SAN MATEO 16:23 - Chatino Zona Alta Occidental

²³ Bra ti mxinaꞌan Jesús tloo Tyu bra kanꞌ. ―¡Tyoꞌo tsuuꞌ, Satanás! ¡Ja chkwiiꞌ loꞌoǔn ngwañaꞌan, chaꞌ siꞌi ran! ―ndukwin Jesús ꞌin yu―. Ja nka tiye nuꞌwin sa ñaꞌan nka tiye Ndiose, sa ñaꞌan nka tiye nten chalyuu ti nka tiye nuꞌwin ni.

SAN MATEO 16:23 Iomraidhean Croise

SAN MATEO 16:22

Loꞌo msñi Tyu yaꞌ Jesús chaꞌ chkwiꞌ yu loꞌo: ―Ja kulaa yaꞌ Ndiose ꞌiin chaꞌ ka ngwañaꞌan, Xꞌnaǎn ―ndukwin Tyu ꞌin yu.

SAN MATEO 18:7

¡Tꞌnan ꞌa nten chalyuu re! Nsuꞌwi ꞌa chaꞌ kuxi nu ngiꞌni ñuꞌun tiye nten. Nchga bra ndiya chaꞌ kuxi ngwañaꞌan lo chalyuu, loꞌo tnun ꞌa chaꞌ ngiꞌni nten nu ndatsaa ꞌin taꞌa nten chaꞌ kuꞌni chaꞌ kuxi; tlyu ꞌa nu tiꞌí kaja ꞌin neꞌ kanꞌ nde loo la.

SAN MATEO 4:10

Loꞌo mxkwen Jesús ꞌin kuneꞌ xaꞌan bra kanꞌ: ―Tyoꞌo tsuuꞌ seꞌen ndiꞌiǐn, Satanás ―ndukwin Jesús―. Yaa lyaa, chunꞌ ndukwa ska chaꞌ lo kityi ꞌin Ndiose nu nchkwiꞌ: “Ska ti Ndiose nu lka Xꞌnan wan kuꞌni tnun wan ꞌin Ni, siyaꞌ ti kunan wan chaꞌ nu nchkwiꞌ Ndiose xa nu ndiꞌin wan lo chalyuu” ndukwin kityi.

SAN MARCOS 8:33

Loꞌo mxitukwi Jesús seꞌen nduun bra kanꞌ, naꞌan yu ꞌin taꞌa nten nu ngiꞌni xaꞌan chaꞌ ꞌin yu, mdukunꞌ yu chaꞌ nu ykwiꞌ Tyu siyaꞌ ti bra kanꞌ. ―¡Tyoꞌo tsuꞌ ꞌñaǎn, Satanás! ―ndukwin yu ꞌin Tyu―. ¡Ja tukunꞌ loo chaꞌ ꞌñaǎn! Siꞌi sa ñaꞌan nu nchka tiꞌ Ndiose nka tiye nuꞌwin ni, sa ñaꞌan nu ndaꞌan chaꞌ tiye nten chalyuu ti nka tiyee ni ―ndukwin Jesús ꞌin Tyu.

SAN LUCAS 4:8

Bra kanꞌ mxkwen Jesús ꞌin yu: ―Tyoꞌoo tsuuꞌ seꞌen ndiꞌiǐn, Satanás ―ndukwin―. Lo kityi ꞌin Ndiose wa ngwaꞌan neꞌ chaꞌ re: “Ska ti ꞌin Ndiose nu nka Xꞌnan wan kuꞌni tnun wan ꞌin Ni, ska ti chaꞌ ꞌin Ndiose ndiꞌin chaꞌ tukwa wan lo chalyuu.” Kanꞌ chaꞌ ja ndiꞌin chaꞌ tyuǔn xtyiǐnꞌ tloo nuꞌwin ―ndukwin Jesús ꞌin kuneꞌ xaꞌan.

SAN JUAN 6:70

―Ngwañaꞌan naꞌ ―ndukwin Jesús―, wa ngulo suwiǐn ꞌin taꞌa tii tyukwa wan, nu si ndiya ska wan nu lka kuneꞌ xaꞌan.

ROMANOS 14:13

Ja chkwiꞌ wan chaꞌ chen ñaꞌan ꞌin tñan nu ngiꞌni ska neꞌ taꞌa msñi wan chaꞌ ꞌin Jesús sikwa. Nde ñaꞌan kuꞌni wan ni. Ja ta wan tyempu ꞌin neꞌ taꞌa wan chaꞌ kuꞌni neꞌ chaꞌ kuxi siꞌya wan.

ROMANOS 14:21

Suꞌwe la ni siya ja ku wan kunaꞌ kanꞌ siyaꞌ ti, ni siya ja koꞌo wan xalyu siyaꞌ ti, si xkeꞌ tiꞌ wan chaꞌ kuxi ka nan kanꞌ chaꞌ ꞌin taꞌa nten wan. Ja ska la nan kuꞌni wan nu kuꞌni chaꞌ kulaa yaꞌ neꞌ taꞌa wan ꞌin Jesús; ja chan tatsaa wan ꞌin neꞌ siꞌya chaꞌ kanꞌ, chaꞌ kuꞌni neꞌ chaꞌ kuxi, chaꞌ ka ñuꞌun kasiya ꞌin neꞌ.

FILIPENSES 3:19

Ndiꞌin chaꞌ tyaa neꞌ kanꞌ la chalyuu tla bra nu kaja neꞌ, chaꞌ nsuꞌwi ska ndiose kwiñi ꞌin neꞌ kanꞌ; nchga nan nu nxitukwi ꞌa tiꞌ neꞌ chaꞌ kaja ꞌin neꞌ lo chalyuu, kanꞌ lka ndiose ꞌin neꞌ kanꞌ. Loꞌo ngwañaꞌan, siyeꞌ ꞌa ngiꞌni neꞌ loꞌo taꞌa neꞌ, ni siya ndiꞌin chaꞌ ka jyuꞌu ꞌa tiꞌ neꞌ; xkwiꞌ nsuꞌwi tiye neꞌ ꞌin nchga nan nu nsuꞌwi lo chalyuu.

COLOSENSES 3:2

Ndiꞌin chaꞌ kanun tsaa chaꞌ ꞌin Krixtu niꞌ kasiya ꞌwan, loꞌo ja ndiꞌin chaꞌ kalaꞌ tiꞌ wan loꞌo nchga chaꞌ kuxi nu nsuꞌwi lo chalyuu.