SAN MATEO 16:16 - Chatino Zona Alta Occidental

¹⁶ Bra ti mxkwen Tyu Simón ꞌin Jesús bra kanꞌ: ―Krixtu lka nuꞌwin. Sñiꞌ Ndiose nu luꞌu lkaa nuꞌwin.

SAN MATEO 16:16 Iomraidhean Croise

SAN MATEO 1:16

Loꞌo sñiꞌ ayman Jacob ni, kanꞌ ngwa Se nu ngwa kwilyoꞌo Liya jyaꞌan Jesús bra kanꞌ. Kwiꞌ ngwañaꞌan, Krixtu naan Jesús kanꞌ.

SAN MATEO 14:33

Kanꞌ chaꞌ yꞌni tnun neꞌ nu ndiꞌin niꞌ yka naꞌan kanꞌ ꞌin Jesús, mduun xtyinꞌ neꞌ tloo yu bra kanꞌ. ―Chañi chaꞌ nuꞌwin lkaa ska ti nu lka Sñiꞌ Ndiose ―ndukwin neꞌ ꞌin yu.

SAN MATEO 16:15

Xiyaꞌ mnichaꞌ Jesús ꞌin neꞌ kanꞌ: ―Loꞌo ꞌwan ni, ¿ti ka nu lkaǎn, nxkeꞌ tiꞌ wan?

SAN MATEO 26:63

Ja ska chaꞌ mxkwen Jesús ꞌin sti joꞌo. Chunꞌ ndiꞌin la ngulo sti joꞌo kanꞌ tñan ꞌin yu: ―Chabiyaꞌ ꞌin Ndiose nu luꞌu ndloǔn tñan re ꞌiin ni: Katsaaꞌ lyaa ꞌwa si chañi chaꞌ Krixtu lka nuꞌwin, si lkaa ska ti nu lka Sñiꞌ Ndiose.

SAN MATEO 27:54

Loꞌo sndaru nu ndiꞌin kwan ꞌin Jesús, loꞌo capitán ꞌin sndaru kanꞌ, yuwe ꞌa tiꞌ neꞌ bra kanꞌ; lye ꞌa ytsen neꞌ xa nu naꞌan neꞌ sa ñaꞌan ngwa chaꞌ kanꞌ, sa ñaꞌan ngwa xa nu lye ꞌa mñan chalyuu. ―Chañi chaꞌ ska ti nu lka Sñiꞌ Ndiose lka ayman re ―ndukwin sndaru kanꞌ.

SAN MATEO 4:3

Loꞌo bra kanꞌ mdoꞌo tukwa kuneꞌ xaꞌan kanꞌ, chaꞌ kwiñi lyoꞌo ꞌin Jesús: ―Si chañi chaꞌ lkaa ska ti nu lka Sñiꞌ Ndiose ―ndukwin kuneꞌ xaꞌan ꞌin Jesús―, xñii ska kee re sikwa, chaꞌ kwiñaan tyaja loꞌo ran chaꞌ kuan.

SAN MARCOS 14:61

Tiin ti mduun Jesús, ja ska chaꞌ siyaꞌ ti mxkwen yu ꞌin neꞌ. Kanꞌ chaꞌ xiyaꞌ mnichaꞌ sti joꞌo nu lka ndloo la ꞌin yu bra kanꞌ: ―¿Ta chañi chaꞌ Krixtu lkaa a? ―ndukwin―. ¿Ta ska ti nuꞌwin lkaa Sñiꞌ Ndiose nu ngiꞌni tnuan ꞌin a? ―ndukwin sti joꞌo kanꞌ ꞌin Jesús.

