SAN MATEO 16:18 - Chatino Zona Alta Occidental

¹⁸ Tyu naan, kanꞌ chaꞌ nuꞌwin kaa sa ñaꞌan lka ska kee nu nsu kiyaꞌ naꞌan. Chañi ꞌa chaꞌ nu ykwiiꞌ tsan; kanꞌ lka suun chaꞌ ꞌin nten ꞌñaǎn, chaꞌ tsaa ꞌa nganun chaꞌ nu ykwiiꞌ ngwañaꞌan. Ja ka ꞌin kuneꞌ xaꞌan tyijin lyo ꞌin nten ꞌñaǎn; loꞌo kwiꞌin kuxi, loꞌo ayman, loꞌo nten, ja tukwin ka ꞌin tyijin lyo ꞌin nten ꞌñaǎn, ni siya kaja nten ꞌñaǎn siꞌya chaꞌ kuxi.

SAN MATEO 16:18 Iomraidhean Croise

SAN MATEO 10:2

Nde ndaꞌaǎn nin taꞌa tii tyukwa neꞌ nu ngulo suwi Jesús: kulo ngulo suwi yu ꞌin Simón, nu mstya Jesús xka nin chaꞌ ka naan yu Tyu, loꞌo Ndre taꞌa ngula Simón kanꞌ; kanꞌ ngulo suwi yu ꞌin Santiago, loꞌo Xuwa taꞌa ngula Santiago, nu lka sñiꞌ Zebedeo;

SAN MATEO 11:23

Loꞌo ꞌwan, neꞌ Capernaum ni, ¿ta suꞌwe la kichen tyi wan, nxkeꞌ tiꞌ wan a? ¿Ta lka kichen tyi wan ndloo la ꞌin xka la kichen, nxkeꞌ tiꞌ wan a? Nde loo la ñuꞌun siyaꞌ ti kichen tyi wan, loꞌo ykwiꞌ wan tyaa wan nde lo jwlyaa bra kanꞌ. Kaꞌan ꞌa chaꞌ tnun yꞌniǐn seꞌen ndiꞌin wan, loꞌo ja yaa ñaꞌan tiꞌ wan ꞌñaǎn siyaꞌ ti. Kwiꞌ ngwañaꞌan nu ngwa sꞌni, xaꞌan ꞌa ngwa neꞌ kichen Sodoma; loꞌo ja naꞌan ayman kanꞌ chaꞌ tnun sa ñaꞌan nu wa naꞌan wan, ꞌwan neꞌ Capernaum. Si wa naꞌan neꞌ chaꞌ kanꞌ, ja chan wa mjyuꞌu tiꞌ neꞌ ꞌin chaꞌ kuxi nu wa yꞌni neꞌ bra kanꞌ, wa ngulaa yaꞌ neꞌ chaꞌ kuxi kanꞌ; ja chan ti ndukwa kichen tyi neꞌ kanꞌ sa bra ni.

SAN MATEO 18:17

Si ja xlyaa ꞌa yu taꞌa wan kanꞌ kunan yu chaꞌ nchkwiꞌ tukwa snan wan bra kanꞌ, ndiꞌin chaꞌ katsaꞌ wan chaꞌ kanꞌ ꞌin ñaꞌaan ta nten ꞌwan, nu suꞌwa ngiꞌni tnun wan ꞌin Ndiose. Ti kwiꞌ ti chaꞌ, si ja xlyaa yu taꞌa wan kanꞌ kunan yu chaꞌ nu nchkwiꞌ ñaꞌaan ta taꞌa wan loꞌo yu bra kanꞌ, ja chka suꞌwe chaꞌ ꞌwan loꞌo yu kanꞌ sikwa. Ñaꞌan tiꞌ ska nten nu ja ndiꞌin chaꞌ ꞌin loꞌo Ndiose siyaꞌ ti, ngwañaꞌan ka yu kanꞌ loꞌo wan; sa ñaꞌan ngiꞌni wan loꞌo ska msu ꞌin neꞌ xka laꞌa tsuꞌ nu kwiñi ti ndlo kaꞌan ꞌa tñi ꞌwan, ngwañaꞌan kuꞌni wan loꞌo yu bra kanꞌ.

SAN MATEO 4:18

La xka tsan ndaꞌan Jesús tuꞌwa tiyuꞌ Galilea kanꞌ, naꞌan yu ꞌin Simón loꞌo Ndre taꞌa ngula Simón bra kanꞌ, nduguun neꞌ katan lo tyiꞌa chaꞌ xñi neꞌ kula, chaꞌ kanꞌ lka tñan nu ngiꞌni neꞌ kanꞌ nchga tsan. Ti kwiꞌ Simón kanꞌ lka nu mstya Jesús xka nin chaꞌ ka naan yu Tyu.

