SAN MATEO 14:13 - Chatino Zona Alta Occidental

¹³ Bra wa ynan Jesús sa ñaꞌan nu ngwa ꞌin ayman Xuwa, yten yu ska ti yu niꞌ yka naꞌan chaꞌ tsaa yu xka tuꞌwa tiyuꞌ; ngwa tiꞌ yu tsaa yu ska seꞌen niꞌ kixinꞌ, seꞌen ja ndiꞌin nten. Bra ti ngwa biyaꞌ tiꞌ kaꞌan nten chaꞌ ndyaa yu nde kanꞌ, kanꞌ chaꞌ bra ti mdoꞌo ñaꞌan neꞌ ꞌin yu, kiyaꞌ ti neꞌ ndijyan neꞌ tuꞌwa tiyuꞌ. Loꞌo neꞌ tyun kichen mdiyan neꞌ.

SAN MATEO 14:13 Iomraidhean Croise

SAN MATEO 10:23

Suꞌwe la xnan wan xka kichen xa nu lye ꞌa ngiꞌni liyeꞌ tiꞌ neꞌ ꞌwan. Chañi chaꞌ nchkwiǐnꞌ loꞌo wan ni: Ja ya chkwiꞌ wan chaꞌ ꞌñaǎn loꞌo neꞌ Israel nchga kichen tyi neꞌ bra nu kaǎn lo chalyuu xiyaꞌ, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten.

SAN MATEO 12:15

Loꞌo Jesús ni, ngwa biyaꞌ tiꞌ yu nchga chaꞌ kuxi nu ndaꞌan chaꞌ tiye neꞌ fariseo, kanꞌ chaꞌ mdoꞌo yu ndyaa yu xka seꞌen. Kaꞌan ꞌa nten mdoꞌo ñaꞌan ꞌin yu, loꞌo yꞌni yu chaꞌ nchkaa nchga nu tiꞌí.

SAN MATEO 14:12

Chunꞌ ndiꞌin la mdiyan neꞌ nu ngiꞌni xaꞌan chaꞌ ꞌin Xuwa, ngwiꞌya neꞌ ꞌin ayman kanꞌ, chaꞌ tsaa loꞌo neꞌ ꞌin yu chaꞌ katsiꞌ yu. Xa wa mtsiꞌ neꞌ ꞌin yu, ndyaa ytsaꞌ neꞌ ꞌin Jesús sa ñaꞌan ngwa chaꞌ kanꞌ.

SAN MARCOS 1:35

Ja ya kiꞌya xaa la xka tsan, bra kanꞌ mdyituun Jesús, mdoꞌo yu ndyaa yu chinꞌ nde niꞌ kixinꞌ seꞌen tiin ndiꞌin chalyuu, chaꞌ chkwiꞌ yu loꞌo Ndiose nde kwa.

SAN LUCAS 4:42

Wa ngwiꞌya xaa xka tsan, bra kanꞌ mdoꞌo Jesús ndyaa yu xka seꞌen, seꞌen tyaꞌan ska ti yu niꞌ kixinꞌ. Mdaꞌan naan ꞌa neꞌ ꞌin yu bra kanꞌ, sa yaꞌ mdyija yu ꞌin neꞌ. Ngwa tiꞌ neꞌ tatsaa neꞌ ꞌin Jesús chaꞌ ja tsaa ꞌa yu xka seꞌen.