SAN LUCAS 2:11

Wa ndijyaǎn katsaǎnꞌ ꞌwan chaꞌ nu ni, wa ngula ska kuwiꞌ kichen tyi wan, chaꞌ ti kwiꞌ kichen tyi ayman David lka kanꞌ; kuwiꞌ kanꞌ lka nu kuꞌni tyii kiꞌya nu ndukwi wan. Kanꞌ lka Krixtu nu nka Xꞌnaan, nu wa msuꞌwa Ndiose ꞌin chaꞌ ndijyan lo chalyuu ―ndukwin―.

SAN JUAN 1:49

―Mstru ―ndukwin Natanael―, chañi chaꞌ nuꞌwin lkaa ska ti nu lka Sñiꞌ Ndiose, nuꞌwin lkaa ree nu nka ndloo ꞌin neꞌ Israel.

SAN JUAN 11:27

―Chañi chaꞌ ndyaa ñaꞌan tiǎnꞌ ꞌiin, neꞌ kula ―ndukwin nu kunaꞌan kanꞌ―. Loꞌo ni, wa ndyaa ñaꞌan tiǎnꞌ ꞌiin chaꞌ nuꞌwin lkaa Krixtu, nten nu tnun nchka kanꞌ, loꞌo nuꞌwin lkaa skaa tii nu lka Sñiꞌ Ndiose ykwiꞌ; kwiꞌ ngwañaꞌan, wa msuꞌwa Ndiose ꞌiin ndijyaan lo chalyuu re.

SAN JUAN 20:31

Chaꞌ nu ndukwa lo kityi re ni, wa ngwaꞌaǎn chaꞌ kanꞌ chaꞌ ka tsaa ñaꞌan tiꞌ wan chaꞌ Jesús lka Krixtu, ti kwiꞌ nu msuꞌwa Ndiose chaꞌ kan lo chalyuu, chaꞌ ka sten wan chaꞌ ꞌin Jesús, chaꞌ ska ti Ni kanꞌ lka Ni Sñiꞌ Ndiose. Loꞌo kaja chalyuu suꞌwe nu ja tsaa tii ꞌa ꞌwan chabiyaꞌ ꞌin Jesús bra kanꞌ.

SAN JUAN 6:57

Nchga bra luꞌu Stiǐn Ndiose nu msuꞌwa ꞌñaǎn ndijyaǎn nde re, kwiꞌ chabiyaꞌ ꞌin Ndiose luꞌuǔn; kwiꞌ ngwañaꞌan, chabiyaꞌ ꞌñaǎn tyuꞌu nten nu xñi chaꞌ ꞌñaǎn, nten nu kaja tyukwi ñaꞌaǎn ꞌin neꞌ.

SAN JUAN 6:68

Mxkwen Tyu Simón ꞌin Jesús bra kanꞌ: ―Yu kula ―ndukwin―, ¿la nde yaꞌ ndiya xka seꞌen tsaa ba chaꞌ kunan ba nchga chaꞌ nu ñi nu nchkwiiꞌ a? Ja tsaa tii ꞌa chalyuu ꞌwa xa nu kunan suꞌwe ba chaꞌ nu nchkwiiꞌ ―ndukwin―.

SAN JUAN 6:69

Wa ndyaa ñaꞌan tiꞌ ba ꞌiin. Wa jlyo tiꞌ ba chaꞌ Ndiose lka nu ngulo suwi ꞌiin, chaꞌ ska ti nuꞌwin nu chañi lkaa ska ti nu lka Sñiꞌ Ndiose nu ndiꞌin chaꞌ kaan lo chalyuu.

LOS HECHOS 14:15

―¡ꞌWan, neꞌ kula! ―ndukwin Palyu loꞌo Bernabé ꞌin neꞌ kichen―. ¿Ni chaꞌ lka ngiꞌni wan ngwañaꞌan a? ―ndukwin taꞌa tyukwaa neꞌ―. Nten chalyuu ti lka bare, ñaꞌan tiꞌ wan; ja lka ba ndiose. Wa mdiyan ba nde re chaꞌ chkwiꞌ ba loꞌo wan, chaꞌ ꞌin Ndiose nu luꞌu. Ja suꞌwe kuꞌni tnun wan ꞌin xka la joꞌo, ska ti Ndiose nu luꞌu ndiꞌin chaꞌ xuꞌwi lyo wan ꞌin Ni; ti kwiꞌ Ni lka nu ngwiñan Ni nchga nan nu nsuꞌwi lo yuu, loꞌo nchga nan nu nsuꞌwi nde niꞌ kwan, loꞌo nchga nan nu nsuꞌwi tujoꞌo.