SAN MATEO 7:24

’Nchga nten nu kunan suꞌwe chaꞌ nu nchkwiǐnꞌ re, nchga nten nu tukwa chaꞌ nu nchkwiǐnꞌ, lka neꞌ kanꞌ sa ñaꞌan lka ska nten nu ngiꞌni suꞌwe kwenta xa nu ti ji kwiñan yu naꞌan ꞌin yu. Kanꞌ mñan yu kanꞌ naꞌan ꞌin yu chunꞌ ska kee jaaꞌ.

SAN JUAN 1:42

Ndyaa loꞌo Ndre ꞌin Simón seꞌen ndiꞌin Jesús bra kanꞌ. Naꞌan kwiꞌya ꞌa Jesús ꞌin Simón kanꞌ, loꞌo nde ndiya chaꞌ nu ykwiꞌ Jesús loꞌo yu bra kanꞌ: ―Simón lka nin nuꞌwin ―ndukwin―, sñiꞌ Jona lkaa; Cefas ka naan nde loo la ―ñaꞌan tiꞌ chkwianꞌ chaꞌtñan: ska kee, suꞌwa ti lka chaꞌ kanꞌ loꞌo Tyu.

LOS HECHOS 2:47

chaꞌ ngiꞌni tnun neꞌ kanꞌ ꞌin Ndiose. Loꞌo suꞌwe ꞌa nchkwiꞌ nchga nten kichen chaꞌ ꞌin neꞌ kanꞌ. Nchga tsan kaꞌan la nten yten chaꞌ ꞌin Jesucristo; ngulaa neꞌ kanꞌ ꞌin chaꞌ kuxi nu ndiꞌin ꞌin neꞌ bra kanꞌ, ndyoꞌ tiꞌin neꞌ loꞌo nchga nten ꞌin Jesucristo kanꞌ.

LOS HECHOS 20:28

Loꞌo ni, ndiꞌin chaꞌ ñaꞌansiin wan ꞌwan, ti ykwiꞌ ti wan; kwiꞌ ngwañaꞌan, ñaꞌansiin wan ꞌin nchga nten ꞌin Jesucristo nde kichen tyi wan, chaꞌ wa nda Tyiꞌi Ndiose tñan ꞌwan chaꞌ ka wan ndloo ꞌin nchga ta nten kanꞌ. Tnun ꞌa tñan yꞌni Xꞌnaan chaꞌ katin kiꞌya nu ndiꞌin ꞌñaan bra nu ngujwi yu lo wsi, ngalu tnen ykwiꞌ yu.

LOS HECHOS 8:1

Loꞌo suꞌwe ꞌa nka tiye Saulo kanꞌ, chaꞌ wa yjwi neꞌ ꞌin Steba. Ti kwiꞌ tsan kanꞌ mdyisnan yu, mda ꞌa yu nu tiꞌí ꞌin neꞌ nu ndiꞌin chaꞌ ꞌin loꞌo Jesucristo nde kichen Jerusalén. Tiꞌí ꞌa tiꞌ yu ꞌin neꞌ kanꞌ; kanꞌ chaꞌ msñi neꞌ tuwiin, ndyaa neꞌ nchga kichen nde lo yuu ꞌin Judea, loꞌo nde lo yuu nu kwenta ꞌin Samaria. Tii tyukwa neꞌ nu yꞌni xaꞌan chaꞌ ꞌin Jesucristo ti kulo, kanꞌ ti nu ngunun nde Jerusalén.

1 CORINTIOS 15:55

ja ka ꞌa kuꞌni kuneꞌ xaꞌan kanan ꞌñaan chaꞌ kajaan, ja tyijiin ꞌaan nu tiꞌí kanꞌ ni” ndukwin kityi kanꞌ.

GÁLATAS 2:9

Kanꞌ chaꞌ yuꞌwi lyo neꞌ chaꞌ ꞌñaǎn, kwiꞌ Santiago loꞌo Tyu loꞌo Xuwa kanꞌ, ti kwiꞌ neꞌ nu nka ndloo la ꞌin neꞌ taꞌa msñian chaꞌ ꞌin Krixtu. Ska ti chaꞌ ykwiꞌ neꞌ kanꞌ loꞌo ba, chaꞌ suꞌwe ꞌa yꞌni Ndiose loꞌoǔn bra nu nda Ni tñan kanꞌ ꞌñaǎn. Bra kanꞌ msñi yaꞌ taꞌa ba loꞌo neꞌ bra kanꞌ, naꞌ loꞌo Bernabé, chaꞌ ngwa biyaꞌ tiꞌ ba chaꞌ suꞌwe nka tiye neꞌ loꞌo ba, chaꞌ suꞌwa ndiꞌin chaꞌ ꞌin neꞌ loꞌo ba, chaꞌ ti tsaa la ba kichen tyi neꞌ xka laꞌa tsuꞌ. Kanun ykwiꞌ neꞌ kanꞌ seꞌen ndiꞌin yu judío taꞌa ba bra kanꞌ.

