SAN MATEO 18:24 - Chatino Zona Alta Occidental

²⁴ Nu mdyisnan ti ree kuꞌni yu ngwañaꞌan, bra ti mdoꞌo tukwa neꞌ seꞌen ndiꞌin ree kanꞌ, mdiyan loꞌo neꞌ ꞌin ska msu nu ndukwi tyun ꞌa miyun pxu ꞌin ree kanꞌ.

SAN MATEO 18:24 Iomraidhean Croise

SAN MATEO 18:23

’Chkwiǐnꞌ xka chaꞌ loꞌo wan, chaꞌ ka biyaꞌ tiꞌ wan sa ñaꞌan ka bra nu lka Ndiose ndloo niꞌ kasiya ꞌin nten: Chkwiǐnꞌ chaꞌ ꞌin ska ree nu ngwa tiꞌ kuꞌni tyii tneꞌ nu ndukwi msu ꞌin yu.

SAN MATEO 18:25

Ja la nsuꞌwi tñi ꞌin msu kanꞌ, chaꞌ tya yu tneꞌ kanꞌ ꞌin xꞌnan yu; kanꞌ chaꞌ ngulo xꞌnan yu tñan chaꞌ kujwiꞌ neꞌ ꞌin msu kanꞌ, loꞌo kwilyoꞌo yu, loꞌo taꞌa sñiꞌ yu, loꞌo nchga nan nu nsuꞌwi ꞌin yu ka kiyaꞌ chaꞌ tya yu tñi nu ndukwi yu ꞌin xꞌnan yu bra kanꞌ.

SAN MATEO 25:15

’Loꞌo kanꞌ mda yu kuliyaꞌ kanꞌ kiꞌyu mi tñi plata ꞌin msu nu mdiyan kulo, kwiꞌ mda yu tukwa mi ꞌin xka msu, kwiꞌ mda yu xka mi ti ꞌin xka msu kanꞌ, chaꞌ jlyo tiꞌ xꞌnan neꞌ ti ka msu nu ka la ꞌin kuꞌni tñan loꞌo tñi kanꞌ. Chunꞌ ndiꞌin la mdoꞌo xꞌnan neꞌ, ndyaa tijyuꞌ bra kanꞌ.

SAN MATEO 25:16

Bra ti ndyaa msu nu nsuꞌwi kiꞌyu mi tñi plata ꞌin, ngwiꞌya yu yuꞌwa loꞌo tñi kanꞌ. Bra wa yjwiꞌ yu yuꞌwa kanꞌ, yꞌni yu kanan xa tiꞌyu mi tñi plata ꞌin yu.

SAN MATEO 25:20

Kulo mdiyan msu nu mda xꞌnan kiꞌyu mi tñi plata ꞌin. “Xꞌnaǎn” ndukwin msu kanꞌ, “mdaa kiꞌyu mi tñi ꞌñaǎn, loꞌo ni, wa mjwi xa tiꞌyu mi tñi ꞌñaǎn, chaꞌ wa yꞌniǐn tñan loꞌo tñi kanꞌ ꞌiin.”

SAN MATEO 25:22

Chunꞌ ndiꞌin la mdiyan xka msu nu mda xꞌnan tukwa mi tñi plata ꞌin. “Xꞌnaǎn” ndukwin msu kanꞌ, “mdaa tukwa mi tñi plata ꞌñaǎn, loꞌo ni, wa mjwi tyukwa mi tñi ꞌñaǎn chaꞌ yꞌniǐn tñan loꞌo tñi kanꞌ ꞌiin.”

SAN MATEO 25:24

Chunꞌ ndiꞌin la mdiyan xka msu nu mda xꞌnan ska mi ti tñi ꞌin. “Xꞌnaǎn” ndukwin msu kanꞌ, “jlyo tiǎnꞌ chaꞌ nten tiji ꞌa lkaa, chaꞌ ndoꞌo tya ꞌiin seꞌen yꞌni xka la nten tñan kanꞌ; ngwañaꞌan nskwaꞌ nu nskwaꞌ xka la nten, kanꞌ lka nu kaja ꞌiin.

SAN LUCAS 13:4

Loꞌo xka ta tiꞌyun xnan nten kanꞌ nu ngujwi nde tuꞌwa tyiꞌa Siloé chaꞌ mlyuu naꞌan kwan chunꞌ neꞌ bra kanꞌ. ¿Ta siꞌya chaꞌ xaꞌan ꞌa neꞌ kanꞌ, kanꞌ chaꞌ ngwa ꞌin neꞌ ngwañaꞌan, nxkeꞌ tiꞌ wan a? Ja xaꞌan lye neꞌ kanꞌ. Nan yꞌni ti neꞌ sa ñaꞌan tñan nu ngiꞌni taꞌa kichen tyi neꞌ nde Jerusalén,

SAN LUCAS 16:5

Bra kanꞌ msiꞌya yu ꞌin nchga nten nu ndukwi tneꞌ ꞌin xꞌnan yu, mnichaꞌ yu ꞌin neꞌ bra kanꞌ: “¿Ni lkwa nan ndukwii ꞌin xꞌnaǎn a?” ndukwin yu ꞌin ska neꞌ.

SAN LUCAS 16:7

Bra kanꞌ mnichaꞌ yu ꞌin xka yu: “Nuꞌwin ni, ¿ni lkwa nan ndukwii ꞌin xꞌnaǎn a?” “Ska siyentu kwijin nskwaꞌ trigu” ndukwin yu kanꞌ bra kanꞌ. “Jaan” ndukwin yu, “nde ndiya kityi seꞌen nu ndukwa kwenta ꞌiin” ndukwin msu kanꞌ. “Tyukwaa chinꞌ nde re chaꞌ kuꞌnii xka kityi nu ndukwin chaꞌ jakwa yla ti kwijin, sa kanꞌ ti ndukwii ꞌin yu kula kanꞌ.”