LOS HECHOS 8:36

Laja nu ndyaa neꞌ tuwiin kanꞌ, mdiyan neꞌ ska seꞌen ndiꞌin ylaa tyiꞌa. Ykwiꞌ yu kula kanꞌ loꞌo Lpe bra kanꞌ: ―Nde ndiya tyiꞌa ―ndukwin yu kanꞌ―. ¿Ja kuꞌnii chaꞌ suꞌwe tukwatyaa ꞌñaǎn ni a?

LOS HECHOS 8:37

―Suꞌwe ―ndukwin Lpe ꞌin yu―. Suꞌwe si chañi chaꞌ tyukwi ti tiyee msñii chaꞌ ꞌin Jesucristo. ―Chañi chaꞌ wa msñiǐn chaꞌ kanꞌ ―ndukwin yu kula kanꞌ―. Ndyaa ñaꞌan tiǎnꞌ chaꞌ ska ti Jesucristo lka Sñiꞌ Ndiose ykwiꞌ.

LOS HECHOS 9:20

Bra ti mdyisnan Saulo ndaꞌan yu nchga niꞌ lyaa ꞌin neꞌ judío kichen kanꞌ, ngwaꞌu yu ꞌin neꞌ chaꞌ chañi lka Jesús ska ti nu lka Sñiꞌ Ndiose.

ROMANOS 1:4

kwiꞌ ngwañaꞌan lka Jesús ska ti nu nka Sñiꞌ ykwiꞌ Ndiose. Nde ñaꞌan ka biyaꞌ suꞌwe tianꞌ chaꞌ kanꞌ: chabiyaꞌ ꞌin Ndiose Sti yu ndyuꞌu Jesús xiyaꞌ xa wa ngujwi yu, loꞌo tnun ꞌa tñan yꞌni Ndiose bra kanꞌ. Bra nu mda Ndiose Tyiꞌi ykwiꞌ ꞌin Jesús, bra kanꞌ ytsaꞌ Ni ꞌñaan chaꞌ Sñiꞌ ykwiꞌ Ndiose lka Jesús kanꞌ.

2 CORINTIOS 1:19

chaꞌ Jesucristo nu lka ska ti Sñiꞌ Ndiose ni, siꞌi tukwa chaꞌ ndaꞌan tiye Ni. Wa ykwiꞌ ba chaꞌ ꞌin Jesús seꞌen ndiꞌin wan, loꞌoǔn wa ykwiǐnꞌ loꞌo wan, loꞌo Silvano, loꞌo Timu, wa ykwiꞌ ba chaꞌ ꞌin Ni. Loꞌo ja siyaꞌ nchkwiꞌ Ni chaꞌ “siꞌi ngwañaꞌan lka ska chaꞌ” si wa ykwiꞌ Ni ska yaꞌ chaꞌ “ngwañaꞌan lka chaꞌ kanꞌ”. Ska ti Krixtu lka nu chañi chaꞌ nchkwiꞌ chaꞌ nu ñi,

2 CORINTIOS 3:3

Krixtu yꞌni tñan kanꞌ niꞌ kasiya ꞌwan, xa nu msuꞌwa Ni ꞌwa chaꞌ ndyaa ba seꞌen ndiꞌin wan; kanꞌ lka ska tñan nu yꞌni Tyiꞌi ykwiꞌ Ndiose nu nchga bra luꞌu, kwiꞌ lka tñan nu wa yꞌni Ni niꞌ kasiya ꞌwan, nten chalyuu; ja ngwa tñan kanꞌ chabiyaꞌ ꞌin ska chaꞌ nu ngwaꞌan nten chunꞌ ska kee kwajaꞌ ti.