EFESIOS 3:10

loꞌo ni, ka biyaꞌ tiꞌ nchga kwiꞌin nu nka ndloo la nde niꞌ kwan, bra nu ñaꞌan kwiꞌin kanꞌ ꞌin nten chalyuu nu ngiꞌni tnun ꞌin Krixtu sa tlyu ti. Loꞌo kwiꞌin nu ngwa tiꞌ tyijin lyo ꞌin Ndiose nu ngwa sꞌni, loꞌo kwiꞌin kanꞌ ka biyaꞌ tiꞌ chaꞌ nchka la ꞌin Ndiose ke ska nan nu ngwiñan Ni.

EFESIOS 5:32

Tnun ꞌa chaꞌ nchkwiꞌ kityi kula kanꞌ. Nxkeꞌ tiǎnꞌ chaꞌ chaꞌ ꞌin Krixtu nchkwiꞌ kityi kanꞌ, ngwañaꞌan chaꞌ ꞌñaan taꞌaan nu ngiꞌniin tnuan ꞌin Ni sa tlyu ti, kanꞌ lka chaꞌ nu nchkwiꞌ Ndiose lo kityi kanꞌ.

COLOSENSES 1:18

Ti kwiꞌ Ni lka Ni ndloo ꞌin nchga ta nten nu ngiꞌni tnun ꞌin Ndiose sa tlyu ti, ti kwiꞌ Ni nda Ni chalyuu ꞌin neꞌ kanꞌ. Ti kwiꞌ Krixtu lka nu kulo ndukwa la ndyuꞌu xiyaꞌ bra nu ngujwi yu, chaꞌ bra kanꞌ ka ꞌin Ni tyukwa Ni seꞌen lka Ni ndloo la ꞌin nchga nan.

1 TIMOTEO 3:5

Ja ka ꞌin ska nten ka ndloo ꞌin taꞌa nten ꞌin Ndiose ska kichen si ja kulo suꞌwe yu kanꞌ tñan naꞌan tyi yu;

HEBREOS 12:28

Kwiꞌ ngwañaꞌan, ja xaꞌan ꞌa chalyuu kwi nu wa mjwi ꞌñaan chunꞌ Krixtu, ja siyaꞌ tyii chalyuu kanꞌ; kanꞌ chaꞌ tyaan xuꞌwe ꞌin Ndiose sikwa. Kuꞌniin tnuan ꞌin Ni, chaꞌ ngwañaꞌan nchka tiꞌ Ni chaꞌ kuꞌnian. Kuwe ꞌa tianꞌ ꞌin Ni chaꞌ tnun ꞌa chaꞌ ndiꞌin ꞌin Ni; nchga tsan kuꞌniin tnuan ꞌin Ni sikwa.

EL APOCALIPSIS 11:15

Wa lka kati yaꞌ ynen ngwaꞌa angajle kuwi chkwan. Kwiꞌ tyun ꞌa nu nganen nchkwiꞌ nde niꞌ kwan bra kanꞌ, kwiꞌ nu nchkwiꞌ chaꞌ re: Sa bra ni nganun tsaa chaꞌ ꞌin nu nka Xꞌnaan, kwiꞌ ngwañaꞌan chaꞌ ꞌin Krixtu, chaꞌ ka Ni ndloo tyukwi ñaꞌaan chalyuu, ndukwin Ni kanꞌ. Loꞌo ni, ja tsaa tii ꞌa chaꞌ kulo Ni tñan lo chalyuu bra kanꞌ.

EL APOCALIPSIS 21:14

Loꞌo tii tyukwa kee tnun nsuꞌwi kiyaꞌ loꞌoo kanꞌ; siꞌ kee kanꞌ wa ndukwa nin tii tyukwa nten, kwiꞌ nu ngulo nu lka ñaꞌan tiꞌ slyaꞌ kanꞌ tñan, chaꞌ kuꞌni neꞌ tñan chabiyaꞌ ꞌin Ndiose bra kanꞌ; kanꞌ lka taꞌa mdaꞌan Krixtu.