SAN MATEO 23:4 - Chatino Zona Alta Occidental

⁴ Loꞌo neꞌ fariseo kanꞌ, ndlo neꞌ tñan ꞌin taꞌa nten neꞌ chaꞌ tnun ꞌa yuꞌwa kwiꞌya neꞌ. Tiꞌin ꞌa yuꞌwa nxtya neꞌ fariseo kanꞌ skun nten, loꞌo ja ndlyaꞌ neꞌ yuꞌwa kanꞌ siyaꞌ ti.

SAN MATEO 23:4 Iomraidhean Croise

SAN MATEO 23:23

’¡Tꞌnan ꞌa ꞌwan mstru nu nduꞌu chaꞌ joꞌo, loꞌo ꞌwan neꞌ fariseo, chaꞌ tukwa chaꞌ nsuꞌwi tiye wan! Kti ꞌa ngiꞌni wan tloo Ndiose loꞌo nchga nan xuwe ti nu nsuꞌwi ꞌwan; bra nu nsuꞌwi tii lkaꞌ kanunꞌ xlya ꞌwan ni, bra ti nda wan ska ꞌin Ndiose bra kanꞌ, ta nxin, ta mta komino, kwiꞌ ngwañaꞌan ngiꞌni wan. Loꞌo chaꞌ nu ngwaꞌu Stian Ndiose, nu ndloo la ꞌwan chaꞌ kuꞌni wan, ja la nduwe tiꞌ wan chaꞌ kanꞌ. Wa ykwiꞌ Ndiose chaꞌ kuꞌni biyaꞌ ñi wan ꞌin nten, chaꞌ chka tꞌnan tiꞌ wan ꞌin nten, chaꞌ tsaa ñaꞌan suꞌwe tiꞌ wan ꞌin Ni; loꞌo ja nnan wan chaꞌ kanꞌ. Ndiꞌin chaꞌ tukwa wan chaꞌ nu ndloo la kanꞌ, ni siya ti kuꞌni wan chaꞌ suꞌwe sa ñaꞌan nu ngiꞌni ti wan bra nu nda wan lomstan xuwe ti kanꞌ.

SAN MATEO 23:3

Kanꞌ chaꞌ ndiꞌin chaꞌ kunan suꞌwe wan chaꞌ nu nduꞌu neꞌ kanꞌ ꞌwan, ndiꞌin chaꞌ tukwa wan nchga chaꞌ nu ndukwa lo kityi nu nduꞌu neꞌ kanꞌ; ska ti chaꞌ, ja kuꞌni wan sa ñaꞌan nu ngiꞌni neꞌ kanꞌ, chunꞌ ja la ndukwa neꞌ chaꞌ kanꞌ ni siya suꞌwe ꞌa nduꞌu neꞌ chaꞌ joꞌo.

SAN LUCAS 11:46

Mxkwen Jesús ꞌin yu kanꞌ bra kanꞌ: ―Loꞌo ꞌwan, mstru nu nduꞌu chaꞌ joꞌo, ¡tꞌnan ꞌa ꞌwan! Tiꞌin ꞌa tñan nu nda wan chaꞌ kuꞌni nten, sa ñaꞌan yaꞌ nu ja nchka ꞌa ꞌin neꞌ kuꞌni neꞌ tñan kanꞌ siyaꞌ ti. Loꞌo ꞌwan ni, ja ndayaꞌ wan ꞌin neꞌ; ni loꞌo ska loo xñii yaꞌ ti wan, ja ndayaꞌ wan ꞌin neꞌ.

LOS HECHOS 15:10

Loꞌo ni, ja ndiya tiꞌ wan tñan nu yꞌni Ndiose loꞌo neꞌ kanꞌ; nchka la tiꞌ wan chaꞌ kuꞌni neꞌ kanꞌ nchga tñan nu ytsaꞌ ayman Moisés ꞌñaan chaꞌ kuꞌnian. Loꞌo tukwi ꞌa tñan kanꞌ, ja nchka ꞌñaan siyaꞌ ti kuꞌnian nchga tñan kanꞌ, loꞌo ayman kula ꞌñaan, ja siyaꞌ ngwa ꞌin neꞌ kuꞌni neꞌ tñan tukwi kanꞌ.

LOS HECHOS 15:28

Wa mdayaꞌ Tyiꞌi Ndiose ꞌware xa nu ykwiꞌ ba loꞌo taꞌa ba, kanꞌ chaꞌ chkwiꞌ ba chaꞌ re ti loꞌo wan ni, chaꞌ ja suꞌwe si ti kulo la ba xka tñan nu tukwi la ꞌwan:

GÁLATAS 6:13

Loꞌo ykwiꞌ neꞌ nu wa lkwan ngwañaꞌan ni, ja ngiꞌni ji neꞌ nchga tñan nu ndukwa lo kityi chaꞌ kula chaꞌ kuꞌnian bra kanꞌ. Sa kanꞌ ti chaꞌ nchka tiꞌ neꞌ, chaꞌ kaja ñaꞌan nu chkwiꞌ neꞌ chaꞌ siyeꞌ loꞌo taꞌa neꞌ: “Wa nkwan neꞌ kwa chabiyaꞌ ꞌware” nchkwin neꞌ ꞌin taꞌa neꞌ bra kanꞌ.

1 SAN JUAN 5:3

Si chañi chaꞌ suꞌwe nka tiyean ñaꞌaan ꞌin Ni, tukwaan nchga chaꞌ nu chkwiꞌ Ni loꞌoan bra kanꞌ, chaꞌ siꞌi ska tñan nu tukwi ꞌa lka chaꞌ tukwaan ska chaꞌ nu nchkwiꞌ Ni.

EL APOCALIPSIS 2:24

“Chkwiǐnꞌ la chinꞌ loꞌo wan taꞌa msñi wan chaꞌ ꞌñaǎn, nu nganun wan nde Tiatira, ꞌwan nu ja msñi wan chaꞌ kuxi nu nduꞌu nu kunaꞌan kuxi kwa. Ja jlyo tiꞌ wan kuꞌni wan chaꞌ kuxi nu nchkwiꞌ neꞌ kanꞌ, chaꞌ ska chaꞌ tukwi ꞌa nu ndiꞌin ꞌin Satanás lka chaꞌ kuxi kanꞌ. Suꞌwe ꞌa ngiꞌni wan sikwa. Ja taǎn xka tñan nu kuꞌni wan” ndukwin Ni,