2 CORINTIOS 6:16

Ñaꞌan tiꞌ ꞌwan nu ndiya ꞌa tiꞌ Ndiose ꞌwan, ja ka suꞌwa chaꞌ ꞌwan loꞌo xka ta nten nu msñi chaꞌ ꞌin ya ñaꞌan ti joꞌo; kwiꞌ Ndiose nu luꞌu ndiya ꞌa tiꞌ ꞌñaan chunꞌ nganun Tyiꞌi Ni niꞌ kasiya ꞌñaan. Nde ndiya ska chaꞌ nu ykwiꞌ Ndiose: Tyiꞌiǐn nde seꞌen ndiꞌin nten kanꞌ, ndukwin Ni, kwiꞌ ngwañaꞌan tyaꞌaǎn loꞌo nten kanꞌ; kaǎn Ndiose chaꞌ ꞌin neꞌ kanꞌ, kanꞌ chaꞌ ka neꞌ kanꞌ nten ꞌñaǎn. Ngwañaꞌan ndukwin Ni.

1 TESALONICENSES 1:9

Ti kwiꞌ neꞌ kanꞌ ytsaꞌ neꞌ ꞌwa sa ñaꞌan ngwa bra nu mdiyan ba seꞌen ndiꞌin wan ti kulo, chaꞌ bra kanꞌ ngulaa yaꞌ wan ꞌin nchga joꞌo nu nsuꞌwi ꞌwan nu ngwa xkanꞌ, chaꞌ kuꞌni wan tñan ꞌin Ndiose nu luꞌu, nu ska ti Ndiose nu chañi nka.

1 TIMOTEO 4:10

Ndyaa ñaꞌan tianꞌ ꞌin Ndiose nu luꞌu; kanꞌ chaꞌ lye ꞌa kuꞌnian tñan ꞌin Ni, ni siya tiꞌí ꞌa tiꞌ nten ꞌñaan. Loꞌo Ndiose ni, kulaa Ni ꞌin nchga nten nu kunan chaꞌ ꞌin Ni. Bra nu xñian chaꞌ ꞌin Ni, bra kanꞌ ka biyaꞌ suꞌwe la tianꞌ chaꞌ kanꞌ.

HEBREOS 10:31

¡Tnun ꞌa chaꞌ lka, si taꞌan yaꞌ Ndiose ꞌñaan chaꞌ ta Ni nu tiꞌí ꞌñaan, ti kwiꞌ Ndiose nu luꞌu nka Ni!

HEBREOS 12:22

Loꞌo siꞌi ngwañaꞌan nchka ꞌwan ni, chaꞌ xka chalyuu kwi tsaa wan ni, ti kwiꞌ seꞌen ndiꞌin Ndiose ykwiꞌ nde niꞌ kwan. La kanꞌ ndiꞌin Ndiose loꞌo tyun ꞌa mi angajle ꞌin Ni. Suꞌwe ꞌa ñaꞌan la kanꞌ; ñaꞌan tiꞌ si wa ndukwa xka kiꞌya Sión nde niꞌ kwan, ñaꞌan tiꞌ si nde kwa nskwa xka kichen Jerusalén nu suꞌwe la ñaꞌan, ngwañaꞌan lka la kanꞌ.

HEBREOS 3:12

ꞌWan taꞌa msñian chaꞌ ꞌin Jesús, kuꞌni wan kwenta ꞌwan, ti ykwiꞌ ti wan, chaꞌ ja ska wan xiꞌin chunꞌ wan chaꞌ ꞌin Ndiose ykwiꞌ, chaꞌ ja ka kuxi niꞌ kasiya ꞌwan, chaꞌ ja kulaa yaꞌ wan chaꞌ nu nchkwiꞌ Ni.

