SAN MATEO 19:21 - Chatino Zona Alta Occidental

²¹ ―¿Ta chañi chaꞌ nchka tiiꞌ chaꞌ ka luwi kasiya ꞌiin a? ¿Ta nchka tiiꞌ kaja chalyuu kwi nu ja tsaa tii ꞌa ꞌiin a? ―ndukwin Jesús ꞌin yu kuneꞌ kanꞌ―. Si chañi chaꞌ nu nchkwiiꞌ, yaa lyaa kujwiiꞌ nchga chaꞌ suꞌwe nu nsuꞌwi ꞌiin; tyoꞌo tñi chaꞌ taa ꞌin nu tiꞌi bra kanꞌ. Loꞌo ta Ndiose chaꞌ suꞌwe ꞌiin seꞌen ndiꞌin Ni nde loo la. Bra wa yꞌnii chaꞌ kanꞌ, kaan seꞌen ndiꞌiǐn chaꞌ tyaꞌaan loꞌoǔn bra kanꞌ.

SAN MATEO 19:21 Iomraidhean Croise

SAN MATEO 16:24

Loꞌo ngwaꞌu la Jesús ꞌin neꞌ nu ngiꞌni xaꞌan chaꞌ ꞌin yu bra kanꞌ: ―Bra nu ndiya nten nu chañi chaꞌ nchka tiꞌ tyaꞌan loꞌoǔn ―ndukwin―, ndiꞌin chaꞌ kulaa yaꞌ neꞌ kanꞌ ꞌin nchga nan nu nchka la tiꞌ neꞌ, chaꞌ tyaꞌan neꞌ loꞌoǔn nchga tsan, ni siya kujwi nten ꞌin neꞌ kanꞌ chaꞌ ꞌñaǎn.

SAN MATEO 19:20

Mxkwen yu kuneꞌ ꞌin Jesús bra kanꞌ: ―Ti kuneěnꞌ wa ndukwaǎn nchga tñan kanꞌ nchga tsan ―ndukwin yu kuneꞌ kanꞌ ꞌin Jesús―. ¿Ta ndiya la chaꞌ nu ti ji kuꞌniǐn sikwa a? ―ndukwin.

SAN MATEO 19:22

Bra wa ynan yu kuneꞌ kanꞌ chaꞌ nu ykwiꞌ Jesús loꞌo yu, mdoꞌo yu ndyaa yu bra kanꞌ; xiꞌin ꞌa tiꞌ yu chaꞌ ykwiꞌ Jesús chaꞌ kanꞌ, chunꞌ kuliyaꞌ ꞌa yu.

SAN MATEO 19:28

―Chañi chaꞌ nu nchkwiǐnꞌ loꞌo wan ni ―ndukwin Jesús ꞌin neꞌ―, bra nu ka chalyuu kwi kanꞌ, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten, kanꞌ tyitukwaǎn seꞌen suꞌwe la ti la kwa, chaꞌ kuꞌni biyaǎnꞌ ꞌin nchga nten chalyuu bra kanꞌ. Loꞌo ꞌwan nu ndaꞌan wan loꞌoǔn, tyukwa wan lo tii tyukwa yka xlya tnun nu suꞌwe ꞌa, chaꞌ kuꞌni biyaꞌ wan ꞌin taꞌa nten wan, nu lka tii tyukwa ta neꞌ Israel kanꞌ.

SAN MATEO 4:19

Loꞌo bra kanꞌ ykwiꞌ Jesús loꞌo taꞌa tyukwaa yu kiꞌyu kanꞌ: ―Tsaa wan loꞌoǔn ni ―ndukwin Jesús ꞌin neꞌ kanꞌ―. Sa ñaꞌan mjwi kula ꞌwan xa nu mdaꞌan wan kuta kula, ngwañaꞌan kaja xka tñan ꞌwan ni chabiyaꞌ ꞌñaǎn; kwaꞌuǔn ꞌwan sa ñaꞌan nu tsaa naan wan ꞌin nten chalyuu re nu ja ya kunan chaꞌ suꞌwe, chaꞌ ka neꞌ nten ꞌñaǎn.

SAN MATEO 5:48

Stian Ndiose nu ndiꞌin nde niꞌ kwan ni, xkwiꞌ chaꞌ suꞌwe, xkwiꞌ chaꞌ nu ñi, xkwiꞌ chaꞌ nu luwi ngiꞌni Ni. Sa ñaꞌan ngiꞌni Ndiose, ngwañaꞌan ndiꞌin chaꞌ kuꞌni wan xkwiꞌ chaꞌ suꞌwe loꞌo nchga nten, si chañi chaꞌ sñiꞌ Ndiose lka wan.

SAN MATEO 8:22

Kanꞌ mxkwen Jesús ꞌin yu: ―Suꞌwe la kaan ñaꞌaan ꞌñaǎn bra ti ―ndukwin Jesús ꞌin yu―. Ti ndiya chinꞌ xka la nten taꞌa wan nu ka kutsiꞌ ꞌin nten ꞌiin nu wa ngujwi.

