SAN MATEO 15:10 - Chatino Zona Alta Occidental

¹⁰ Kanꞌ msiꞌya Jesús ꞌin nten kaꞌan nu ndiꞌin nde kwa chaꞌ kan neꞌ kwiꞌ seꞌen la chinꞌ, chaꞌ chkwiꞌ yu loꞌo neꞌ bra kanꞌ: ―Kunan suꞌwe wan ―ndukwin Jesús ꞌin neꞌ―, chaꞌ ka biyaꞌ suꞌwe tiꞌ wan ―ndukwin―.

SAN MATEO 15:10 Iomraidhean Croise

SAN MATEO 13:19

Bra nu kunan nten sa ñaꞌan ka chaꞌ nu lka Ndiose ndloo niꞌ kasiya ꞌin nten, loꞌo ja nchka biyaꞌ tiꞌ neꞌ kanꞌ sa ñaꞌan lka chaꞌ kanꞌ, bra ti kuꞌni kuneꞌ xaꞌan tñan chaꞌ katin chaꞌ suꞌwe kanꞌ, chaꞌ ja xñi ꞌa neꞌ kanꞌ chaꞌ suꞌwe kanꞌ. Ñaꞌan tiꞌ mta trigu nu mdiyuu tuꞌwa tuwiin, ngwañaꞌan lka nten kanꞌ.

SAN MATEO 15:11

Siꞌi ska nan nu nchku ti nten nu ngiꞌni chaꞌ ka kuxi ka tiye neꞌ; nchga chaꞌ nu nchkwiꞌ nten ni, siꞌya chaꞌ kanꞌ ka biyaꞌ tianꞌ chaꞌ mnuꞌun tiye neꞌ.

SAN MATEO 15:9

Nan kwiñi ꞌa neꞌ re, chaꞌ nchkwiꞌ neꞌ chaꞌ ngiꞌni tnun neꞌ ꞌñaǎn. Nduꞌu neꞌ chaꞌ nu nchkwiꞌ nten chalyuu ti ꞌin taꞌa nten neꞌ, ni siya nchkwiꞌ neꞌ chaꞌ nduꞌu neꞌ chaꞌ ꞌñaǎn ꞌin taꞌa neꞌ. Ngwañaꞌan ndukwa chaꞌ nu ngwaꞌan ayman Isaías kanꞌ chabiyaꞌ ꞌin Ndiose.

SAN MATEO 24:15

’Ayman Daniel nu ykwiꞌ chaꞌ ꞌin Ndiose loꞌo nten ti sꞌni, wa ykwiꞌ yu chaꞌ ꞌin ska nkwin nu kuxi ꞌa, ska nan nu kuꞌni ñuꞌun ꞌin nchga nan nu luwi. ―Ka biyaꞌ tiꞌ wan chaꞌ kanꞌ, bra nu chkwiꞌ wan lo kityi re―. Bra nu ñaꞌan wan chaꞌ nduun nkwin nu kuxi kanꞌ nde seꞌen kti ꞌa niꞌ lyaa tnun kanꞌ ―ndukwin Jesús―,

SAN LUCAS 24:45

Bra kanꞌ ngwaꞌu Jesús ꞌin neꞌ nchga chaꞌ nu nchkwiꞌ kityi kula kanꞌ:

EFESIOS 1:17

Tlyu ꞌa chaꞌ suꞌwe ndiꞌin ꞌin Ndiose Stian, ti kwiꞌ Ndiose nu lka Sti Xꞌnaan Jesucristo. Njnaǎn ꞌin Ni chaꞌ ta Ni Tyiꞌi ykwiꞌ Ni ꞌwan, chaꞌ ngwañaꞌan ka biyaꞌ tiꞌ wan nchga chaꞌ bra kanꞌ; kwaꞌu Tyiꞌi Ni ꞌwan sa ñaꞌan lka Ndiose, loꞌo kanꞌ ka xuꞌwi lyo suꞌwe la wan ꞌin Ni.

COLOSENSES 1:9

Kanꞌ chaꞌ taꞌa ti nchkwiꞌ ba loꞌo Ndiose chaꞌ ꞌwan; ti bra nu ynan ba chaꞌ wa msñi wan chaꞌ kanꞌ, njñan ba xuꞌwe ꞌin Ndiose chaꞌ ta Ni chabiyaꞌ chaꞌ ka biyaꞌ ji tiꞌ wan nchga tñan nu nchka tiꞌ Ni chaꞌ kuꞌni wan. Kwiꞌ ngwañaꞌan njñan ba ꞌin Ni chaꞌ ka tyaꞌan suꞌwe chaꞌ tiye wan, chaꞌ ka kiꞌya suꞌwe wan kwenta chabiyaꞌ ꞌin Tyiꞌi Ndiose.

SANTIAGO 1:5

Si ndiya yaꞌ nu ja jlyo tiꞌ wan siyaꞌ ti sa ñaꞌan kuꞌni wan, bra kanꞌ jñan wan xuꞌwe ꞌin Ndiose, chaꞌ ta Ni ska chaꞌ tiya nu kiꞌya ke wan sa ñaꞌan kuꞌni wan bra kanꞌ. Suꞌwe ꞌa chaꞌ xuꞌwe ti nda Ni nchga chaꞌ ꞌin nten, loꞌo ja ngiꞌni tlá Ni ꞌñaan xa nu nda Ni ska chaꞌ suꞌwe ꞌñaan.