SAN MATEO 22:40 - Chatino Zona Alta Occidental

⁴⁰ Tyukwaa chaꞌ re lka suun nchga chaꞌ nu ngwaꞌan ayman Moisés chabiyaꞌ ꞌin Ndiose, nchga chaꞌ re lka suun nchga chaꞌ ꞌin Ndiose nu ykwiꞌ neꞌ loꞌo nten nu ngwa sꞌni.

SAN MATEO 22:40 Iomraidhean Croise

SAN MATEO 7:12

’Ndiꞌin chaꞌ kuꞌni wan chaꞌ suꞌwe loꞌo xka la nten si nchka tiꞌ wan chaꞌ suꞌwe ti kuꞌni neꞌ loꞌo wan. Ti kwiꞌ tñan kanꞌ ngulo Ndiose lo kityi nu ngwaꞌan ayman Moisés, ti kwiꞌ ti chaꞌ ngwaꞌan xka la ayman nu ykwiꞌ chaꞌ ꞌin Ndiose loꞌo nten nu ngwa sꞌni; ska ñaꞌan ndyoꞌo ti chaꞌ nu ykwiꞌ nchga neꞌ kanꞌ lo kityi.

SAN JUAN 1:17

Nu ngwa sꞌni ytsaꞌ ayman Moisés chaꞌ ꞌin nten, nchga tñan nu ndiꞌin chaꞌ kuꞌni neꞌ chaꞌ ꞌin Ndiose. Bra nu mdiyan Jesucristo ni, xka ñaꞌan ngiꞌni yu; kaꞌan ꞌa xuꞌwe nda yu ꞌñaan, nduꞌu yu chaꞌ nu ñi ꞌñaan bra kanꞌ.

ROMANOS 13:9

Tyun lo tñan ngulo Ndiose ꞌin nten bra nu ykwiꞌ Ni chaꞌ re loꞌo Moisés nu ngwa sꞌni: “Ja xuꞌwi chaꞌ ꞌwan loꞌo kwilyoꞌo xka nten” ndukwin Ni. “Ja kujwi wan ꞌin taꞌa nten wan. Ja kuꞌni wan kunan nan nu nsuꞌwi ꞌin taꞌa nten wan. Ja xitukwi tiꞌ wan nan nu nsuꞌwi ꞌin taꞌa nten wan” ndukwin Ni. Ska ti biyaꞌ ndyoꞌo nchga chaꞌ kanꞌ loꞌo xka chaꞌ nu nchkwiꞌ kityi kanꞌ: “Ndiꞌin chaꞌ chka tꞌnan tiꞌ wan ꞌin taꞌa nten wan, sa ñaꞌan nu nchka tꞌnan tiꞌ wan ꞌwan, ti ykwiꞌ ti wan” ndukwin Ni.

GÁLATAS 5:14

Bra kanꞌ ka kuꞌnian nchga tñan nu nchka tiꞌ Ndiose chaꞌ kuꞌnian, si kunaan ska ti chaꞌ tiya re: “Ndiꞌin chaꞌ chka tꞌnan tiꞌ wan ꞌin nchga nten, kwiꞌ sa ñaꞌan nu nchka tꞌnan tiꞌ wan ꞌwan, ti ykwiꞌ ti wan.”

1 TIMOTEO 1:5

Kuloo tñan ꞌin neꞌ chaꞌ suꞌwe ꞌa xuꞌwi tiye neꞌ ñaꞌan neꞌ ꞌin taꞌa nten neꞌ, chaꞌ kanꞌ lka tñan nu ngiꞌni nten nu ngwa luwi kasiya ꞌin loꞌo Ndiose; jlyo tiꞌ neꞌ kanꞌ sa ñaꞌan lka ska chaꞌ suꞌwe, loꞌo ngiꞌni neꞌ chaꞌ suꞌwe kanꞌ bra kanꞌ. Chañi chaꞌ wa msñi nten chaꞌ ꞌin Ndiose si suꞌwe nka tiye neꞌ ñaꞌan neꞌ ꞌin taꞌa nten neꞌ.

SANTIAGO 2:8

Suꞌwe ꞌa si chañi chaꞌ ndukwa wan tñan nu ngulo Ndiose ti kulo, ti kwiꞌ chaꞌ nu ndukwa lo kityi kula re: “Ndiꞌin chaꞌ chka tꞌnan tiꞌ wan ꞌin taꞌa nten wan, sa ñaꞌan lka si chka tꞌnan tiꞌ wan ꞌwan, ti ykwiꞌ ti wan” ndukwin kityi.