SAN MATEO 20:11 - Chatino Zona Alta Occidental

¹¹ Msinꞌ ꞌa tiꞌ msu nu mdyisnan ngiꞌni tñan ti tlya la bra kanꞌ.

SAN MATEO 20:11 Iomraidhean Croise

SAN MATEO 20:10

Nde chunꞌ la mdiyan msu nu mdyisnan ngiꞌni tñan ti tlya la seꞌen ndiꞌin yu. Mskeꞌ tiꞌ msu kanꞌ chaꞌ kaꞌan la tñi kaja siyaꞌ neꞌ bra kanꞌ, loꞌo suꞌwa ti mjwi siyaꞌ nchga msu ꞌin yu.

SAN MATEO 20:12

“Tyukwi tsan yꞌni ba tñan ꞌiin” ndukwin msu kanꞌ ꞌin xꞌnan neꞌ. “Tikeeꞌ ꞌa kwan ndiꞌya kwan, loꞌo ti yꞌni ba tñan ꞌiin bra kanꞌ. Loꞌo ni, suꞌwa mjwi siyaꞌ ba, nchga taꞌa ngiꞌni ba tñan, ni siya ska bra ti yꞌni neꞌ kwa tñan ꞌiin” ndukwin msu nu mdyisnan ngiꞌni tñan nde tlya la kanꞌ.

SAN MARCOS 14:5

¿Ni chaꞌ ja yjwiꞌ ran chaꞌ kaja chinꞌ tñi chaꞌ ta ꞌin neꞌ tiꞌi? Wa mdijin snan siyentu tñi plata ngaꞌan sa kwa sete xi tyiꞌi kanꞌ ―ndukwin neꞌ ꞌin taꞌa neꞌ. Lye ꞌa mxichaꞌ neꞌ ꞌin nu kunaꞌan kanꞌ bra kanꞌ.

SAN LUCAS 15:2

Kanꞌ chaꞌ mdyisnan neꞌ fariseo, loꞌo mstru nu nduꞌu chaꞌ joꞌo, mxichaꞌ neꞌ ꞌin Jesús: ―Ndiya tiꞌ yu re ka suꞌwa chaꞌ ꞌin yu loꞌo neꞌ kwa nu ngiꞌni ꞌa chaꞌ kuxi. Suꞌwa ti nchku yu tyaja loꞌo neꞌ kuxi kwa ―ndukwin neꞌ kanꞌ.

SAN LUCAS 19:7

Bra nu naꞌan nten chaꞌ ndyaa Jesús seꞌen ndiꞌin Zaqueo kanꞌ, nchga neꞌ lye ꞌa nchkwiꞌ neꞌ ni chaꞌ ndyaa Jesús niꞌ ñaꞌan tyi ska neꞌ kuxi, ska nten nu ndiꞌin ꞌa kiꞌya ꞌin.

SAN LUCAS 5:30

Bra kanꞌ mdyisnan neꞌ fariseo nu kti ꞌa ngiꞌni neꞌ, nxkeꞌ tiꞌ neꞌ, loꞌo mstru nu nduꞌu chaꞌ joꞌo kanꞌ, ykwiꞌ neꞌ loꞌo neꞌ nu ngiꞌni xaꞌan chaꞌ ꞌin Jesús. ―¿Ni chaꞌ lka chaꞌ suꞌwa ti nchku wan loꞌo neꞌ kuxi kwa a? ¿Ni chaꞌ suꞌwa ti ndiꞌin wan loꞌo neꞌ kwa a? ―ndukwin neꞌ―. Msu ꞌin neꞌ xka laꞌa tsuꞌ lka neꞌ kwa. Kwiñi ꞌa neꞌ kwa chaꞌ ndlo neꞌ kaꞌan ꞌa tñi ꞌin nten. Loꞌo ti ndiꞌin la xka ta nten nu ngiꞌni ꞌa chaꞌ kuxi.