SAN MATEO 9:9

Mdoꞌo Jesús ndyaa, loꞌo wa tyijin ti yu tuꞌwa naꞌan seꞌen ndukwa Mateo nu ndlo tñi ꞌin neꞌ chaꞌ ꞌin neꞌ xka laꞌa tsuꞌ. Ykwiꞌ Jesús loꞌo Mateo kanꞌ bra kanꞌ: ―Tyoꞌoo ñaꞌaan ꞌñaǎn ―ndukwin Jesús ꞌin yu. Bra ti mdyituun Mateo, ngulaa tiꞌin yu tñan ꞌin yu, ndyaa ñaꞌan yu ꞌin Jesús bra kanꞌ.

SAN MARCOS 10:21

Suꞌwe nka tiye Jesús chaꞌ ykwiꞌ yu kiꞌyu kanꞌ ngwañaꞌan. Xiyaꞌ ykwiꞌ Jesús loꞌo yu bra kanꞌ: ―Ska ti tñan ti ji kuꞌnii ―ndukwin Jesús ꞌin yu―. Yaa lyaa kujwiiꞌ nchga chaꞌ suꞌwe nu nsuꞌwi ꞌiin, chaꞌ tyoꞌo tñi taa ꞌin neꞌ tiꞌi bra kanꞌ; kaꞌan la chaꞌ suꞌwe kaja ꞌiin chunꞌ ndiꞌin la nde seꞌen ndiꞌin Ndiose. Nde loo la tyaan xiyaꞌ seꞌen ndiꞌiǐn chaꞌ tyaꞌaan loꞌoǔn.

SAN MARCOS 2:14

Laja nu mdaꞌan Jesús lo kichen, mdijin yu ska naꞌan seꞌen ndiya Leví sñiꞌ Alfeo bra kanꞌ; ndukwa yu ndlo yu tñi ꞌin nten chaꞌ ꞌin neꞌ xka laꞌa tsuꞌ nu lka ndloo la. ―Tsaa loꞌoǔn ―ndukwin Jesús ꞌin Leví kanꞌ. Bra ti mdyituun Leví, mdyisnan yu ndaꞌan yu loꞌo Jesús.

SAN MARCOS 8:34

Kanꞌ msiꞌya Jesús ꞌin neꞌ nu ngiꞌni xaꞌan chaꞌ ꞌin yu, loꞌo ꞌin nten kaꞌan nu mdoꞌo ñaꞌan ꞌin yu, msiꞌya yu ꞌin neꞌ chaꞌ kan neꞌ seꞌen ndiꞌin yu. Ykwiꞌ yu loꞌo neꞌ bra kanꞌ: ―Nten nu tyukwi ti tiye nchka tiꞌ tyaꞌan loꞌoǔn ―ndukwin yu ꞌin neꞌ―, ndiꞌin chaꞌ xnun neꞌ kanꞌ nchga chaꞌ nu nsuꞌwi ꞌa tiye neꞌ, chaꞌ tyaꞌan neꞌ loꞌoǔn nchga tsan, ni siya kujwi nten ꞌin neꞌ kanꞌ chunꞌ ndyaa ñaꞌan tiꞌ neꞌ ꞌñaǎn.

SAN LUCAS 12:33

Ja kuwe tiꞌ wan, kujwiꞌ wan nan nu nsuꞌwi ꞌwan chaꞌ ta wan tñi ꞌin nten nu tiꞌi. Loꞌo kanꞌ ja ka kasun kwijin seꞌen nsuꞌwi tñi ꞌwan, ja ka tyii nan nu mstya seꞌen wan seꞌen ndiꞌin Ndiose nde niꞌ kwan; nde kanꞌ ja ka ꞌa kuꞌni neꞌ kunan tñi ꞌwan, ja ka ku kwisunꞌ ꞌin ran.

SAN LUCAS 14:33

Kwiꞌ ngwañaꞌan nchga wan nu lye la nka tiye wan ꞌin nchga chaꞌ suꞌwe nu nsuꞌwi ꞌwan, nu ja xlyaa wan kulaa yaꞌ wan ꞌin chaꞌ kanꞌ, ja ka ꞌwan ka wan nten ꞌñaǎn bra kanꞌ.

SAN LUCAS 16:9

’Nde lka chaꞌ nu chkwiǐnꞌ loꞌo wan sikwa. Suꞌwe ti kuꞌni wan loꞌo nchga chaꞌ suꞌwe nu nsuꞌwi ꞌwan lo chalyuu re; tayaꞌ wan ꞌin xka la nten loꞌo chaꞌ suꞌwe nu nsuꞌwi ꞌwan sa ñaꞌan yaꞌ tsaa tii chalyuu ꞌwan, chaꞌ ngwañaꞌan kaja taꞌa suꞌwe nsuꞌwi ꞌwan lo chalyuu re. Loꞌo bra kanꞌ ta Ndiose seꞌen tyiꞌin wan nde seꞌen ndiꞌin Ni, xka chalyuu nu ja tsaa tii ꞌa kaja ꞌwan bra kanꞌ.

