SAN MATEO 21:33 - Chatino Zona Alta Occidental

³³ ’Nde chkwiǐnꞌ xka chaꞌ tiya loꞌo wan, ñaꞌan tiꞌ ska nkwin: Ndiya ska nu kuliyaꞌ, yta yu kaꞌan ꞌa yka kwiñii. Msuꞌwa yu ska loꞌoo chunꞌ yka kanꞌ bra kanꞌ. Loꞌo mñan yu ska tu tiyuu niꞌ kee seꞌen lyoꞌo sta neꞌ mta chi kutun, chaꞌ kulo neꞌ tyiꞌa xi nu nsuꞌwi niꞌ ran. Loꞌo mñan yu ska naꞌan seꞌen kuꞌni neꞌ kwan tñan kanꞌ bra kanꞌ. ’Loꞌo mda xꞌnan yuu kanꞌ mjñan xka ta nten bra kanꞌ, chaꞌ kuꞌni neꞌ tñan niꞌ lyoꞌoo ꞌin yu, chunꞌ nsuꞌwi ska tñan tsaa yu tijyuꞌ.

SAN MATEO 21:33 Iomraidhean Croise

SAN MATEO 13:18

’Nde chkwiǐnꞌ sa ñaꞌan lka chaꞌ tiya nu ꞌin nten nu yta mta trigu kanꞌ:

SAN MATEO 20:1

’Xka chaꞌ tiya chkwiǐnꞌ loꞌo wan ni, chaꞌ ka biyaꞌ tiꞌ wan sa ñaꞌan ka xa nu lka Ndiose ndloo niꞌ kasiya ꞌin nten. Wa mdiya ska xꞌnan msu. Ngwa ska tsan nde tlya mdoꞌo yu ndyaa yu lo kiyaꞌ chaꞌ tsaa naan yu msu, si xlyaa neꞌ kuꞌni neꞌ tñan niꞌ lyoꞌoo ꞌin yu seꞌen yta yu yka chi kutun.

SAN MATEO 21:28

Ti ngwaꞌu la Jesús chinꞌ chaꞌ ꞌin neꞌ bra kanꞌ: ―Chkwiǐnꞌ ska chaꞌ tiya re loꞌo wan, chaꞌ xkwen wan ꞌñaǎn ―ndukwin Jesús ꞌin neꞌ―. Wa ndiꞌin ska yu kula nu ndiꞌin tukwa yu kiꞌyu sñiꞌ yu. Kanꞌ ykwiꞌ yu kula kanꞌ loꞌo sñiꞌ yu nu kula la: “Sñiěnꞌ” ndukwin yu, “yaa kuꞌnii tñan niꞌ lyoꞌoo ꞌñaǎn ni, seꞌen ndukwa yka kwiñii ꞌñaǎn.”

SAN MATEO 23:2

―Neꞌ fariseo kanꞌ, loꞌo mstru nu nduꞌu chaꞌ joꞌo niꞌ lyaa, jlyo tiꞌ neꞌ kanꞌ nchga chaꞌ nu ngwaꞌan ayman Moisés lo kityi.

SAN MARCOS 13:34

Sa ñaꞌan lka xa nu wa tsaa ti ska nten tijyuꞌ, bra wa tsaa ti yu, ta yu tñan ꞌin msu chaꞌ ñaꞌansiin neꞌ naꞌan tyi yu, ska tñan skaa msu kanꞌ; kwiꞌ kulo xꞌnan naꞌan kanꞌ tñan ꞌin yu kiꞌyu nu nduun kwan tuloꞌoo chaꞌ ka ndii ti tiꞌ yu nchga bra.

SAN LUCAS 19:12

Kanꞌ chaꞌ ykwiꞌ Jesús chaꞌ re loꞌo neꞌ: ―Ndiya ska yu kiꞌyu, ska nten suꞌwe. Wa tsaa ti yu tijyuꞌ nde xka kichen tnun la, chaꞌ ta neꞌ tñan ꞌin yu chaꞌ ka yu ndloo la ꞌin neꞌ taꞌa kichen tyi yu; bra nu wa mjwi tñan kanꞌ ꞌin yu, bra ti xitukwi yu tyaan yu xiyaꞌ, nka tiye yu.

SAN JUAN 15:1

’Naꞌ lkaǎn ñaꞌan tiꞌ ska suun yka kwiñii, kwiꞌ nu ndyoꞌo siꞌyu chi kutun lo ran ―ndukwin Jesús ꞌin neꞌ―. Loꞌo yka ꞌin Stiǐn Ndiose lka yka kanꞌ.