SAN JUAN 6:41

Loꞌo ja ndiya ꞌa tiꞌ neꞌ judío chaꞌ re nu ykwiꞌ Jesús: “Sa ñaꞌan nu ngiꞌni tyaja, ngwañaꞌan kuꞌniǐn loꞌo nten; ka kalaꞌ tiꞌ neꞌ niꞌ kasiya ꞌin neꞌ xa nu xñi neꞌ chaꞌ ꞌñaǎn. Skaǎn tiǎn nu mdoꞌoǔn seꞌen ndiꞌin Ndiose, skaǎn tiǎn ka kuꞌniǐn chaꞌ kalaꞌ tiꞌ nten” ndukwin Jesús. Lye ꞌa ykwiꞌ neꞌ judío loꞌo taꞌa neꞌ chaꞌ ja suꞌwe chaꞌ kanꞌ:

SAN JUAN 6:61

Jlyo tiꞌ Jesús chaꞌ nchkwiꞌ ꞌa neꞌ nu ngiꞌni xaꞌan kanꞌ loꞌo taꞌa neꞌ ꞌin chaꞌ nu tka ykwiꞌ ti yu, kanꞌ chaꞌ mnichaꞌ yu ꞌin neꞌ bra kanꞌ: ―¿Ta kasinꞌ tiꞌ wan ꞌñaǎn chunꞌ chaꞌ nu nchkwiǐnꞌ loꞌo wan a? ―ndukwin yu―.

LOS HECHOS 13:45

Loꞌo msinꞌ ꞌa tiꞌ neꞌ judío nu xaꞌan tiye xa wa naꞌan yu ꞌin neꞌ, chaꞌ wa lka neꞌ kaꞌan ꞌa nten bra kanꞌ. Xaꞌan ꞌa ykwiꞌ neꞌ judío kanꞌ loꞌo Palyu bra kanꞌ, ndukwin neꞌ chaꞌ kwiñi ꞌa lka chaꞌ nu nduꞌu yu kanꞌ.

1 TESALONICENSES 2:16

Ja nda neꞌ judío nu kuxi kanꞌ chabiyaꞌ ꞌwa chaꞌ chkwiꞌ ba chaꞌ ꞌin Jesucristo loꞌo neꞌ xka laꞌa tsuꞌ tujoꞌo, chaꞌ ka tyoꞌo laa neꞌ xka laꞌa tsuꞌ kanꞌ ꞌin chaꞌ kuxi bra kanꞌ; kanꞌ chaꞌ ngwañaꞌan nchka tlyu la kiꞌya nu ndiꞌin ꞌin neꞌ judío kuxi kanꞌ, kanꞌ chaꞌ msinꞌ ꞌa tiꞌ Ndiose ꞌin neꞌ kanꞌ. Ndiꞌin chaꞌ ta Ni nu tiꞌí ꞌin neꞌ kanꞌ chunꞌ ndiꞌin la.

SAN JUDAS 1:16

Loꞌo neꞌ kwiñi kanꞌ, xkwiꞌ chen ñaꞌan nka tiye neꞌ kanꞌ ndiꞌin neꞌ lo chalyuu; ja ska nan ndiya tiꞌ neꞌ kanꞌ siyaꞌ ti, chaꞌ kuxi nchkwiꞌ neꞌ ꞌin nchga chaꞌ. Xkwiꞌ ndiya la tiꞌ neꞌ kanꞌ nchga loo chaꞌ kuxi nu ndaꞌan chaꞌ tiye neꞌ. Siyeꞌ ꞌa neꞌ kanꞌ loꞌo taꞌa neꞌ, xkwiꞌ suꞌwe ꞌa nchkwiꞌ neꞌ kanꞌ chaꞌ ꞌin nten si xlyaa nten tayaꞌ ꞌin neꞌ kanꞌ loꞌo ska chaꞌ kuxi nu ngiꞌni neꞌ.