞌni chen ñaꞌan kanꞌ chaꞌ lka iꞌ presu; kwiꞌ ngwañaꞌan yu nu kwiñi, nu nchkwiꞌ chaꞌ chabiyaꞌ ꞌin Ndiose nchkwiꞌ, loꞌo yu kanꞌ ngwa yu presu bra kanꞌ. Ti kwiꞌ nu kwiñi, kanꞌ lka nu yꞌni chaꞌ tnun tloo ꞌni chen ñaꞌan kanꞌ ti ngwa sꞌni, chaꞌ xitsen ꞌin nten chalyuu bra kanꞌ; wa mñi lyoꞌo kanꞌ ꞌin nchga nten, kanꞌ chaꞌ nda neꞌ chabiyaꞌ tyaꞌan biyaꞌ ꞌin ꞌni chen ñaꞌan kanꞌ chkan neꞌ, kwiꞌ yꞌni tnun neꞌ ꞌin nkwin iꞌ bra kanꞌ. Xa wa mdyii chaꞌ mxkwan Ndiose ꞌin ꞌni chen ñaꞌan kanꞌ loꞌo nu kwiñi kanꞌ, ndyaa neꞌ ñaꞌan luꞌu ti neꞌ lo tiyuꞌ kiiꞌ, seꞌen ndiꞌin kiiꞌ tnun nu tiꞌí ꞌa nsuwenꞌ ꞌin nten chaꞌ loꞌo yuu sufri nchkin bra kanꞌ.