SAN LUCAS 18:22

Bra wa ynan Jesús chaꞌ kanꞌ, bra kanꞌ ndukwin ꞌin yu: ―Xka ti chaꞌ ti ji kuꞌnii. Yaa kujwiiꞌ nchga chaꞌ suꞌwe nu nsuꞌwi ꞌiin, chaꞌ kaja tñi nu taa ꞌin nten nu tiꞌi; kaꞌan la chaꞌ suꞌwe kaja ꞌiin nde loo la nde seꞌen ndiꞌin Ndiose bra kanꞌ. Bra wa yꞌnii tñan kanꞌ, bra kanꞌ ka tyaꞌaan loꞌoǔn.

SAN LUCAS 5:27

Chunꞌ ndiꞌin la ndyaa Jesús chinꞌ ti lo kichen, bra kanꞌ naꞌan yu ꞌin ska nten nde seꞌen ndukwa yu ndlo yu tñi ꞌin nten; Leví naan yu kiꞌyu kanꞌ. Tñan lka yu chaꞌ kulo yu tñi ꞌin neꞌ kichen chaꞌ ꞌin neꞌ xka laꞌa tsuꞌ. Bra kanꞌ ykwiꞌ Jesús loꞌo yu: ―Kaan lyaa, tsaa loꞌoǔn ―ndukwin.

SAN LUCAS 6:40

Ska yu kuneꞌ nu tka ngiꞌni xaꞌan ti, ja ka tyijin lyo yu ꞌin mstru ꞌin yu; chinꞌ ti chaꞌ jlyo tiꞌ yu. Xa wa mdyii yꞌni xaꞌan yu, kanꞌ nu suꞌwa ti nchka ꞌin yu loꞌo mstru ꞌin yu bra kanꞌ.

SAN LUCAS 9:23

Chunꞌ ndiꞌin la, bra kanꞌ ykwiꞌ Jesús loꞌo nchga nten: ―Si ndiya wan nu chañi chaꞌ nchka tiꞌ wan tsaa wan loꞌoǔn ―ndukwin yu―, ndiꞌin chaꞌ kulaa yaꞌ wan nchga chaꞌ nu nsuꞌwi ꞌa tiye wan, chaꞌ tyaꞌan wan loꞌoǔn nchga tsan, ni siya kujwi nten ꞌwan chaꞌ ndyaa ñaꞌan tiꞌ wan ꞌñaǎn.

SAN JUAN 10:27

Sa ñaꞌan nnan slyaꞌ chaꞌ nchkwiꞌ xꞌnan iꞌ, ngwañaꞌan nganan nten ꞌñaǎn xa nu nchkwiǐnꞌ loꞌo neꞌ. Nsuꞌwi lyoǔn ꞌin neꞌ kanꞌ, ndaꞌan neꞌ loꞌoǔn.

SAN JUAN 12:26

Bra nu nchka tiꞌ ska nten kuꞌni tñan ꞌñaǎn ―ndukwin Jesús bra kanꞌ―, ndiꞌin chaꞌ tsaa yu la nde yaꞌ nu nchka tiǎnꞌ chaꞌ tsaa yu. Chunꞌ ndiꞌin la ka tyiꞌin yu kanꞌ la seꞌen ndiꞌiǐn bra kanꞌ, chaꞌ lka yu ñaꞌan tiꞌ msu ꞌñaǎn. Loꞌo Stiǐn kuꞌni tnun Ni ꞌin yu kanꞌ, chunꞌ nxlyaa yu kuꞌni yu tñan ꞌñaǎn bra kanꞌ.

LOS HECHOS 2:45

Yjwiꞌ neꞌ nchga nan nu nsuꞌwi ꞌin neꞌ, chaꞌ kaja tñi nu kutsaa neꞌ ꞌin taꞌa nten neꞌ nu lyiji ꞌa chaꞌ suꞌwe ꞌin.

HEBREOS 10:34

Kwiꞌ ngwañaꞌan, ndyaa naꞌan wan ꞌin neꞌ taꞌa wan bra nu yuꞌwi neꞌ niꞌ ñaꞌan chkwan, suꞌwe ꞌa mdayaꞌ wan ꞌin neꞌ kanꞌ bra kanꞌ. Ni siya yꞌni nten kunan nchga chaꞌ suꞌwe nu mdiꞌin ꞌwan, mdalo wan bra kanꞌ. Suꞌwe ꞌa ngwa tiye wan, chaꞌ wa jlyo tiꞌ wan chaꞌ suꞌwe la siyaꞌ ti chaꞌ ꞌin Jesús nu wa msñi wan kanꞌ; jlyo tiꞌ wan chaꞌ ja tsaa tii ꞌa chaꞌ kanꞌ, ti kwiꞌ chaꞌ nu wa ynan wan ꞌin Jesús.