SAN MATEO 18:27 - Chatino Zona Alta Occidental

²⁷ Ngwa tꞌnan tiꞌ ree kanꞌ ꞌin yu bra kanꞌ, yꞌni chaꞌ tlyu tiꞌ ꞌin yu ꞌin tneꞌ ndukwi yu. “Wa mdyii tneꞌ ꞌiin ni. Ja ndukwii ꞌa ꞌñaǎn ni” ndukwin xꞌnan yu ꞌin yu. Mdoꞌo msu kanꞌ ndyaa bra kanꞌ.

SAN MATEO 18:27 Iomraidhean Croise

SAN MATEO 18:28

Tuwiin seꞌen ndyaa yu, mdyukwa taꞌa yu loꞌo taꞌa msu yu nu ndukwi chinꞌ ti tñi ꞌin yu bra kanꞌ. Bra ti msñi yu ynin taꞌa yu, tlá ꞌa yu ꞌin taꞌa msu yu. “¿Ni bra tyaa tñi nu ndukwii ꞌñaǎn?” ndukwin yu ꞌin taꞌa msu yu.

SAN MATEO 18:32

Bra ti msiꞌya ree ꞌin msu tlá kanꞌ, chaꞌ kan yu xiyaꞌ tloo ree kanꞌ. “¡Xaꞌan ꞌa tiye, nuꞌwin!” ndukwin ree ꞌin yu tlá kanꞌ. “Wa mjñaan chaꞌ tlyu tiꞌ ꞌñaǎn, kwiꞌ yꞌniǐn chaꞌ tlyu tiꞌ ꞌiin nu ngwa xkanꞌ ti, ni siya kaꞌan ꞌa tñi ndukwii ꞌñaǎn.

SAN LUCAS 7:42

Taꞌa tyukwaa yu ja ngwa ꞌin yu tya yu tñi ꞌin yu kuliyaꞌ kanꞌ bra kanꞌ. Kanꞌ chaꞌ nchka tꞌnan tiꞌ yu kuliyaꞌ kanꞌ ꞌin taꞌa tyukwaa yu kanꞌ; yꞌni tyii yu kwenta ꞌin yu kanꞌ ngwañaꞌan ti. Katsaaꞌ lyaa ꞌñaǎn sikwa ―ndukwin Jesús ꞌin yu fariseo kanꞌ―, ¿ti ka lka nu suꞌwe la nka tiye ñaꞌan ꞌin yu kuliyaꞌ kanꞌ a? ¿Si ska yu, o ta xka yu a?

SAN LUCAS 7:43

Bra kanꞌ mxkwen Simón ꞌin Jesús: ―Nu ndukwi kaꞌan la, kanꞌ lka; chunꞌ lye la yꞌni nu kuliyaꞌ kanꞌ chaꞌ tlyu tiꞌ ꞌin. Ngwañaꞌan lka kanꞌ ―ndukwin Simón. ―Chañi chaꞌ nchkwiiꞌ ―ndukwin Jesús bra kanꞌ.