HEBREOS 9:14

Ni siya ngwañaꞌan tñan yꞌni sti joꞌo kanꞌ nu ngwa bra kanꞌ, ¡tnun la ti tñan yꞌni Krixtu ni!, chaꞌ ngalu tnen ykwiꞌ yu bra nu ngujwi yu lo wsi siꞌyaan. Tyiꞌi Ndiose, kanꞌ nu yꞌni chaꞌ ngwa ꞌin Krixtu mda yu ꞌin yu, ti ykwiꞌ ti yu, chaꞌ katin kiꞌya nu ndiꞌin ꞌñaan loꞌo Ndiose siyaꞌ ti; loꞌo Krixtu ni, ja ska kiꞌya ndukwi yu siyaꞌ ti. Kanꞌ chaꞌ ni, ka ꞌin Ni kuꞌni luwi Ni kasiya ꞌñaan taꞌaan, xa nu tyaa yuꞌwi tianꞌ sa ñaꞌan nu yꞌni Ni chaꞌ ngalu tnen Ni lo wsi. Loꞌo ka ꞌin Ni kuꞌni tyii Ni nchga chaꞌ kuxi nu ngiꞌni ñuꞌun ꞌñaan, chaꞌ ngwañaꞌan ka ꞌñaan kuꞌnian tñan ꞌin Ndiose ykwiꞌ lo chalyuu re bra kanꞌ.

1 SAN JUAN 4:15

Nten nu xlyaa katsaꞌ ꞌin taꞌa nten chaꞌ Jesucristo lka ska ti Sñiꞌ ykwiꞌ Ndiose, suꞌwa nka tiye Ndiose loꞌo neꞌ kanꞌ bra kanꞌ, loꞌo ngwañaꞌan suꞌwa nka tiye neꞌ kanꞌ loꞌo Ndiose.

1 SAN JUAN 5:20

Ngwa jlyo tianꞌ chaꞌ wa yan nu lka ska ti Sñiꞌ ykwiꞌ Ndiose lo chalyuu, loꞌo ngwañaꞌan wa mda Ni chabiyaꞌ chaꞌ ka xuꞌwi chaꞌ ꞌñaan loꞌo Ndiose. Loꞌo chañi chaꞌ suꞌwa ka tiyean loꞌo Ndiose ni, chunꞌ chaꞌ suꞌwa nka tiyean loꞌo Jesucristo nu lka Sñiꞌ ykwiꞌ Ni. Chañi chaꞌ Ndiose siyaꞌ ti lka Jesús, kwiꞌ ngwañaꞌan chañi chaꞌ ja tsaa tii ꞌa chalyuu kwi nu ta Ni ꞌñaan.

1 SAN JUAN 5:5

Nten nu ndyaa ñaꞌan tiꞌ chaꞌ ska ti Jesús lka Sñiꞌ Ndiose, sa kanꞌ ti nten ka ꞌin tyijin lyo ꞌin nchga chaꞌ kuxi nu nsuꞌwi lo chalyuu.

EL APOCALIPSIS 7:2

Loꞌo naꞌaǎn mdoꞌo tukwa xka angajle nu mdoꞌo ndijyan nde seꞌen ndoꞌo tukwa kwichaa bra kanꞌ. Ndiꞌya yu biyaꞌ nu wa mda Ndiose ꞌin yu, ti kwiꞌ Ndiose nu luꞌu, chaꞌ kwaꞌan biyaꞌ yu ꞌin nu lka nten ꞌin Ndiose. Kwen nchkwiꞌ yu loꞌo jakwa angajle nu nsuꞌwi chabiyaꞌ kuꞌni ñuꞌun ꞌin chalyuu loꞌo tujoꞌo bra kanꞌ.